Luka 6:49 - Baibo Busansulushi Bwa Libuku Ili

⁴⁹ Sombi uyo unyumfwa maswi angu akutaacita, ulibo anga ngumuntu wakayaka ŋanda cakutakaba lwiimbi. Mulonga ndiwakesula, maanshi akatalika kuuma kuŋanda. Lyalo yakawa akunyonyooka abuumbi.”

Luka 6:49 ပူးပေါင်းရင်းမြစ်များ

Tushimpi 28:18

Uyo weendabo kwakubula kampenda ulaakupulushikwa, sombi uyo weenda munshila shipilingene ulaakuwita mucilindi cakuteengashila.

Esekelo 33:31

Bantu bangu balesa kuli ndiwe bweenka mbobacita lyoonse akwikala kunembo lyako ayi bakutike maswi ako, sombi tabaciti nshoobaambila, sobwe. Balaamba ayi balashomeka kuli ndime, sombi myoyo yabo ilibo mukubilila munshila italuleme.

Osiya 4:14

Nakubi boobo teshi nkape mulandu bana banu banakashi ndibaya cicita bufuule, nabi kupa mulandu bamalokashi banu ndibaya cicita bulale mukwiinga mwebo nobeene mulaya cicita bulale akubenga milambu abafuule ba kushipaililo sha bakunsengwe. Ncakwiila bantu batacite maano balaakunyonyooka.

Mateyo 23:3

Aboobo mulyeelete kucita akukonkela shintu shoonse nshebamulwiita. Sombi mutanoocita sheesho nshebacita ceebo tabaciti nshebeeisha.

Mateyo 24:10

Ciindi ico, bantu baanji balaakucileka kushoma. Balaakutalika kulyaaba akupatana beene abeene.

Maako 4:17

Sombi maswi taanjili cankusu mumyoyo yabo, aboobo taakaali ciindi. Makatasho nabi mapensho na abapolela ceebo ca maswi akwe Lesa, balatentuka kufwambaana.

Luka 12:47

“Musebenshi uyo ushi mwaami wakwe mbwaayanda, sombi taalibambili nabi kucita buyanda mwaami wakwe, ulaakuumwa cankusu.

Luka 19:14

Ono mbaakalinga kwikalaabo mucishi umo tebakalinga kusuni kwaamba ayi abe mwaami. Aboobo bakatuma nkombe pesule ayi, ‘Swebo tatusuni kwaamba ayi uyo muntu abe mwaami wesu.’

Luka 19:27

Ono balwani bangu abo batakalinga kusuni ayi nebo mbe mwaami wabo, amubaleete kuno mubacaaye kambweneeko!’ ”

Luka 6:46

“Ceebonshi mulanjita ayi, ‘Nkambo, Nkambo’ sombi kamutaciti nshemwaambila?

Luka 6:48

Uli anga ngumuntu wakakaba lwiimbi lulaamfu lwakashika palibwe, akuyakaawo ŋanda. Mulonga ndiwakesula, maanshi akatalika kuuma kuŋanda iyo. Sombi taikwe kuwa mukwiinga wakeeyaka kabotu.

Luka 7:1

Jesu ndyaakamanisha kwaamba maswi aya kubantu, wakaya kuKapenaumu.

Joni 15:2

Balatimbula musampi uli woonse muli ndime utacati shisepo, sombi musampi uyo ucata shisepo balaukwesoola misampi yamweela kwaamba ayi ube kabotu akucata shisepo shiinji kwiindaawo.

Milimo ya Batumwi 20:29

Ndishi kwaamba ayi na nkasweewo palikoto lyanu, baumpe bakali balaakwisa pakati kanu alimwi teshi bakalekewo bamucoonde aba.

Milimo ya Batumwi 26:11

Mankanda aanji ndakalengesha ayi bapenshekwe mushoonde sha baJuda akwaamba ayi bacileeke kushoma muli Jesu. Ndakalinga mukali cakwaamba ayi ndakalinga kuya mumandabala a mushishi shimwi mukubapensha.

1 Bene Tesalonika 3:5

Nceceeco ncendakatumina Timoti. Ndakaalilwa kulicata, aboobo ndakamutuma kwaamba ayi ese eshibe mbomwiimfwi mulushomo ceebo ndalinga kwaamba ayi cimwi ciindi Mubiibi wamusunka akulengesha mulimo ngotwakacita pakati kanu kubula mpindu.

2 Pita 2:20

Bantu balapulushikwa mushintu shibiibi sha mucishi ca panshi kwiinda mukwishiba Mwaami Jesu Klistu, Mupulushi wesu. Sombi na baboola mushintu isho akukomwa, ncakwiila bwikaalo bwabo bulabica kwiinda mbuli mbobakalinga pakataanshi.

1 Joni 2:19

Bantu aba bakalinga aswebo kale kale, sombi tebakalinga bamulikoto lyesu cancinencine. Mukwiinga nebakalinga bamulikoto lyesu, naakwiinga kabacili aswebo. Sombi bakapatuka kwaamba ayi baboneke patuba ayi taaku nabi womwi pakati kabo wakalinga mulikoto lyesu cancinencine.