Luka 4:8 - Baibo Busansulushi Bwa Libuku Ili

⁸ Sombi Jesu wakamukumbula ayi, “Cililembetwe muMalembo akwe Lesa ayi, ‘Ulyeelete kulambila Mwaami Lesa wako alimwi akusebenselabo nguwe.’ ”

Luka 4:8 ပူးပေါင်းရင်းမြစ်များ

2 Baami 19:15

akupaila ayi, “NoBaami baLesa, baLesa ba bene Isilaeli, ee, nomucite cuuna ca bwaami pakati ka bakelebu, mwebo nweenka ndimwe baLesa abo balela malelo oonse a pacishi ca panshi. Mwakalenga liculu acishi ca panshi.

Kulumbaisha 83:18

Abeshibe ayi ndimwe nomucite liina lya Mwaami Lesa, ndimwe nweenka nobaLesa ba kwiculu Beendaawo mucishi coonse ca panshi.

Isaya 2:11

Kulinaamuna kwa bantu kulaakumana, ncakwiila kulisumpula kwabo kulaakunyonyoolwa. Pabushiku ubo Mwaami Lesa eenkabo ngweshi akasumpulwe.

Mateyo 16:23

Mpeeke Jesu wakapiluluka akwaambila Pita ayi, “Koya kulaale, webo Satana! Webo uli mfumpu kuli ndime ceebo miyeeyo yako iyo taiswi kuli Lesa, sombi njabuntu.”

Mateyo 4:10

Lyalo Jesu wakamwaambila ayi, “Swaawo apa Satana! Ceebo kulilembetwe ayi, ‘Ulyeelete kulambila Mwaami Lesa, Lesa wako alimwi akusebenselabo nguwe.’ ”

Luka 4:4

Sombi Jesu wakakumbula ayi, “Cililembetwe muMalembo akwe Lesa ayi, ‘Muntu taabi abuumi mukulyabo kweenka.’ ”

Luka 4:7

Nkokwaamba ayi na webo ufukame akunambila, boonse buleelo ubu butooba bwaako.”

Dutolonomi 10:20

Kamunyumfwila Mwaami Lesa, Lesa wanu alimwi kamulambilabo nguwe eenka. Kamushomeka akushomesha cakulumbila muliina lyakwebo.

Dutolonomi 6:13

Mukanoolemeka Mwaami Lesa, Lesa wanu. Mukanoolambilabo nguwe eenka akunooshomesha shintu cakulumbila muliina lyakwe.

Jemusi 4:7

Ono aboobo amulibombye kuli Lesa. Amupikishe Mubiibi, lyalo ulaakumutalamuka.

1 Pita 5:9

Amutolelele kushoma cankusu akukaka Mubiibi mukwiinga mulishi ayi bashominyinaanu mucishi coonse ca panshi batoopenshekwa mbomunya ubo.

Ciyubululo 19:10

Mpeeke ndakafukama muliimfwa lya munjelo uyo ayi mulambile, sombi wakandwiita ayi, “Utaciti bobulya! Nebo ndi musebenshinyoko, ndibo bweenka mbuli bashominyoko bamwi boonse abo bashoma lushinisho Jesu ndwaakayubulula. Ulyeelete kulambilabo Lesa!” Mukwiinga bukamboni bwakwe Jesu ngumuuya wa bulaluki.

Ciyubululo 22:9

Sombi lakwe wakaŋambila ayi, “Utaciti bobulya mukwiinga anebo ndi musebenshinyoko alimwi musebenshinyina bamakwanu balaluki pantu pomwi abaabo boonse bakonkela maswi ali mulibuku ili. Ulyeelete kulambila Lesa!”

1 Samwelo 7:3

Mpeeke Samwelo wakaambila bantu ayi, “Na musandukile kuMwaami Lesa amyoyo yoonse, mutoosowa balesa beensu ashikoshanyo shakwe Ashitaloti lesa mwanakashi. Amulyaabe cakumaninina kuMwaami Lesa akulambilabo nguwe eenka. Lyalo ulaakumufuna kuswa munkusu sha bene Filisiti.”