Luka 5:21 - Baibo Busansulushi Bwa Libuku Ili

²¹ Ingayi bafundishi ba Milawo alimwi abaFalisi bakatalika kwiipushanya ayi, “Ino ngani uyu utoocobola Lesa? Ngani weenga walekelela shibiibi? sa te nguLesa eenkabo?”

Luka 5:21 ပူးပေါင်းရင်းမြစ်များ

Kulumbaisha 103:3

Ulalekelela shibiibi shangu shoonse, alimwi ulashilika malwashi angu oonse.

Kulumbaisha 130:4

Sombi mwebo mulalekelela shibiibi shesu, paceebo ceeci swebo tulamulemeka abuumbi.

Kulumbaisha 32:5

Lyalo ndakasumina shibiibi shangu kuli ndimwe, alimwi nshikwe kushisa milandu yangu yoonse. Ndakaamba ayi, “Ntoolyaambilila shibiibi shangu kuli ndimwe noBaami baLesa,” ncakwiila mwakalekelela milandu yakubisha kwangu yoonse.

Kulumbaisha 35:5

Ababebo anga mbuungu butooya amuuwo, munjelo wanu noBaami baLesa atalike kubatandaanya.

Isaya 1:18

Mwaami Lesa waamba ayi, “Kamwisa ono twikale panshi. Nabi shibiibi shanu shilasalala anga mbulowa, shilaakuboolabo tuu anga ninkobokobo. Ncakwiila nabi shilibo pyupyupyu anga ngumuswa malowa, shilaakuboolabo tuu anga mbutonje.

Isaya 43:25

“Nebo, ee, nebo ndime nshiminganya shibiibi shanu ceebo ca mibo yangu alimwi cakutashiibalukawo tubili.

Isaya 44:22

Shilubo shanu ndashipalanganya bweenka mbooncita makumbi, ee, shibiibi shanu ndashimanisha bweenka bumana shikuunku macuunsa mukwiinga ndime ndakamulubula.”

Danyelo 9:19

NoBaami baLesa, amutukutike. NoBaami baLesa, amutulekelele shibiibi shesu. NoBaami baLesa, amutukutike akutucafwa! Mutacelwi kwaamba ayi bantu boonse bakeshibe ayi mwebo ndimwe baLesa! Amucite boobo mukwiinga ndabala yanu ileetwa liina lyanu pantu pomwi abantu banu aba.”

Danyelo 9:9

Mwebo noBaami baLesa, baLesa besu, mulicite nkumbu alimwi mulatulekelela shibiibi nabi twakamwaashukila.

Bene Lefi 24:16

wakucaikwa. Mwine Isilaeli woonse nabi muswamashi wikala muIsilaeli uyo unshingana nebo neMwaami Lesa, bene Isilaeli boonse balyeelete kumucaya kumabwe.

Mika 7:19

Mulaakutunyumfwila nkumbu alimwi. Mulaakulyata shibiibi shesu amyeendo yanu akuwaala shilubo shesu panshi peene palweenge.

Mateyo 26:65

Mpeeke mupailishi munene wakakwamoona shakufwala shakwe, akwaamba ayi, “Nkucobola Lesa uku. Ono apa sa inga katucilangoola abamwi bakamboni? Noonse mwalinyumfwila mbwaacobola Lesa.

Mateyo 9:3

Mpeeke bamwi bafundishi ba Milawo bakalyaamboosha beene ayi, “Uyu muntu utoocobola Lesa.”

Luka 3:8

Amucite ncito shibotu shitondesha ayi mwasanduka kuswa kushibiibi shanu. Mutanoolibeca mumyoyo yanu ayi, ‘Swebo tulicite Abulaamu ishiwesu.’ Ntoomulwiita calushinisho ayi Lesa ulakonsha kusandula mabwe kuba baana ba mulunyungu lwakwe Abulaamu.

Luka 5:17

Bushiku bumwi Jesu ndyaakalinga kwiisha, baFalisi abafundishi ba Milawo bamwi bakalingaawo abalo apo. Bantu abo bakaswa mumishi yoonse ya kuGalili, kuJudeya alimwi akuJelusalemu. Nkusu shakwe Lesa shakushilika shakalinga muli Jesu.

Luka 5:22

Lyalo Jesu wakeshiba ncibakalinga kuyeeya mumyoyo yabo wakabeepusha ayi, “Ino mutooyeeyelanshi shintu sha mushobo uyu mumyoyo yanu?

Luka 7:49

Mpeeke abo mbaakalinga kulyaabo bakatalika kuliipusha ayi, “Anu ngani muntu uyu ulekelela shibiibi?”

Joni 10:33

Balo bakakumbula ayi, “Tatutookuuma mabwe ceebo ca milimo ibotu, sobwe, sombi mukwiinga wa kucobola Lesa. Webo uli muntubo, sombi utoolyaamba ayi ndiwe Lesa.”

Bene Loma 8:33

Anu ngani weenga wapa mulandu bantu aba Lesa mbwaakasala? Taaku nabi womwi mukwiinga Lesa wakaamba kale ayi baliluleme.