Luka 6:13 - Baibo Busansulushi Bwa Libuku Ili

¹³ Ndibwakaca wakeeta bashikwiiya bakwe. Lyalo pakati kabo wakasalawo bali likumi abobilo abo mbaakatumba ayi batumwi.

Luka 6:13 ပူးပေါင်းရင်းမြစ်များ

Mateyo 10:2

Meena abo ngaaya, Simoni wiitwa ayi Pita alimwi aAndulu mukwabo, Jemusi mwanaakwe Sebedi aJoni mukwabo,

Mateyo 19:28

Jesu wakabaambila ayi, “Ntoomulwiita calushinisho ayi shintu shoonse ndyeshi shikalengwe cipya, MwanaaMuntu ndyeshi akekale pacuuna cakwe ca bulemu, amwebo nomukonkela ndime, mulaakwikala pashuuna shili likumi ashobilo. Mulaakoombolosha mishobo ili likumi ayobilo ya muIsilaeli.

Mateyo 9:36

Ono ndyaakabona bantu baanji baanji, wakabanyumfwila nkumbu mukwiinga bakalinga kulemete akupenga anga nimbelele shitacite mweembeshi.

Maako 6:30

Ndibakaboolela batumwi mbwaakalinga atuma, bakakumana pantu pomwi alimwi aJesu, bamulwiita shoonse nshebakacita alimwi akwiisha.

Maako 6:7

Jesu wakabunganya bashikwiiya bakwe bali likumi abobilo, wabatuma bobilo bobilo akubapa nkusu shakukusha bashikaswa.

Luka 11:49

Paceebo ceeco Lesa alakwe mubusongo bwakwe wakaamba ayi, ‘Ndaakubatumina balaluki abatumwi, ono bamwi pakati kabo balaakucaikwa abalo bamwi balaakubapensha.’

Luka 22:30

Mulaakulya akunwa pantu pomwi anebo muBweene bwangu alimwi mulaakwikala pashuuna sha bwaami akoombolosha mishobo likumi ayobilo ya Isilaeli.

Luka 6:14

Menaabo ngaaya: Simoni uyo ngwaakapa liina lya Pita, aAndulu mukwabo, Jemusi aJoni, Filipo aBatolomeyo,

Joni 4:33

Mpomunyaawo bashikwiiya bakatalika kulyaamboosha beene ayi, “Sa kuli umwi wabaletela cakulya?”

Milimo ya Batumwi 1:13

Ndibakashika, bakenjila muŋanda mucipinda ca peculu mobakalinga kwikala. Batumwi aba bakalinga Pita, Joni, Jemusi aAndulu, Filipo aTomasi, Batolomeyo aMateyo, Jemusi mwanaakwe Alufeyasi, Simoni shikulwanina lwaanguluko alimwi aJudasi mwanaakwe Jemusi.

Bene Efeso 2:20

Anu amwebo mwayakilwa waawo pakayakila batumwi alimwi abalaluki, Klistu Jesu mwiine ndyelibwe lya mulikonko lya ŋanda.

Bene Efeso 4:11

Ngowooyo “wakapa bantu shipo” akusala kwaamba ayi bamwi babe batumwi, bamwi babe balaluki, bamwi babe beshikushimikila, bamwi babe beembeshi abafundishi.

Bene Ebulu 3:1

Nobamakwesu, nomwakeetwa kuli Lesa kwaamba ayi mube abuumi bwa kwiculu. Amuyeeye Jesu, Mutumwi alimwi Mupailishi Munene wa lushomo ndotushimikila.

2 Pita 3:2

Ndisuni ayi mwiibaluke maswi akaamba balaluki bakulukulu basalalite kale kale alimwi amulawo wa Mwaami Mupulushi wesu, uyo batumwi ngobakamupa.

Ciyubululo 12:1

Mpomunyaawo kwakaboneka cintu cinene cikankamika kwiculu. Kwakalinga mwanakashi wakalinga kufwete lisuba. Panshi lya myeendo yakwe pakalinga mweenshi. Apalo pamutwi wakwe pakalinga mushini wa nyenyeenshi likumi ashobilo.

Ciyubululo 18:20

Sangalala webo oliculu mukwiinga ndabala inene yanyonyooka! Amusangalale mwebo nobashomi noonse, nobatumwi alimwi anobalaluki bakulukulu! Mukwiinga Lesa waipa mulandu ceebo ca sheesho nsheyakacita kuli ndimwe!

Ciyubululo 21:14

Lubumbu lwa ndabala iyi lwakalinga kuyakitwe palwiimbi lwa mabwe ali likumi aobilo apo pakalinga kulembetwe meena a batumwi ba Mwanaambelele bali likumi abobilo.