Luka 21:8 - Baibo Busansulushi Bwa Libuku Ili

⁸ Jesu wakaamba ayi, “Amucenjele kwaamba ayi kutakabi muntu nabi womwi eshi akamucenjeeke. Mukwiinga bantu baanji balaakwisa muliina lyangu kabaamba ayi, ‘Ndime wooyo Usalitwe wakwe Lesa!’ alimwi ayi, ‘Ciindi cashikila!’ Mutakabakonkeli.

Luka 21:8 ပူးပေါင်းရင်းမြစ်များ

Jelemiya 29:8

Ee, Mwaami Lesa Shinkusu shoonse, Lesa wa bene Isilaeli waamba ayi, ‘Mutasuminishi balaluki nabi bamukamwaami bali pakati kanu kumubeca. Mutakutiki kumaloto abo ayo ngomubayuminisha ayi kababaawo.

Mateyo 24:11

Kulaakwisa balaluki baanji babeshi abo beshi bakabece bantu baanji.

Mateyo 3:2

“Amusanduke kuswa kushibiibi shanu mukwiinga Bweene bwakwe Lesa buli pafwaafwi.”

Mateyo 4:17

Kuswawaawo Jesu wakatalika kushimikila, kaamba ayi, “Amusanduke kuswa kushibiibi shanu mukwiinga Bweene bwakwe Lesa buli pafwaafwi!”

Luka 17:23

Kulaakuba bantu beshi bakamwaambile ayi, ‘Amubone ngulya kulya!’ nabi ayi, ‘Nguno kuno!’ Mutakayiiko nabi kubakonkela.

Luka 21:7

Lyalo bashikwiiya bakeepusha ayi, “Bafundishi, ino ishi shilaakucitika lili alimwi tulaakwishibila kunshi ayi shintu shoonse ishi shitooyanda kucitika?”

Luka 21:9

Mwaakunyumfwa makani a nkondo alimwi ashimfulunganya mushishi, mutakaloondi. Ishi shintu shilyeelete kutaanguna kucitika, sombi tashaambi ayi mamanino a cishi ali pafwaafwi.”

Joni 5:43

Nebo ndakesa muliina lya baTa, nakubi boobo tamukwe kuntambula. Sombi umwi na akese muliina lyakwe mwiine, mulaakumutambula.

Joni 8:24

Ncendamulwiitila ayi, ‘Mulaakufwabo mushibiibi shanu.’ Na mubule kushoma ayi ndime wooyo ngoontoolyaamba, ncakwiila mulaakufwabo mushibiibi shanu.”

Joni 8:28

Aboobo Jesu wakabaambila ayi, “Mwaakwaanjika MwanaaMuntu, ndyeshi mukashibe ayi ndime wooyo ngoontoolyaamba alimwi mulaakwishiba ayi taaku nceencita palwaangu, sombi ndaambabo sheesho shakanjiisha baTa.

1 Bene Kolinto 6:9

Sa tamwishi kwaamba ayi beshishibiibi boonse teshi bakenjile muBweene bwakwe Lesa? Mutalibeeci, boonse bafuule, balambila shibumbwabumbwa, beshibulale, basankwa boona abasankwanyinaabo,

Bene Efeso 5:6

Mutaleeki muntu nabi womwi ayi amucenjeeke kwiinda mumaswi atacite ncito mukwiinga sheenka shintu ishi nsheshilengesha Lesa kuba abukali pabantu abo batamunyumfwili.

2 Bene Tesalonika 2:3

Mutasuminishi muntu uli woonse ayi amubeece. Ceebo Bushiku teshi bukashikile bantu kabatana kwaashuka camamanino alimwi Muntu Mubiibi ulya uyo utoolindilabo kunyonyoolwa kaatana kuboneka.

2 Timoti 3:13

Bantu bacita shibiibi abaamba nshebataciti bananoobicilakobo. Bananoobeca bamwi akubecekwa.

1 Joni 4:1

Nomusunikwi, mutanooshoma muntu woonse waamba ayi ulicite Mushimu wakwe Lesa, sombi mulyeelete kubeelesha akubona na ncakwiila mushimu ngobacite ulaswa kuli Lesa. Mulyeelete kucita boobo ceebo balaluki babeshi balibo cishi coonse.

2 Joni 1:7

Ceebo kuli babeshi baanji balibo cishi coonse ca panshi, abo batasumini ayi Jesu Klistu wakesa mubuntu. Muntu utasumini makani aya ngumubeshi alimwi ngumulwani wakwe Klistu.

Ciyubululo 1:3

Ulicite coolwe uyo ubelenga libuku ili. Balicite coolwe abalo banyumfwa makani aya a bulaluki ubu alimwi akunyumfwila shilembetwe mulibuku ili. Balicite coolwe mukwiinga ciindi cakwaamba ayi shicitike shintu ishi, cili pafwaafwi.

Ciyubululo 12:9

Lyalo shinshimwe uyu bakamuwaala panshi, njensoka ikulukulu ilya, iitwa ayi Mubiibi nabi Satana, uyo ucenjeeka bantu boonse mucishi ca panshi. Wakawaalwa panshi pantu pomwi abaanjelo bakwe boonse.