Luka 5:8 - Baibo Busansulushi Bwa Libuku Ili

⁸ Ndyaakabona boobo, Simoni Pita wakafukama kunembo lyakwe Jesu akwaamba ayi, “Amunshiiye Nkambo, mukwiinga ndimucita shibi!”

Luka 5:8 ပူးပေါင်းရင်းမြစ်များ

2 Samwelo 6:9

Lyalo Defedi wakaloonda Mwaami Lesa bushiku ubo akwaamba ayi, “Ono bulya inga ndatola buyani Libokoshi lya Cipangano ca Mwaami Lesa kuŋanda yangu?”

1 Baami 17:18

Mpomunyaawo mukalubinje uyo wakaambila Elija ayi, “Omuntu wakwe Lesa, nciinshi ncewacitila bobulya? Sa wesa kokuno mukwiibalusha Lesa shibiibi shangu isho nshendakacita akulengesha mwanaangu kufwa?”

Jobo 40:4

“Nebo ndi muntubo, taakuuwo mboombete. Anu inga ndamukumbula ayinshi? Taakuuwo nceeshi ŋambewo nabi comwi.

Kulonga 20:19

Lyalo bakaambila Mose ayi, “Twaambilebo webo weenka, tutoonyumfwa. Tutooloonda ayi na Lesa aambe aswebo, tutoofwa.”

Isaya 6:5

Mpeeke ndakalila akwaamba ayi, “Mapensho kuli ndime! Ono ndamanaawo mukwiinga ndi muntu utaambi shisalalite alimwi ndekala pakati ka bantu bataambi shisalalite. Ono alimwi ndaboona aMwaami wesu, ee, Mwaami Lesa Shinkusu shoonse.”

Mateyo 17:6

Ono bashikwiiya ndibakanyumfwa boobo, bakaloonda abuumbi cakwaamba ayi bakawa bufubeme.

Mateyo 2:11

Ndibakenjila muŋanda, bakabona mwaana alimwi aMaliya banyina. Mpomunyaawo bakafukama akulambila mwaana. Lyalo bakacalula shoola shabo akupa shipo sha golodi, atumwi tununkila kabotu pakutenta alimwi amafuta anunkila kabotu eetwa ayi mule.

Mateyo 8:8

Sombi mutanjilili wa bashilumamba wakakumbula ayi, “Nkambo, nsheelete kwaamba ayi inga mwenjila muŋanda yangu. Sombi mwaambebo liswi, musebenshi wangu utooba kabotu.

Luka 5:7

Lyalo bakeetabo babyaabo bakalinga mubwaato bumwi ayi bese babacafweeko kusubula. Abalo bakesa mpeeke basubula nswi shilya akususha maato obilo ayo cakuyanda kupila.

Luka 5:9

Simoni ababye bakakankamana abuumbi pakufula kwa nswi shilya nshibakacata.

Joni 11:32

Maliya ndyaakashika pamusena pakalinga Jesu, ono ndyaakamubona, wakafukama muliimfwa lyakwe akwaamba ayi, “Nkambo, nemwalingaako naakwiinga nandumi yangu taafwi.”

1 Bene Kolinto 13:12

Nshetubona bulya shintu shilyaanga nsheesho shiboneka mucilola. Sombi paciindi ico tulaakubonana meenso ameenso. Lushibo ndotucite talumaniniteewo, sombi paciindi ico lulaakumaninina bweenka Lesa nebo mbwaanshi cakumaninina.

Ciyubululo 1:17

Ndindakamubona, ndakawita muliimfwa lyakwe akuboolabo anga ngumuntu ufwite. Sombi wakambika lyaansa lyakwe lyalulyo akwaamba ayi, “Utaloondi! Nebo ndime Matalikilo alimwi aMamanino.

Boomboloshi 13:22

Mpeeke Manowa wakaambila mukaakwe ayi, “Ncakwiila tutoofwa ceebo twaboona Lesa.”

1 Samwelo 6:20

Aboobo basankwa bene Beti Shemeshi bakaamba ayi, “Anu ngani weenga weemikana pameenso aMwaami Lesa, Lesa uyu Usalalite? Anu nkuli nkweenga twatumya Libokoshi lya Cipangano cakwe kwaamba ayi abe kulaale aswebo?”