Luka 7:2 - Baibo Busansulushi Bwa Libuku Ili

² Kwakalinga mutanjilili umwi wa bashilumamba mwaanda wakalinga kucite musebenshi ngwaakalinga kusuni abuumbi. Uyo musebenshi wakalinga kuciswa cakufwa.

Luka 7:2 ပူးပေါင်းရင်းမြစ်များ

Matalikilo 24:27

Lyalo wakaamba ayi, “Aalumbwe Mwaami Lesa, Lesa wa baami bangu baAbulaamu, abo bashomeka akucita kweelana ambobakabashomesha. Mwaami Lesa wantanjilila akundulika kubeshikamukowa ba baami bangu.”

Matalikilo 35:8

Ono musebenshi wakwe Labeka wiitwa ayi Debola, wakafwa alimwi bakamufukila muunshi lya mubanga kumalenge a Betelo. Aboobo bakautumba ayi, “Mubanga wakulila.”

Jobo 31:5

“Na ndakeenda munshila shibiibi nabi na ndakacenjeekawo kale bantu bamwi,

Tushimpi 29:21

Na muntu wayolosha musebenshi wakwe kuswa kumatalikilo, kumeelelesho ulaakupyana buboni bwakwe boonse.

Mateyo 27:54

Ono munene wa bashilumamba mwaanda, abashilumamba abo mbwaakalingaabo kabalindilila Jesu, ndibakabona citentanshi ashimwi shintu shoonse shakacitika, bakaloonda abuumbi, akwaamba ayi, “Ncakwiila, uyu muntu wakalinga Mwanaakwe Lesa!”

Luka 23:47

Mpomunyaawo munene wa bashilumamba mwaanda ndyaakabona boobo, wakalumbaisha Lesa akwaamba ayi, “Ncakwiila uyu muntu wakalinga kululeme!”

Luka 7:1

Jesu ndyaakamanisha kwaamba maswi aya kubantu, wakaya kuKapenaumu.

Luka 7:3

Lyalo ndyaakanyumfwa mpuwo yakwe Jesu, wakatuma bamaloba ba baJuda bamwi kwaamba ayi bakasenge Jesu ayi ese ashilike musebenshi wakwe.

Luka 8:42

mukwiinga mwanaakwe mwanakashi wa myaaka likumi ayobilo lwakalingabo ndufu. Uyo mwaana wakalinga ngomwaana ngwaakalinga kucite eenkabo. Ono Jesu ndyaakalinga kuya bweenda, bantu baanji bakalinga kumushaankanya.

Milimo ya Batumwi 10:1

KuSisaliya kwakalinga muntu umwi wiitwa ayi Konelyasi. Wakalinga munene wa bashilumamba mwaanda ba baLoma ba mulikoto lyakalinga kwiitwa ayi, “Likoto lya kuItali.”

Milimo ya Batumwi 10:7

Munjelo uyo ndyaakaswaawo, Konelyasi wakeeta basebenshi bakwe bobilo alimwi ashilumamba womwi. Shilumamba uyu wakalinga womwi wa mulikoto lya beshikumucafwa mwiine alimwi wakalinga muntu wakalinga kulambila Lesa lyoonse.

Milimo ya Batumwi 22:26

Ono mutanjilili wa bashilumamba mwaanda ndyaakanyumfwa boobo, wakaya kumutanjilili wabo munene mukwiipusha ayi, “Ino mutoocita buyani? Musankwa uyo ngumwine Loma!”

Milimo ya Batumwi 23:17

Mpomunyaawo Paulo wakeeta mutanjilili umwi wa bashilumamba mwaanda akumulwiita ayi, “Tola musankwa uyu kumutanjilili munene wa bashilumamba mukwiinga ulicite makani akumulwiita.”

Milimo ya Batumwi 27:1

Ndicakasuminishikwa ayi tutooya abwaato bunene kuItali, Paulo abakaili bamwi bakabikwa mumaansa a mutanjilili wa bashilumamba wiitwa ayi Julyasi, wa mulikoto lya bashilumamba bene Loma lyakalinga kwiitwa ayi “Bashilumamba bakwe Sisa muleli munene wa kuLoma.”

Milimo ya Batumwi 27:3

Bushiku bwakaboolaawo, twakashika kuSidoni. Lyalo Julyasi wakanyumfwila nkumbu Paulo akumusuminisha ayi aye mukubona babye, kwaamba ayi bakamupeewo shimwi shintu nshaatakalinga kucite.

Milimo ya Batumwi 27:43

Sombi mutanjilili wa bashilumamba mwaanda wakalinga kusuni kupulusha Paulo. Paceebo ceeco wakabakasha kucita boobo. Mpomunyaawo wakaambila bakaili boonse bakalinga kucishi kusamba njabwe, ayi bataangune kuliwaala mumaanshi kwaamba ayi basambe baye kwitala.

Bene Kolose 3:22

Amwebo nobasha, mulyeelete kunyumfwila bamaami banu ba mucishi ca panshi mushintu shoonse. Mutanoobanyumfwilabo na mpobali kwaamba ayi bamuluumbe, sombi mubanyumfwile camoyo woonse ceebo mulalemeka Mwaami.