Luka 4:22 - Baibo Busansulushi Bwa Libuku Ili

²² Boonse bantu bakamusuminisha cakukondwa alimwi bakakankamana ambwaakaamba makani cabusongo. Balo bakatalika kwaamba ayi, “Sa te ngomwanaakwe Josefu uyu?”

Luka 4:22 ပူးပေါင်းရင်းမြစ်များ

Kulumbaisha 45:2

Ndimwe mwiindaawo kuboneka kabotu pabasankwa bamwi boonse, awalo mulomo wanu ulaamba caluse mukwiinga Mwaami Lesa wamupa coolwe ca lyoonse alyoonse.

Kulumbaisha 45:4

Kamuya mubulemu bwanu mukakome balwani banu. Muye mukeemikanine lushinisho abululami. Lyaansa lyanu lya nkusu lilaakumulengesha kukoma.

Tushimpi 10:32

Mulomo wa muntu ululeme ulishi ceelete kwaambikwa, sombi mulomo wa mucita shibi ulishibo kwaamba shibiibi.

Tushimpi 16:21

Musongo ulashibilwa kumaano akunyumfwisha shintu. Mubandi ubotu ulalengesha bantu kusuna kukutika.

Tushimpi 25:11

Liswi lyeelete paciindi ceelete lilibo anga cisepo ca golodi cabikwa mucintu ca silifa.

Shikushimikila 10:12

Maswi aswa mumulomo wa musongo alamuletela bulemu, sombi muluya ulanyonyoolwa kwiinda mumaswi akwe.

Lwiimbo lwakwe Solomoni 5:16

Mulomo wakwe ulicite mise kuufyonta, ncakwiila shoonse shili pali nguwe shilankonda abuumbi. Anu usunikwi wangu, ee, mweensuma mbwaabete ubo nobanakashi ba kuJelusalemu.

Isaya 50:4

Mwaami Lesa wanjiisha bwakwaamba kwaamba ayi nooyumyayumya balefukite. Kulila bwaca ulansengusha kumoyo kwaamba ayi nsunishe kunyumfwila nsheshi anjiishe.

Luka 2:47

Bantu boonse bakakankamana ndibakanyumfwa kukumbula kwakwe kwabusongo.

Luka 2:48

Bashali bakwe ndibakamubona bakacatabo pamilomo. Lyalo banyina bakaamba ayi, “Omwanaangu ino watupensheshanshi bobulya? Bona nebo abaiso twalinga kwisa cikulangoola katulisukeme abuumbi.”

Luka 21:15

mukwiinga ndaakumupa maswi a busongo bwakwaamba ayi taaku mulwani wanu eshi akacikoonshe kwaakaka nabi kupikisha.

Luka 4:21

Lyalo wakabaambila ayi, “Sunu malembo aya acitika cancinencine kweelana ambomwaanyumfwa kaabelengwa.”

Joni 1:45

Lyalo Filipo wakacana Natanaelo, mpeeke wakamwaambila ayi, “Twamucana muntu uyo Mose ngwaakalemba mumabuku a Milawo alimwi abalo balaluki bakulukulu ngobakalemba mumabuku abo, nguJesu wa kuNasaleti, mwanaakwe Josefu.”

Joni 6:42

Paceebo ceeco bakaamba ayi, “Sa te nguJesu mwanaakwe Josefu? Baishi abanyina tulibeshi, ino ono inga waamba buyani ayi, ‘Wakaswa kwiculu?’ ”

Joni 7:46

Balo bakakumbula ayi, “Tatuna kubonaawo kale muntu waamba mbuli woolya, sobwe.”

Milimo ya Batumwi 6:10

Nakubi boobo bantu aba bakaalilwa kumukoma ceebo wakaamba mubusongo bwa Mushimu Usalashi.

Taitasi 2:8

Kosebensesha maswi abotu atakoonshi kutongookwa, kwaamba ayi abo bakupikisha banyumfwe nsoni mukubula cibiibi cakwaamba pali ndiswe.