Luka 23:47 - Baibo Busansulushi Bwa Libuku Ili

⁴⁷ Mpomunyaawo munene wa bashilumamba mwaanda ndyaakabona boobo, wakalumbaisha Lesa akwaamba ayi, “Ncakwiila uyu muntu wakalinga kululeme!”

Luka 23:47 ပူးပေါင်းရင်းမြစ်များ

Mateyo 27:51

Paciindi ceenka ico, cisani cakalinga kushitilisha muŊanda yakwe Lesa, cakakwaamuka pakati, kuswa peculu apanshi. Cishi cakatenkaana amabwe akapasuka.

Mateyo 27:54

Ono munene wa bashilumamba mwaanda, abashilumamba abo mbwaakalingaabo kabalindilila Jesu, ndibakabona citentanshi ashimwi shintu shoonse shakacitika, bakaloonda abuumbi, akwaamba ayi, “Ncakwiila, uyu muntu wakalinga Mwanaakwe Lesa!”

Mateyo 9:8

Ono bantu boonse ndibakabona cakacitika, bakakankamana abuumbi akutalika kulumba Lesa wakapa bulemu ankusu sha mushobo uyu.

Maako 15:39

Munene wa bashilumamba mwaanda wakalinga kwiimfwi pafwaafwi kaalangene aJesu. Ndyaakabona mbuli mbwaakafwa, wakaamba ayi, “Ncakwiila uyu muntu wakalinga Mwanaakwe Lesa!”

Luka 23:41

sombi swebo tulyeelete kupopwa mukwiinga tutootambula cilambu ceelete pashintu nshetwalinga kucita. Ono lakwe uyu taaku cibiibi ncaakacita.”

Joni 19:7

Mpeeke balo bakamukumbula ayi, “Tulicite mulawo alimwi kweelana amulawo uyo, uyu muntu ulyeelete kufwa ceebo walinga kulibanda ayi nguMwanaakwe Lesa.”