Luka 22:17 - Baibo Busansulushi Bwa Libuku Ili

¹⁷ Mpomunyaawo Jesu wakabwesa nkomeshi, walumba Lesa, mpeeke wabaambila ayi, “Amutambule munweemo noonse,

Luka 22:17 ပူးပေါင်းရင်းမြစ်များ

Kulumbaisha 116:13

Ndaakupa cipo ca waini kuMwaami Lesa, kumulumba mukwiinga wakampulusha.

Kulumbaisha 23:5

Mwebo mulamambila shakulya balwani bangu kabambwene. Mulantambula akumpa bulemu bwa muntu wakatambwa kukusekelela, alimwi akususha nkomeshi yangu cakusempooka.

Jelemiya 16:7

Teshi kukabeewo muntu shikupa shakulya bantu abo batoolila. Teshi kukabeewo shikuumusha nabi muntu wafwitwa baishi nabi banyina. Ncakwiila taaku weshi akabapewo shakunwa mukuboombulushaako.

Mateyo 14:19

Lyalo Jesu wakaambila bantu ayi bekale panshi pabwiisu. Wakabwesa shinkwa wosanwe alimwi atuswi tobilo, walanga kwiculu akulumba Lesa. Ndyaakamanisha wakakomoona shinkwa akupa bashikwiiya bakwe abalo bakaabila bantu.

Mateyo 15:36

Lyalo wakabwesa shinkwa wosanwe awobilo uyo alimwi atuswi, ndyaakamana kulumba Lesa, wakakomoona shinkwa akupa bashikwiiya bakwe ayi baabile bantu. Abalo bashikwiiya bakwe bakabaabila.

Mateyo 26:26

Ndibakalinga kulya, Jesu wakabwesa cimaande, walumba Lesa, akukomoona wapa bashikwiiya akubalwiita ayi, “Amutambule mulye, uyu ngumubili wangu.”

Maako 14:22

Ndibakalinga kulya, Jesu wakabwesa cimaande, walumba Lesa, wakomoona, wapa bashikwiiya akubalwiita ayi, “Amutambule, uyu ngumubili wangu.”

Luka 22:19

Kuswawaawo wakabwesa cimaande, walumba Lesa, lyalo wacikomoona akupa bashikwiiya bakwe akwaamba ayi, “Uyu ngumubili wangu [uyo waabwa ceebo ca ndimwe. Kamucita ceeci mukunjibaluka.”

Luka 9:16

Lyalo Jesu wakanyamuna shinkwa wosanwe atuswi tobilo uto, wakalanga kwiculu akulumba Lesa, wakomoona akupa bashikwiiya ayi baabile bantu.

Bene Loma 14:6

Uyo woonse uyeeya ayi bushiku bumwi bulyeelete kulemekwa ulacita boobo mukulemeka Mwaami, alakwe uyo ulya cili coonse ulacita boobo mukulemeka Mwaami mukwiinga ulalumba Lesa ceebo ca cakulya ico. Uyo woonse ukaka kulya shakulya shimwi ulacita boobo mukulemeka akulumba Lesa.

1 Bene Kolinto 10:16

Sa te nditunwita munkomeshi iyo njetulumba kuli Lesa, tulabaana bulowa bwakwe Klistu? Nditulya shinkwa uyo ngotukomoona, sa te tulabaana mubili wakwe Klistu?

1 Bene Kolinto 11:23

Ceebo maswi ngondakatambula kuswa kuMwaami ngoaayo anebo ngondakamulwiita. Maswi ayo ngakwaamba ayi Mwaami Jesu, mashiku ayo eenka ndyaakaabwa, wakabwesa cimaande,

Dutolonomi 8:10

Mulaakuba ashintu shoonse nshemusuni kulya alimwi mulaakulumba Mwaami Lesa ceebo cakumupa cishi cicite bulongo bubotu ico.

1 Samwelo 9:13

Mwashikabo mundabala mutoomucana kaatana kuya pakalundu mukulya. Mukwiinga bantu tabakoonshi kutalika kulya kaatana kushika uko akusengela coolwe mulambu. Lyalo bantu batambwa ndyeenga balya. Ono kamuya, mulamucana ciindi ceenka cino.”