Luka 7:16 - Baibo Busansulushi Bwa Libuku Ili

¹⁶ Boonse bantu bakaloonda abuumbi, mpeeke bakalumbaisha Lesa kabaamba ayi, “Ncakwiila mulaluki munene wesa mukwikala pakati kesu!” Bakaamba alimwi ayi, “Lesa wesa mukupulusha bantu bakwe!”

Luka 7:16 ပူးပေါင်းရင်းမြစ်များ

Kulumbaisha 65:9

Mulalama cishi kwiinda mukucipa mfula, mulacipa mboleshi shiinji abuumbi. Tulonga twanu mulatususha maanshi kwaamba ayi bantu babe ashilyo. Mboboobo mbomwakacibamba ayi cibe.

Kulonga 4:31

Mpomunyaawo bakashoma. Ono ndibakanyumfwa ayi Mwaami Lesa wakesa akubona mbuli mbobakalinga kupenshekwa bunene, bakafukama akumulambila.

Jelemiya 33:9

Ndabala inene ya Jelusalemu ilaakundetela mpuwo, kusangalala, kulumbaishikwa alimwi abulemu kunembo lya mishobo yoonse ya pacishi ca panshi. Lyalo mishobo ilaakuloonda akututuma pakunyumfwa shintu shibotu nsheshi nkacitile bene Jelusalemu alimwi ambweshi nkabalengeshe kuswitilila akwikala muluumuno.’ ”

Mateyo 15:31

Bantu boonse bakakankamana ndibakabona bacibuulu kabaamba, balema kababa kabotu, balema myeendo kabeenda alimwi aboofu kababona. Lyalo bakalumbaisha Lesa wa bene Isilaeli.

Mateyo 21:11

Bantu baanji baanji balya bakakumbula ayi, “Uyu nguJesu mulaluki wa kuNasaleti mucishi ca Galili.”

Mateyo 28:8

Aboobo bakaswa cakufwambaana kucuumbwe. Bakaloonda, sombi alimwi kabasangalete. Bakacica kuya mukulwiita bashikwiiya bakwe.

Mateyo 9:8

Ono bantu boonse ndibakabona cakacitika, bakakankamana abuumbi akutalika kulumba Lesa wakapa bulemu ankusu sha mushobo uyu.

Luka 1:65

Bantu boonse bakalinga kwikala pafwaafwi bakaloonda abuumbi. Lyalo shoonse ishi shintu shakanyumfwika mucishi coonse ca tulundu twa muJudeya.

Luka 1:68

“Atulumbaishe Mwaami Lesa wa bene Isilaeli mukwiinga wesa mukufwakashisha bantu bakwe akubapulusha.

Luka 19:44

Balaakukumwayulula akunyonyoola boonse bekala muli ndiwe, alimwi teshi bakashiye libwe palibwenyina mukwiinga tookwe kwishiba ciindi Lesa ndyaakesa mukukupulusha.”

Luka 2:20

Beembeshi balya bakaboolela kabaya cilemeka akulumbaisha Lesa pasheesho shoonse nshibakanyumfwa akubona. Cakaba bweenka mbuli munjelo mbwaakabalwiita.

Luka 24:19

Jesu wakeepusha alimwi ayi, “Nshintunshi?” Lyalo bakamukumbula ayi, “Isho shakacitika kuli Jesu wa kuNasaleti. Uyo muntu wakalinga mulaluki wakalinga kucita akwaamba shintu shikankamika pameenso akwe Lesa abantu boonse.

Luka 5:26

Bantu boonse bakakankamana abuumbi alimwi bakaloonda. Lyalo bakatalika kulumbaisha Lesa akwaamba ayi, “Ici ncetwabona sunu, tatuna kucibonaawo.”

Luka 5:8

Ndyaakabona boobo, Simoni Pita wakafukama kunembo lyakwe Jesu akwaamba ayi, “Amunshiiye Nkambo, mukwiinga ndimucita shibi!”

Luka 7:15

Musankwa uyo wakalinga kufwite wakabuka wekala akutalika kwaamba. Lyalo Jesu wakamuboosha kuli banyina.

Luka 7:39

Lyalo muFalisi ulya wakeeta Jesu ndyaakabona bobulya, wakalyaamboosha ayi, “Muntu uyu naalinga mulaluki wancinencine naashiba mbwaabete mwanakashi uyu utoomucata mukwiinga ngumucita shibi.”

Luka 8:37

Lyalo bantu boonse bakalinga kwikala mucishi ca Gelasa bakakombelela Jesu ayi asweemo mucishi cabo ceebo bakaloonda abuumbi. Mpomunyaawo wakenjila mubwaato akuboolela.

Luka 9:19

Balo bakamukumbula ayi, “Bamwi balaamba ayi ndimwe baJoni Mubombeki, bamwi ayi ndimwe baElija, abalo bamwi ayi muli womwi wa balaluki bakulukulu uyo wakabuka.”

Joni 1:21

Bakamwiipusha ayi, “Ino ndiwaani? Sa ndiwe Elija?” Lakwe wakakumbula ayi, “Sobwe, teshi ndime Elija.” Bakamwiipusha alimwi ayi, “Sa ino ndiwe mulaluki ngotutoolindila ulya?” Sombi wakaamba ayi, “Sobwe.”

Joni 1:25

Bakeepusha Joni ayi, “Ono na teshi ndiwe Usalitwe wakwe Lesa, Elija nabi mulaluki ngotutoolindila ulya, utoobombekelanshi?”

Joni 4:19

Mwanakashi uyo wakaamba ayi, “Nkambo, ndeshiiba ono ayi muli balaluki.

Joni 6:14

Bantu ndibakabona caankamiko cakacita Jesu, bakaamba ayi, “Ncakwiila uyu ngomulaluki wakalinga kulangilwa mucishi ca panshi!”

Joni 9:17

Lyalo baFalisi bakeepusha musankwa uyo wakalinga moofu alimwi ayi, “Ino webo utooyeeya buyani shamuntu uyo bulya mbwaakushilika meenso?” Lakwe wakakumbula ayi, “Ngumulaluki.”

Milimo ya Batumwi 5:5

Mpeeke Ananiyasi ndyaakanyumfwabo maswi aya, wakawita panshi, wafwa. Lyalo bantu boonse bakanyumfwa shakacitika bakaloonda abuumbi.

Milimo ya Batumwi 7:37

Mose uyu ngowooyo wakaambila bene Isilaeli ayi, ‘Lesa ulaakumutumina mulaluki mbuli ndime, eshi akaswe mulunyungu lwanu.’

Bene Galatiya 1:24

Mpomunyaawo bakalumbaisha Lesa ceebo ca ndime.

Dutolonomi 18:15

Mwaami Lesa, Lesa wanu ulaakumutumina mulaluki wa mbuli ndime kuswa mulikoto lyanu. Aboobo mulyeelete kunoomunyumfwila.