Luka 23:26 - Baibo Busansulushi Bwa Libuku Ili

²⁶ Ndibakalinga kutola Jesu mukumupopa, bakakumanya Simoni wa kuSailini kaaswa mumishi. Bakamucata akumunyamwisha mucilingano ayi anooyawo mwisule lyakwe Jesu.

Luka 23:26 ပူးပေါင်းရင်းမြစ်များ

Mateyo 5:41

Na umwi muntu wakukakatisha kuyaakwe mushinso ulaampa mailo yomwi, anu yaakwe mushinso wa mamailo obilo.

Luka 14:27

Uyo woonse utanyamuni mucilingano wakwe akunkonkela, inga taabi shikwiiya wangu.

Luka 23:25

Pilato wakaangulula Balabasi uyo ngobakasenga akwaaba Jesu kuli mbabo ayi bamucite kweelana ambuli mbobakalinga kusuni. Balabasi uyo wakaangwa ceebo cakutalika shimfulunganya abucayi.

Luka 9:23

Kuswawaawo wakabaambila boonse ayi, “Na muntu utooyanda kukonkela ndime, ulyeelete kushiya akusuula shintu shoonse shimusangalasha, wanyamuna mucilingano wakwe lyoonse akunkonkela.

Milimo ya Batumwi 13:1

Mucoonde ca bashomi kuAntyoki, mwakalinga beshikushimikila abeshikwiisha aba: Banabasi aSimyoni wakalinga kwiitwa ayi muntu mushiya, Lusiyasi wa kuSailini, Manaeni uyo wakakulila pantu pomwi amwaami Elodi, kubikaawo aSaulo.

Milimo ya Batumwi 2:10

Bamwi balaswa kucishi ca Fuligiya akuPamfilya, kuIjipiti alimwi akumisena ili mucishi caLibya kufwaafwi aSailini. Swebo sobamwi tuli beensu tulaswa kuLoma,

Milimo ya Batumwi 6:6

Kuswawaawo likoto lyakatola basankwa aba kubatumwi, abo bakapaila akubika maansaabo pali mbabo.

Milimo ya Batumwi 6:9

Sombi bamwi bantu bakatalika kumupikisha. Aba bakalinga ba mulikoto lya coonde ca baJuda ca Basankwa Bakaangululwa (kweelana ambocakalinga kwiitwa), umo mwakalinga abaJuda ba kuSailini alimwi akuAlekisandiliya. Kwakalinga abamwi baJuda baswa kuSilisiya alimwi aEsha bakamupikisha.