Luka 24:27 - Baibo Busansulushi Bwa Libuku Ili

²⁷ Mpeeke wakabasansulwita shoonse shakalembwa muMalembo akwe Lesa pali nguwe, kutalikila kuli Mose kushikila akubalaluki bamwi boonse.

Luka 24:27 ပူးပေါင်းရင်းမြစ်များ

Matalikilo 12:3

“Ndaakupa coolwe boonse abo bakupa coolwe, sombi ndaakushinganya boonse bakushinganya. Alimwi kwiinda muli ndiwe ndaakupa coolwe mishobo yoonse.”

Matalikilo 22:18

Ndaakupa coolwe mishobo yoonse ya pacishi ca panshi kwiinda mubamulunyungu lwako mukwiinga wakanyumfwila nsheeŋamba.’ ”

Matalikilo 26:4

Ndaakukupa bamulunyungu lwako baanji bweenka mboobona nyenyeenshi mwiculu, alimwi ndaakubapa cishi coonse ici. Ndaakupa coolwe mishobo yoonse pacishi ca panshi kwiinda mubamulunyungu lwako

Matalikilo 3:15

Ono ntoolengesha webo amwanakashi kupatana. Lunyungu lwako alwa mwanakashi bananoolibo balwani lyoonse. Lakwe ulaakukulyata kumutwi awebo ulaakumuluma kukashindi.”

Matalikilo 49:10

Nkooli ya bwaami Juda unanoicitebo lyoonse. Bamulunyungu lwakwe bananoolibo ankooli ya bweendeleshi lyoonse, kushikila akese uyo weelete kubaayo, alimwi uyo mishobo ngweshi ikanoonyumfwila.

Kulumbaisha 132:11

Mwaami Lesa wakashomesha cakulumbila kuli Defedi. Kushomesha uko nkweshi akabule kupilula. Wakashomesha ayi, “Womwi pakati ka bana bako basankwa ulaakulela kuswa ndiwe.

Isaya 1:23

Batanjilili bako mbaashu alimwi baleendelana abeepi. Ncakwiila mbantu basunishi makulo akutambula shipo. Tabeemikaniniwo banabanshiwa munkuta nabi kukutika na bamukalubinje banakashi baleta makani kuli mbabo.

Isaya 50:6

Ndakaaba musana wangu kubaabo bakalinga kunguma. Macili angu ndakaalansha kubaabo bakalinga kuncelebula akunshipila mate.

Isaya 7:14

Paceebo ceeco Mwaami Lesa mwiine ulaakukupa citondesho. Ncakwiila mwanakashi utana kukumanawo kale amusankwa ulaakumita akushala mwaana musankwa eshi akanokwiitwa ayi Imanuweli.

Isaya 8:17

Mwaami Lesa walishisa kubamulunyungu lwakwe Jakobo. Nakubi boobo nebo ndicinkite manungo muli nguwe. Kulangila kwangu mweshi kunoobete.

Isaya 9:1

Nakubi boobo teshi kukabe munshinshe alimwi kuli baabo bakalinga kupenshekwa. Kalekale Lesa wakabombya cishi ca bene Sebuluni aca bene Nafutali, sombi muciindi citoosa balaakupa bulemu kucishi ca Galili uko kwikala baswamashi bakunsengwe. Nkokwaamba ayi cishi ciswa kuLweenge lwa Mediteleniyani kushika kucishi cili kwitala lya kwicwe lya Mulonga wa Joodani.

Esekelo 34:23

Lyalo ndaakushipa mweembeshi wamulunyungu lwakwe Defedi musebenshi wangu ayi asheembele. Lakwe ngweshi akanooshilama akuba mweembeshi wa nshisho womwibo ndondoli.

Esekelo 37:25

Balaakwikala mucishi ico ncendakapa musebenshi wangu Jakobo, ee, cishi ico cakalinga kwikalaamo bamashali banu bakulukulu. Balo, bana babo alimwi abamulunyungu lwabo balaakunookala mumo kwamuyayaya. Wamulunyungu lwakwe Defedi ngweshi akabe mwaami wabo kwalyoonse alyoonse.

Danyelo 7:13

“Muciindi ca cili anga nciloto ico mashiku, ndakabona wakalinga kuboneka anga ngumwanaamuntu keesa mumakumbi a kwiculu. Ndyaakashika pafwaafwi, wakatondeshekwa kuli Lesa walyoonse alyoonse.

Mika 5:6

Bamatanjilili abo balaakukoma cishi ca bene Asilya kumupeeni. Balaakukoma acishi ca Nimulodi kunkondo. Balaakutufuna kuswa kubene Asilya paciindi baakwisa mukulwana cishi cesu, ee, baakwinjila mumanyinsa esu.

Mika 7:20

Ncakwiila mulaakushomeka kubamulunyungu lwakwe Jakobo. Mulaakutondesha lusuno lwanu lutamaani kubamulunyungu lwakwe Abulaamu. Ncakwiila mulaakucita bweenka mbomwakashomesha cakulumbila kubamashali besu bakulukulu kalekale.

Sekaliya 13:7

Mwaami Lesa Shinkusu shoonse waamba ayi, “Nyamuka, webo omupeeni ulwane mweembeshi wangu! Ee, umulwaane uyo unsebensela. Umucaaye, lyalo mbelele shitoopalangana. Nebo nemwiine ntoolwana bantu bangu.

Sekaliya 9:9

Amusangalale, amusangalale mwebo nobene Siyoni! Amoolobeshe cakusangalala mwebo nobene Jelusalemu! Amubone mwaami wanu utoosa kuli ndimwe cakulibombya, ee, ulitantite pambongolo, ncakwiila pamwanaambongolo.

Malaki 4:2

Sombi mwebo nomunyumfwila ndime, bululami bwangu bulaakuboneka pali ndimwe bweenka buswa lisuba akumushilika kwiinda mukubala kwa ndilyo. Mpeeke mulaakwaanguluka akutambala anga mboombe bacalwitwa mucimpati cabo.

Shakubelenga 21:14

Nceceeco Libuku lya Nkondo sha Mwaami Lesa ncelyaambilila ayi, “Pandabala ya Wayebu mumusena wa Sufa, alimwi ashinyika. Mulonga wa Anoni,

Maako 4:34

Taakwe kubalwiitaawo maswi akwe Lesa kwakubula shikoshanyo, sombi wakalinga kusansulwita bashikwiiya bakwe shoonse na bacaala beenka.

Luka 24:25

Lyalo Jesu wakabaambila ayi, “Mwebo nobantu baluya nomucelwa kushoma shintu shoonse shakaamba balaluki bakulukulu!

Luka 24:44

Lyalo wakabaambila ayi, “Ishi nsheshintu nshendakalinga kumulwiita ndindakalingaanu. Ndakalinga kwaamba ayi shoonse shilembetwe pali ndime muMilawo yakwe Mose, abalaluki bakulukulu amuKulumbaisha shilyeelete kucitika cancinencine.”

Joni 1:45

Lyalo Filipo wakacana Natanaelo, mpeeke wakamwaambila ayi, “Twamucana muntu uyo Mose ngwaakalemba mumabuku a Milawo alimwi abalo balaluki bakulukulu ngobakalemba mumabuku abo, nguJesu wa kuNasaleti, mwanaakwe Josefu.”

Joni 12:41

Isaya wakaamba boobo mukwiinga wakabona bulemu bwakwe Jesu, akwaamba shapali nguwe.

Joni 5:37

Abalo baTa bakantuma balancitila bukamboni. Liswi lyabo tamukwe kulinyumfwaawo nabi kubona ciwa cabo.

Joni 5:39

Mulabelengesha Malembo akwe Lesa kuyeeya ayi muli ngawo inga mwacana buumi butamaani. Sombi Malembo akwe Lesa eenka aya, ngaancitila bukamboni.

Milimo ya Batumwi 10:43

Abalo balaluki bakulukulu boonse bakaamba pali nguwe ayi uyo woonse ushoma muli nguwe, Lesa ulaakumulekelela shibiibi shoonse kwiinda munkusu sha liina lyakwe.”

Milimo ya Batumwi 3:18

Sombi Lesa wakaambilabo limwi kwiinda mubalaluki bakulukulu boonse, ayi Usalitwe wakwe wakalinga kweelete kupenshekwa, aboobo shakacitika bweenka ubo.

Milimo ya Batumwi 3:22

Ceebo Mose wakaamba ayi, ‘Mwaami Lesa wanu ulaakumutumina mulaluki wa mumushobo wanu bweenka mbuli mbwaakantuma. Mulyeelete kunyumfwila shintu shoonse nsheshi akamulwiite.

Milimo ya Batumwi 3:24

Ndushinisho balaluki bakulukulu bamwi boonse, kutalikila pali Samwelo abaabo boonse bakesa pesule lyakwe, bakaamba pamakani a nshiku shino.

Milimo ya Batumwi 7:37

Mose uyu ngowooyo wakaambila bene Isilaeli ayi, ‘Lesa ulaakumutumina mulaluki mbuli ndime, eshi akaswe mulunyungu lwanu.’

Milimo ya Batumwi 8:35

Lyalo Filipo wakatalika kumusansulwita, kutalikila mumaswi ngomunya ayo a muMalembo mpaakalinga kubelenga. Wakamulwiita Makani Abotu apali Jesu.

Dutolonomi 1:45

Mpeeke mwakalilila Mwaami Lesa ayi amucaafwe, sombi taakwe kumukutika nabi kumubikaako maano.

Dutolonomi 18:15

Mwaami Lesa, Lesa wanu ulaakumutumina mulaluki wa mbuli ndime kuswa mulikoto lyanu. Aboobo mulyeelete kunoomunyumfwila.

Ciyubululo 19:10

Mpeeke ndakafukama muliimfwa lya munjelo uyo ayi mulambile, sombi wakandwiita ayi, “Utaciti bobulya! Nebo ndi musebenshinyoko, ndibo bweenka mbuli bashominyoko bamwi boonse abo bashoma lushinisho Jesu ndwaakayubulula. Ulyeelete kulambilabo Lesa!” Mukwiinga bukamboni bwakwe Jesu ngumuuya wa bulaluki.