Luka 5:20 - Baibo Busansulushi Bwa Libuku Ili

²⁰ Jesu ndyaakabona lushomo lwabo, wakaamba ayi, “Ndaba, shibiibi shako shalekelelwa.”

Luka 5:20 ပူးပေါင်းရင်းမြစ်များ

Matalikilo 22:12

Munjelo wakaamba ayi, “Utaciisi nabi kucita cili coonse kumwanike uyo. Ono ndeshiiba kwaamba ayi ulalemeka akunyumfwila Lesa ceebo tookwe kumamatisha mwanaako eenkabo kwaamba ayi utamubengi kuli nguwe.”

Isaya 38:17

Ndushinisho kupenga nkondeendaamo kwandetela mpindu. Kwiinda mulusuno lwanu mwakamfuna ayi ntayi mucilindi cakunyonyooka. Kuswawaawo mwalekelela shibiibi shangu shoonse akushiluba.

Mateyo 9:2

Mpeeke bantu bamwi bakatola musankwa wakalinga kuyuminite mubili kuli nguwe, kaalete pamacila. Jesu ndyaakabona lushomo lwabo, wakaambila wakalinga kuyuminite mubili ayi, “Kalika moyo ndaba, shibiibi shako shalekelelwa.”

Mateyo 9:5

Ino ncili cuubu kwaamba ayi, ‘Shibiibi shako shalekelelwa,’ nabi kwaamba ayi, ‘Nyamuka weende?’

Maako 2:5

Jesu ndyaakabona lushomo lwabo, wakaambila wakalinga kuyuminite mubili ayi, “Ndaba, shibiibi shako shalekelelwa.”

Luka 7:48

Mpomunyaawo Jesu wakaambila mwanakashi uyo ayi, “Shibiibi shako shalekelelwa.”

Joni 2:25

Taakalinga kulindila ayi umwi muntu amulwiite shabuumi bwa bantu mukwiinga wakalinga kwishi mwiine shili mumyoyo yabo.

Joni 5:14

Kuswawaawo Jesu wakamucana musankwa uyo muŊanda yakwe Lesa akumwaambila ayi, “Bona waba kabotu ono, anu ucileeke kubisha mukwiinga cimwi cibiibi kwiinda cecilya inga caakukucitikila.”

Milimo ya Batumwi 11:23

Ono ndyaakashika akubona Lesa mbwaakapa coolwe bantu abo, wakakondwa. Wakabayuminisha ayi batolelele kushoma muMwaami Jesu amyoyo yabo yoonse.

Milimo ya Batumwi 14:9

Musankwa uyo wakalinga kushiite kaakutika bwakalinga kwaamba Paulo. Ono Paulo ndyaakabona ayi musankwa uyo ulicite lushomo lwakwaamba ayi ashilikwe, wakamulangishisha.

2 Bene Kolinto 2:10

Kulilabo muntu ngomwalekelela anebo ndamulekelela. Ceebo na ndalekelela muntu, na kaciyandika kumulekelela, Klistu ulishi kwaamba ayi ndacita boobo ceebo ca ndimwe.

Bene Kolose 3:13

Amunyumfwilane nkumbu akulekelelana womwi awomwi. Na umwi wabishisha mubye, ulyeelete kumulekelela bweenka mbuli Mwaami mbwaakamulekelela.

Jemusi 2:18

Ono umwi muntu inga waamba ayi, “Webo ulicite lushomo, nebo ndicite micito ibotu.” Nebo palwaangu inga ndamwaambila ayi, “Ntondeshe mbweenga muntu waba alushomobo lutacite micito, nebo ntookutondesha lushomo kwiinda mumicito yangu.”