Luka 6:30 - Baibo Busansulushi Bwa Libuku Ili

³⁰ Aba cintu kumuntu woonse wakusenga, alimwi na muntu wabwesa cintu cako, utamwaambili ayi acibooshe.

Luka 6:30 ပူးပေါင်းရင်းမြစ်များ

Kulumbaisha 112:9

Ulaaba shipo shakwe kubakandu camoyo woonse. Bululami bwakwe mbwalyoonse alyoonse. Ulaakuba ankusu alimwi ulaakulemekwa.

Kulumbaisha 41:1

Ulicite coolwe muntu uyo uyeeyela bakandu. Mwaami Lesa ulaakumufuna muciindi ca mapensho.

Tushimpi 19:17

Kucafwa bakandu, cili anga nkukongosha Mwaami Lesa, lyalo Mwaami Lesa alaakubooshesha kweelana ambowakapa.

Tushimpi 21:26

Lakwe ngushi lunkumbwa lwakuba ashimwi ciindi coonse, sombi balo baluleme mbeshi kwaababo ca moyo woonse lyoonse.

Tushimpi 22:9

Muntu shikwaaba ulaakupekwa coolwe ceebo ulaabana shakulya shakwe abakandu.

Shikushimikila 11:2

Bika maali ako mumisena iinji ipusenepusene mukwiinga tooshi mapensho eshi akese kuli ndiwe mucishi cino.

Shikushimikila 8:16

Ndindakalinga kuyandoola busongo akulangishisha mulimo ucita muntu pacishi ca panshi, ndakabona ayi nabi ndabuula koona malumwi amashiku,

Mateyo 18:35

Mboboobo, abalo baTa bali kwiculu mbweshi bakacite kumuntu womwi awomwi wa mulikoto lyanu, utalekeleli mukwabo amoyo woonse.”

Mateyo 5:39

Sombi nebo ntoomulwiita ayi bubi tabeelanishi. Na umwi wakuuma kulicili lyakululyo, piluluka akuume akucipiko.

Mateyo 6:12

Amutulekelele shibiibi shesu, bweenka mbotulekelela batubishisha.

Luka 11:41

Amupe bapengete isho shintu shili munkomeshi ambale, lyalo shoonse shintu shilaakumusalalila.

Luka 12:33

Amuulishe buboni mbomucite, maali mupe bapengete. Amulilangweete mpotomona shitabooli alimwi amubike buboni bwanu kwiculu nkweshi bukabule kuceya mukwiinga taaku beepi beenga bashikaako atubambala tatukoonshi kubunyonyoola.

Luka 18:22

Jesu ndyaakanyumfwa boobo, wakamwaambila ayi, “Kwacaalabo cintu comwi ncooelete kucita. Koya uulishe shoonse nshoocite, maali upe bakandu, lyalo ulaakuba abuboni kwiculu. Na umanishe kucita boobo, ndyeshi use unkonkele.”

Luka 6:29

Na muntu wakuuma kulicili, piluluka akuume kulimwi alyalo. Na muntu wabwesa cakufwala cako capeculu, mupeteewo acakufwala camukati.

Luka 6:31

Amucitile bantu bamwi bweenka mbomusuni ayi bamucitile.’

Luka 6:38

Amupe babyaanu shintu nshibatacite, Lesa alakwe ndyeshi akamupe nshemutacite. Lesa ulaakumupa mucipimo cibotu cishindailitwe kashisempooka. Cipimo ncemupiminaamo bamwi alakwe Lesa nceshi akamupimineemo.”

Milimo ya Batumwi 20:35

Mushintu shoonse ndakamubonesha ayi kwiinda mukusebensa cankusu bweenka mbuli mbondakasebensa, inga twacafwa baabo batacite nkusu. Lyoonse kamwiibaluka maswi akaamba Mwaami Jesu ayi, ‘Kupa kulaleta shoolwe kwiinda kutambula.’ ”

2 Bene Kolinto 8:9

Mukwiinga mwebo mulishi luse lwa Mwaami wesu Jesu Klistu. Wakalinga mubile, sombi wakaba mukandu ceebo ca ndimwe kwaamba ayi mwebo mube babile mumushimu kwiinda mubukandu bwakwe.

Bene Efeso 4:28

Muntu wakalinga mwiipi ateepi lyobilo, sombi atalike kusebensa amaansaakwe kwaamba ayi anoolicafwa akucafwako bapenshi.