Luka 3:7 - Baibo Busansulushi Bwa Libuku Ili

⁷ Bantu baanji bakaya kuli Joni mukubombekwa. Sombi lakwe wakabaambila ayi, “Nobana bansoka mwebo! Ngani wamucenjesha kuloonda bukali bwakwe Lesa butoosa?

Luka 3:7 ပူးပေါင်းရင်းမြစ်များ

Matalikilo 3:15

Ono ntoolengesha webo amwanakashi kupatana. Lunyungu lwako alwa mwanakashi bananoolibo balwani lyoonse. Lakwe ulaakukulyata kumutwi awebo ulaakumuluma kukashindi.”

Isaya 59:5

Balayungoola bantu amiyeeyo yabo ibiibi anga ngamayi a mpili akuyubabo mutandafube wa shimutangatanga. Muntu uli woonse weenga walya mayi a mpili, ulafwa alimwi na liyi lyomwi lyapwaika, mulaswa mpili.

Mateyo 12:34

Mwebo nobana bansoka! Ino inga mwaamba buyani shintu shibotu mwebo nobeene kamuli babiibi? Mukwiinga muntu ulaamba ciswite mumoyo wakwe.

Mateyo 23:33

Mwebo nobana bansoka, nobana bampili! Ino mulaakuyuba buyani mulilo utamaani?

Mateyo 3:6

Ndibakamana kulyaambilila shibiibi shabo, wakababombeka muMulonga wa Joodani.

Joni 8:44

Mwebo muli kulubasu lwakwe ishiwanu Satana, aboobo mulisuni kucita sheesho shisuni ishiwanu. Lakwe wakalinga mucayi kuswa kumatalikilo. Taana kucitawo kale shalushinisho mukwiinga muli nguwe taamu lushinisho. Na waamba sha bubeshi ingayi waamba mbwaabete mukwiinga ngumubeshi alimwi ngoishi wa bubeshi.

Milimo ya Batumwi 13:10

akumwaambila ayi, “Webo omwanaakwe Satana, noopatite shiluleme shoonse, uliswitebo bucenjeshi alimwi abubeshi akukakatilabo kufulunganya shintu sha lushinisho sha Mwaami Lesa.

1 Bene Tesalonika 1:10

Peculu lya waawo mutoolindilila Mwanaakwe kuswa kwiculu wiitwa ayi Jesu, uyo Lesa ngwaakabusha kuswa kubafu. Jesu uyo ngootufuna kuswa kubukali bwakwe Lesa.

Bene Ebulu 6:18

Anu shintu shobilo ishi, kushomesha alimwi akulumbila, shilaakucitika cancinencine alimwi Lesa inga taabeciiwo pali nshisho. Aboobo, Lesa wakalinga kutuyumyayumya sotwakacicila kuli nguwe, ayi tuyuminine mukulangila nkwaakatupa.

1 Joni 3:8

Uyo woonse ucita shibiibi uli kulubasu lwa Mubiibi ceebo lakwe Mubiibi ulabisha kuswabo kumatalikilo. Mwanaakwe Lesa wakeshita mukunyonyoola sheeshi sheenka shicita Mubiibi.