Luka 3:3 - Baibo Busansulushi Bwa Libuku Ili

³ Mpeeke wakaya cishimikila mumishi yoonse yakalinga kushingulukite Mulonga wa Joodani, kaabaambila ayi, “Amusanduke kuswa kushibiibi shanu mubombekwe ayi Lesa amulekelele shibiibi shanu.”

Luka 3:3 ပူးပေါင်းရင်းမြစ်များ

Mateyo 3:11

Nebo ntoomubombeka amaanshi kutondesha kwaamba ayi mwasanduka kuswa kushibiibi, sombi uyo utoosa pesule lyangu uleendaawo nkusu pali ndime. Nsheeleteewo akunyamuna nsapato shakwe. Uyo lakwe ulaakumubombeka aMushimu Usalashi alimwi amulilo.

Luka 1:16

Ulaakuboosha bene Isilaeli baanji kuMwaami Lesa wabo.

Luka 1:77

Ulaakushibisha bantu bakwe kwaamba ayi balaakupulushikwa kwiinda mukulekelelwa shibiibi shabo.

Luka 4:1

Jesu wakaswaako kuMulonga wa Joodani kaaswite Mushimu Usalashi uyo wakamutanjilila kuya muluyanga.

Joni 1:28

Ishi shoonse shakacitikila mundabala ya Betani kulubasu lwakwicwe lya Mulonga wa Joodani, uko Joni nkwaakalinga kubombekela.

Joni 3:26

Mpeeke bakaya kuli Joni akumwaambila ayi, “Bafundishi, muntu ulya ngomwakalingaakwe petala lya Mulonga wa Joodani, ulya ngomwakaambaawo, alakwe sunu utoobombeka alimwi bantu baanji batooya kuli nguwe!”

Milimo ya Batumwi 13:24

Ono Jesu kaatana kutalika mulimo wakwe, Joni wakashimikila bantu boonse ba muIsilaeli ayi basanduke kuswa kushibiibi shabo, babombekwe.

Milimo ya Batumwi 19:4

Paulo wakaamba ayi, “Joni wakabombeka baabo bakalinga kusanduka kuswa kushibiibi shabo akubalwiita ayi balyeelete kushoma muli wooyo wakalinga kwisa pesule lyakwe, nkokwaamba ayi muli Jesu.”

Milimo ya Batumwi 22:16

Ino ucilindilanshi? Nyamuka ulumbaishe liina lyakwe, ubombekwe, Lesa akusalashe kwaamba ayi shibiibi shako shilekelelwe.’