Luka 5:13 - Baibo Busansulushi Bwa Libuku Ili

¹³ Jesu wakafungulula lyaansa lyakwe wakamucata akwaamba ayi, “Ee ndisuni, ba kabotu!” Lyalo manata akamana.

Luka 5:13 ပူးပေါင်းရင်းမြစ်များ

Matalikilo 1:3

Mpeeke Lesa wakaamba ayi, “Akube mumuni.” Lyalo mumuni wakabaako.

Matalikilo 1:9

Kuswawaawo Lesa wakaamba ayi, “Maanshi ali panshi lya musena ufongomene uyo abungane mumusena womwi kwaamba ayi bulongo buyumu buboneke.” Mpeeke kwakaba bweenka ubo.

2 Baami 5:10

Mpomunyaawo Elisha wakatuma musebenshi wakwe ayi alwiite Naamani ayi, “Kamuya musambe mankanda ali osanwe aobilo muMulonga wa Joodani, bulwashi bwanu butoomana.”

2 Baami 5:14

Mpomunyaawo Naamani wakaya kuMulonga wa Joodani akuliwaala mumaanshi mankanda ali osanwe aobilo bweenka bwakamwaambila Elisha. Lyalo wakaba kabotu alimwi mubili wakwe wakaboolabo anga ngwa mwaana kateta.

Kulumbaisha 33:9

Ceebo wakaambabo liswi, cishi ca panshi cakabaawo, ncakwiila mukwaambabo kwakwe shintu shoonse shakaboneka.

Esekelo 36:29

Ndaakumupulusha kusheesho shoonse shakalinga kumubisha. Ndaakulengesha shili anga ngamaila kufula cakutakolwawo tubili nsala.

Osiya 14:4

Mwaami Lesa waamba ayi, “Ndaakushilika bwaashu bwa bantu bangu akubasuna amoyo wangu woonse. Bukali bwangu pali mbabo bwamana.

Mateyo 8:3

Mpomunyaawo Jesu wakafungulula lyaansa lyakwe akucata musankwa uyo kaamba ayi, “Ee ndisuni, ba kabotu!” Lyalo manata akamana.

Luka 4:39

Mpomunyaawo wakaya weemikana kulubasu lwa bulo akwaambila cimpwita ayi ciswe. Ciindi ceenka ico cimpwita cakamana. Bapongoshi abo bakabuka akutalika kutabataba akubapa shakulya.

Luka 5:12

Jesu ndyaakalinga kucili mundabala imwi wakakumana amuntu wakalinga kuciswa manata mubili woonse. Ingayi abone Jesu, wakafukama kunembo lyakwe akumusenga ayi, “Nkambo, na kamusuni inga mwanshilika.”

Luka 5:14

Kuswawaawo Jesu wakamwaambila ayi, “Nyumfwa, utalwiiti muntu nabi womwi pacikani ici. Sombi ululamebo kuya kumupailishi, ukalitondeshe kuli nguwe ayi waba kabotu. Koya upe cipo kweelana abwakaamba Mose kwaamba ayi bantu bashome ayi waba kabotu.”