Luka 3:11 - Baibo Busansulushi Bwa Libuku Ili

¹¹ Lakwe wakabakumbula ayi, “Uyo ucite shakufwala shobilo apeewo comwi mubye utacite. Alakwe ucite shakulya acite bweenka ubo.”

Luka 3:11 ပူးပေါင်းရင်းမြစ်များ

Esekelo 18:7

Taalyatilili muntu nabi womwi, sombi ulapilusha cintu ncaakacatila kushinkongole. Taaciti bupambi, sombi ulapa shakulya kubaabo bafwite nsala akupa shakufwala abo batacite.

Danyelo 4:27

Paceebo ceeco nobaami amukonkele nsheshi mulwiiteeko. Amuleke kucita shibiibi akutalika kucita shiluleme alimwi musanduke kuswa kububi akutalika kuba ankuumbu kubaabo balyatililwa. Lyalo mpashi mulaakutolelela kuya ciswitilila.”

Mateyo 25:40

Lakwe Mwaami ulaakukumbula ayi, ‘Ntoomulwiita calushinisho ayi, ilyo lyoonse ndimwakacita sheeshi kuwomwi wa baaba bamakwesu bataaku mbobabete, ndime mwakalinga kucitila.’

Luka 11:41

Amupe bapengete isho shintu shili munkomeshi ambale, lyalo shoonse shintu shilaakumusalalila.

Luka 18:22

Jesu ndyaakanyumfwa boobo, wakamwaambila ayi, “Kwacaalabo cintu comwi ncooelete kucita. Koya uulishe shoonse nshoocite, maali upe bakandu, lyalo ulaakuba abuboni kwiculu. Na umanishe kucita boobo, ndyeshi use unkonkele.”

Luka 19:8

Sombi Sakeyo wakanyamuka akwaambila Mwaami Jesu ayi, “Amubone, Nkambo, ndaakupa musa wa buboni bwangu kubakandu. Peculu lya waawo na kuli ngondakanyengelela buboni, ndaakumubooshesha akwiilikaawo mankanda one.”

Joni 13:29

Ono ceebo cakwaamba ayi Judasi ngowakalinga kulama nkomwe ya maali, bashikwiiya bamwi bakayeeya ayi mpashi Jesu wamutuma mukuula shakulya shiyandika pabushiku bwa Pasika, nabi mukupa bakandu.

Milimo ya Batumwi 10:2

Musankwa uyu alimwi abamuŋanda yakwe boonse bakalinga kulyaaba kuli Lesa akumulambila camoyo woonse. Alimwi wakalinga kucafwa bumbi baJuda bakandu akupaila kuli Lesa ciindi coonse.

Milimo ya Batumwi 10:31

Wakaamba ayi, ‘Konelyasi, Lesa wanyumfwa mipailo yako alimwi akuyeeya lucafwo lwako kubantu bapenshi.

Milimo ya Batumwi 10:4

Konelyasi wakalangilishisha munjelo uyo akwiipusha ayi, “Mbuyani nkambo?” Munjelo wakamukumbula ayi, “Lesa wakondwa amipailo yako alimwi alucafwo lwako kubantu bapenshi, aboobo ulilibambite kukukumbula.

Bene Efeso 4:28

Muntu wakalinga mwiipi ateepi lyobilo, sombi atalike kusebensa amaansaakwe kwaamba ayi anoolicafwa akucafwako bapenshi.

1 Timoti 6:17

Waambile bantu abo babile mushintu sha cishi ca panshi cino ayi batanoolisumpula akulangila mububile ubo bumana. Sombi balyeelete kulangila muli Lesa uyo utupa camaansa obilo shintu shoonse shitusangalasha.

1 Timoti 6:18

Ubaambile ayi banoocita shibotu, kwaamba ayi babile mumicito ibotu. Balyeelete kuba bantu bapa camaansa obilo alimwi balibambite kupa bamwi shintu.

Bene Ebulu 6:10

Lesa uliluleme, aboobo teshi akalube ncito njemwakacita, alimwi alusuno ndomwakamubonesha kwiinda mulucafwo ndomwakacita aloolo ndomucicita kubashominyinaanu.

Jemusi 1:27

Kupaila kwiine kwiine kutacite kampenda pameenso akwe Lesa Ishiwesu, nkwakulama bana banshiwa abamukalubinje banakashi mumapensho abo. Peculu lya waawo, nkuloonda shibiibi sha mucishi ca panshi ayi inga shamubisha.

Jemusi 2:14

Ino nimpindunshi icite muntu waamba ayi ulicite lushomo, sombi taaciti micito ibotu? Sa lushomo lwa mushobo uyo inga lwamupulusha?

1 Joni 3:17

Na mubile wabona umwi utacite shiyandika mubuumi, sombi wabula kumucafwa, inga waamba buyani ayi lusuno lwakwe Lesa luli muli nguwe?

1 Joni 4:20

Na umwi waamba ayi, “Lesa ndimusuni,” sombi kaapatite mubye, ngumubeshi. Anu inga wasuna buyani Lesa ngwaatana kubonaawo na kaapatite mubye ngwaabona?