Luka 6:12 - Baibo Busansulushi Bwa Libuku Ili

¹² Muciindi ico Jesu wakaya kukalundu mukupaila alimwi bwakamucetabo kaapaila.

Luka 6:12 ပူးပေါင်းရင်းမြစ်များ

Kulumbaisha 22:2

NobaLesa bangu, ndamulilila malumwi, sombi mwebo tamunkumbuli. Ndamulilila mashiku nshicani kookesha.

Isaya 26:9

Mashiku moyo wangu ulayeeyabo ndimwe, aalo macuunsa miyeeyo yangu ilababo kuli ndimwe. Ceebo koombolosha kwanu ndikuboneka mucishi ca panshi, bantu bekalaamo baleeya bululami mbobubete.

Danyelo 6:10

Danyelo ndyaakanyumfwa ayi mwaami wapanga mulawo uyo, wakenjila mucipinda ca peculu ca ŋanda yakwe apo pakalinga mbwelyo yakalinga kulangite kundabala ya Jelusalemu. Wakalinga kufukama mankanda otatwe pabushiku akupaila mukulumba Lesa wakwe bweenka mbwaakalinga kucita kuswabo kalekale.

Mateyo 5:1

Ono Jesu ndyaakabona bantu baanji baanji, wakatanta pakalundu akwikala panshi. Bashikwiiya bakwe abalo bakaya peenka mpaakalinga.

Mateyo 6:6

Sombi mwebo pakupaila, amunjile muŋanda yanu akucala kumulyango, lyalo mupaile kuli Ishiwanu utaboneki. Ishiwanu ubona shabushishi ulaakumulambula.

Maako 1:35

Bushiku bwakaboolaawo kumuyamaca, Jesu wakabuka akuswa muŋanda. Lyalo wakaswa mundabala akuya kumusena kwatakalinga kwikala bantu uko nkwaakaya mukupailila.

Maako 3:13

Lyalo Jesu wakaya kukalundu akwiita baabo mbwaakalinga kuyandoola. Abalo bakaya kuli nguwe.

Maako 6:46

Ndyaakamana kubalasha, wakatanta pakalundu mukupaila kuli Lesa.

Luka 5:16

Sombi lakwe wakabashiya akuya kumusena kwatakalinga kwikala bantu mukupaila.

Luka 6:11

Sombi balo bakakalala abuumbi akutalika kulifuyafuya mbweenga bacita Jesu.

Luka 6:17

Jesu ndyaakakunkuluka pakalundu pantu pomwi abatumwi, wakeemikana paselebete. Pakalinga likoto linene lya bashikwiiya bakwe alimwi alikoto linene lya bantu bakaswa kumbasu shoonse sha kuJudeya akuJelusalemu. Bamwi bakaswa kumandabala anene a Taya aSidoni, akalinga muloombe lwa lweenge.

Luka 9:18

Bumwi bushiku Jesu kaapaila eenka, bashikwiiya bwakwe abalo bakalingaawo pafwaafwi. Mpeeke wakabeepusha ayi, “Anu bantu balaamba ayi ndime ni?”

Luka 9:28

Ndipakeenda nshiku shosanwe ashotatwe Jesu ndyaakamana kwaamba makani aya, wakatola Pita, Joni alimwi aJemusi pakalundu mukupaila.

Luka 9:29

Mpomunyaawo ndyaakalinga kupaila, ciwa cakwe Jesu cakasanduka ashakufwala shakwe shakaboolabo tuu.

Joni 6:3

Lyalo Jesu wakatanta pakalundu akwikala panshi abashikwiiya bakwe.

Bene Kolose 4:2

Amucatishe kupaila, kunoolibambite lyoonse alimwi akulumba Lesa.

Bene Ebulu 5:7

Jesu ndyaakalinga muntu mucishi ca panshi, wakalinga kupaila alimwi akusenga cakoolobesha alimwi aminsonshi kuli Lesa, uyo wakalinga kukonsha kumupulusha kulufu. Mukwiinga Jesu wakalinga kuliceesha akulibenga, Lesa wakamukumbula.

1 Samwelo 15:11

“Ndanyumfwa nsoni kwaamba ayi ndakalengesha Saulo kuba mwaami, mukwiinga wanfutatila alimwi taakwe kucita mbondakamulwiita.” Lyalo Samwelo wakapenshekwa amoyo akulilila Mwaami Lesa mashiku oonse.