Luka 5:17 - Baibo Busansulushi Bwa Libuku Ili

¹⁷ Bushiku bumwi Jesu ndyaakalinga kwiisha, baFalisi abafundishi ba Milawo bamwi bakalingaawo abalo apo. Bantu abo bakaswa mumishi yoonse ya kuGalili, kuJudeya alimwi akuJelusalemu. Nkusu shakwe Lesa shakushilika shakalinga muli Jesu.

Luka 5:17 ပူးပေါင်းရင်းမြစ်များ

Mateyo 11:5

boofu batoolasha, balema myeendo batokweenda, beshimanata batooba kabotu, bashinkite matwi batoonyumfwa, bafu batoobushikwa alimwi bakandu batooshimikilwa Makani Abotu.

Mateyo 15:1

Mpomunyaawo baFalisi abafundishi ba Milawo bamwi bakaswa kuJelusalemu, bakaya kuli Jesu mukwiipusha ayi,

Maako 1:45

Ono lakwe uyo wakaba kabotu wakalingooyabo cishimika kubantu boonse. Ncakwiila kwaamba kwakwe kwakalenga ayi Jesu atalike kweenda cakuyubayuba mundabala alimwi wakalinga kwikala kulaale amishi. Nakubi boobo bantu bakalinga kuya kuli nguwe kuswa kumisena ipusenepusene.

Maako 16:18

Na bakabwese nsoka teshi bakalumweewo, nabi na bakanwe musamu ukola, teshi ukabacaaye. Balaakubika maansaabo pabalwashi, abalo balaakuba kabotu.”

Maako 3:22

Bamwi bafundishi ba Milawo bakaswa kuJelusalemu bakalinga kwaamba ayi, “Ulicite Bilusebulu muli nguwe! Ngumwaami wa bashikaswa umupa nkusu shakubakusha.”

Maako 5:30

Ciindi ceenka ico Jesu wakanyumfwa ayi nkusu shakushilika shaswa muli nguwe. Mpeeke wakapiluluka akwiipusha bantu ayi, “Ngani wancata kucisani?”

Maako 7:1

Lyalo baFalisi abafundishi bamwi ba Milawo abo bakaswa kuJelusalemu, bakabungana pantu pomwi peenka pakalinga Jesu.

Luka 15:2

Mpomunyaawo baFalisi abafundishi ba Milawo bakatalika kutongooka akwaamba ayi, “Uyu muntu ulatambula buyani bantu batakonkeli Milawo yakwe Mose akulyaabo?”

Luka 2:46

Bakesa mukumucana ndipakeenda nshiku shotatwe muŋanda yakwe Lesa kaashite pakati ka bafundishi ba Milawo, kaabakutika akunoobeepusha miipusho.

Luka 5:21

Ingayi bafundishi ba Milawo alimwi abaFalisi bakatalika kwiipushanya ayi, “Ino ngani uyu utoocobola Lesa? Ngani weenga walekelela shibiibi? sa te nguLesa eenkabo?”

Luka 5:30

BaFalisi bamwi abafundishi ba Milawo ba mulikoto lyabo, bakatalika kutongookila bashikwiiya bakwe Jesu ayi, “Ino mutoolitanshi akunwa pantu pomwi abeshikusonkesha alimwi abantu batakonkeli Milawo yakwe Mose?”

Luka 6:19

Bantu boonse bakalinga kweelesha kumukumya, mukwiinga nkusu shakalinga kuswa muli nguwe, shakalinga kubashilika boonse.

Luka 7:30

Sombi baFalisi abafundishi ba Milawo mukukaka kubombekwa aJoni, bakakaka muyeeyo wakwe Lesa ngwaakabamba.

Luka 8:46

Sombi Jesu wakaamba ayi, “Nkwaali umwi wancata, mukwiinga ndanyumfwa nkusu shimwi shaswa muli ndime.”

Joni 3:10

Jesu wakamukumbula ayi, “Sa te webo uli mufundishi wa bene Isilaeli? Ino ono toocishi buyani cikani ici?

Joni 3:21

Sombi ucita shintu sha lushinisho ulesa kumumuni kwaamba ayi micito yakwe iboneke ayi ilacitikwa mukunyumfwila Lesa.”

Milimo ya Batumwi 19:11

Lesa wakalinga kucita shaankamiko shitana kubonekaawo kwiinda muli Paulo.

Milimo ya Batumwi 4:30

Amutandabike lyaansa lyanu kwaamba ayi mushilike bantu, alimwi mulengeshe kwaamba ayi shitondesho sha nkusu sha kwiculu alimwi ashaankamiko, shicitike kwiinda muliina lya musebenshi wanu usalalite Jesu.”

Milimo ya Batumwi 5:34

Sombi umwi muFalisi mulikoto lyabo wiitwa ayi Gamalyelo, mufundishi wa Milawo, wakalinga muntu ulemekwa abuumbi kubantu boonse. Wakanyamuka mulikoto lya boomboloshi akwaamba ayi batumwi batolwe pansengwe kwaciindi ciniinibo.