Luka 7:37 - Baibo Busansulushi Bwa Libuku Ili

³⁷ Ono mundabala yeenka iyo mwakalinga mwanakashi mufuule. Ndyaakanyumfwa ayi Jesu utoolya muŋanda ya muFalisi uyo, wakatola musaashi wakapangwa kulibwe lya alabasita kauswite mafuta anunkila kabotu amakwebo.

Luka 7:37 ပူးပေါင်းရင်းမြစ်များ

Mateyo 21:31

Ino ngani pabaana bobilo aba wakacita bwakalinga kuyanda baishi?” Balo bakakumbula ayi, “Mutaanshi.” Mpeeke Jesu wakabaambila ayi, “Ntoomulwiita calushinisho ayi basonkeshi abafuule batootaanguna kwinjila muBweene bwakwe Lesa mwebo kamutana.

Luka 18:13

“Sombi musonkeshi uyo wakanyamuka alakwe weemikana palaale. Taakwe kulangaawo akwiculu pakupaila, sombi wakalikumbata akwaamba ayi, ‘NobaLesa, amunyumfwileko nkumbu nebo nemucita shibi!’

Luka 19:7

Lyalo bantu boonse bakabona cikani ici bakatalika kutongooka akwaamba ayi, “Amubone muntu uyu waya mukushikila kuŋanda ya mucita shibi.”

Luka 5:30

BaFalisi bamwi abafundishi ba Milawo ba mulikoto lyabo, bakatalika kutongookila bashikwiiya bakwe Jesu ayi, “Ino mutoolitanshi akunwa pantu pomwi abeshikusonkesha alimwi abantu batakonkeli Milawo yakwe Mose?”

Luka 5:32

Nshikwe kwisa mukwiita baluleme, sombi bamucita shibi kwaamba ayi basanduke kuswa kushibiibi shabo.”

Luka 7:34

Ono MwanaaMuntu ndyaakesa kaalya akunwa, mwebo mwakaamba ayi, ‘Amubone, ngumulyabi, ngucakolwa, ngushicibusa abeshikusonkesha alimwi abamucita shibi!’

Luka 7:36

Umwi muFalisi wakeeta Jesu ayi akalye anguwe. Mpeeke Jesu wakaya kuŋanda mukulya.

Joni 11:2

(Maliya uyu ngowakapuumwita mafuta anunkila kabotu kushimpanta sha Mwaami Jesu akushipukuta amisusu yakwe. Lasalo uyo wakaciswa, wakalinga nandumi yakwe.)

Joni 9:24

Bakamwiita lwabili musankwa uyo wakashalwa kaali moofu akumwaambila ayi, “Lemeka Lesa, waambe calushinisho mukwiinga swebo tulishi kwaamba ayi muntu uyo wakakushilika ngumucita shibi.”

Joni 9:31

Tulishi kwaamba ayi Lesa taakutiki bamucita shibi, sombi bantu bamulemeka akucita mbwaasuni.

Bene Loma 5:8

Sombi Lesa wakatutondesha kwaamba ayi ulitusuni abuumbi ceebo Jesu Klistu wakatufwita katucili bamucita shibi.

1 Timoti 1:15

Ono makani alushinisho alimwi eelete kutambulwa cakumaninina akushomwa ngakwaamba ayi, “Klistu Jesu wakesa mukupulusha bamucita shibi.” Ono nebo ndeendaawo kubica.

1 Timoti 1:9

Peculu lya waawo tulishi kwaamba ayi Milawo taikwe kupangilwa baluleme, sombi abo beshikwiisotoka abatanyumfwili, batasuni shabuLesa abamucita shibi, batasalalite alimwi batapaili. Nja bantu abo bacaya bamaishiwabo nabi bamanyinawabo, bacayi,

1 Pita 4:18

Kweelana abwaamba Malembo akwe Lesa ayi, “Ono na ululeme ulaakupulushikwa cakupengapenga, ino bamucita shibi batanyumfwili Lesa balaakweela kuli?”