Luka 4:41 - Baibo Busansulushi Bwa Libuku Ili

⁴¹ Bashikaswa bakaswa mubantu baanji kaboolobesha ayi, “Ndiwe Mwanaakwe Lesa!” Sombi lakwe wakabakalalila akubakasha kwaamba mukwiinga balo bakalinga kumwishi ayi ngoUsalitwe wakwe Lesa.

Luka 4:41 ပူးပေါင်းရင်းမြစ်များ

Mateyo 26:63

Sombi Jesu wakoomunabo tontolo. Mupailishi munene wakeepusha Jesu alimwi ayi, “Ntookwaambila muliina lyakwe Lesa muumi ayi, ulumbile na ndiwe Usalitwe wakwe Lesa ulya, Mwanaakwe Lesa.”

Mateyo 4:3

Ono alakwe Mubiibi shikusunka wakesa akumwaambila ayi, “Na uli Mwanaakwe Lesa, ambila mabwe aya asanduke cakulya.”

Mateyo 8:16

Ciindi camuntungulya, bantu bakaleta baanji bakalinga kucite bashikaswa. Lyalo Jesu wakabakusha amaswibo akushilika baabo boonse bakalinga balwashi.

Mateyo 8:29

Mpomunyaawo bakoolobesha ayi, “Ino twamucitanshi mwebo nobana bakwe Lesa? Sa mwesa mukutupensha ciindi kacitana kushikila?”

Mateyo 8:4

Kuswawaawo Jesu wakamwaambila ayi, “Nyumfwa, utalwiiti muntu nabi womwi pacikani ici. Sombi ululamebo kuya kumupailishi, ukalitondeshe kuli nguwe ayi waba kabotu. Koya upe cipo kweelana ambwakaamba Mose kwaamba ayi bantu bashome ayi waba kabotu.”

Maako 1:25

Lyalo Jesu wakakalalila shikaswa ayi, “Umuna, swa muli nguwe!”

Maako 1:32

Ciindi camuntungulya, bantu bakaleta balwashi baanji abaabo bakalinga kucite bashikaswa kuli Jesu.

Maako 1:34

Jesu wakashilika bantu baanji bakalinga kuciswa malwashi apusenepusene alimwi akukusha bashikaswa baanji. Wakakasha bashikaswa abo kwaamba mukwiinga balo bakalinga kumwiishi ayi nguMwanaakwe Lesa.

Maako 3:11

Bantu bakalinga kucite bashikaswa kulilabo na bamubona, bakalinga kuwa panshi muliimfwa lyakwe akoolobesha ayi, “Uli Mwanaakwe Lesa!”

Luka 4:39

Mpomunyaawo wakaya weemikana kulubasu lwa bulo akwaambila cimpwita ayi ciswe. Ciindi ceenka ico cimpwita cakamana. Bapongoshi abo bakabuka akutalika kutabataba akubapa shakulya.

Joni 20:31

Sombi ishi shakalembwa kwaamba ayi mushome ayi Jesu ngoUsalitwe, Mwanaakwe Lesa alimwi ayi kwiinda mukumushoma, mube abuumi butamaani.

Jemusi 2:19

Mulashoma kwaamba ayi kulibo Lesa womwi. Ncakwiila, sombi abalo bashikaswa balashoma ubo alimwi balaloonda akututuma.