Luka 6:41 - Baibo Busansulushi Bwa Libuku Ili

⁴¹ “Ino inga wabona buyani kapampaansha kali muliinso lya mubyo akushiya cisamu cili muliinso lyako?

Luka 6:41 ပူးပေါင်းရင်းမြစ်များ

1 Baami 2:32

Mwaami Lesa utooboosha cishole kuli Joabu ceebo cakucaya uko nkwaakacita cakutashibisha mwaami Defedi. Joabu wakacaya basankwa bobilo abo bakalinga kuyandika kwiinda nguwe. Meena abo nguAbina mwanaakwe Na, mutanjilili wa bashilumamba bene Isilaeli alimwi aAmasa mwanaakwe Jeta, mutanjilili wa bashilumamba bene Juda.

1 Makani 21:6

Ono ceebo cakwaamba ayi Joabu taakwe kusumina cakaamba mwaami, taakwe kubelengaawo bamumukowa wakwe Lefi alimwi awakwe Benjameni.

Kulumbaisha 36:2

Mukwiinga balalisumpula akulibeca mumyoyo yabo ayi Lesa taakoonshi kubona shibiibi shabo akubapa mulandu.

Jelemiya 17:9

“Moyo wa muntu ngubeshi abuumbi kwiinda pashintu shimwi shoonse alimwi ulicite bulwashi butashilikiki. Anu ngani weenga wakonsha kuushiba?

Esekelo 18:28

Ulaakuba abuumi ceebo wakayeeya shilubo shoonse nshaacita akushileka, ndushinisho teshi akafweewo.

Mateyo 7:1

“Mutoomboloshi bamwi, kwaamba ayi amwebo Lesa atakamoomboloshi.

Maako 8:7

Bakalinga kucite atuswi tuniininiini tongayebo. Ndyaakamana kulumba Lesa patuswi utu, Jesu wakaambila bashikwiiya bakwe ayi atwalo batwaabile bantu.

Luka 6:40

Taaku muntu utokwiiya wiinda mufundishi wakwe, sombi muntu woonse ulaba mbuli mufundishi wakwe ndyaamanisha kwiiya.

Luka 6:42

Inga waambila buyani mukwanu ayi, ‘Mukwabo, tubone nkukusheko kapampaansha muliinso,’ na muliinso lyako omwiine kamuli cisamu? Webo omuntu nowaamba nshootaciti, taanguna kusha cisamu cili muliinso lyako, ndyeshi ubone kabotu akukusha kapampaansha kali muliinso lya mukwanu.

Joni 8:7

Lyalo ndibakatolelela kumwiipusha wakakotamuka akubaambila ayi, “Uyo woonse utakwe kubishaawo pakati kanu, ataangune kumuuma libwe.”

Bene Loma 2:1

Omweensuma, webo nowoombolosha babyo, taaku mpweshi ukayubile mulandu, nabi ubaani. Ceebo ndiwoombolosha bamwi pabubi bweenka mboocita, awebo utolishinina omwiine.

Jemusi 1:24

Na wamanabo kulibona akuswaawo, ciindi ceenka ico waluba mbwaaboneka.