Luka 21:34 - Baibo Busansulushi Bwa Libuku Ili

³⁴ “Amucenjele kwaamba ayi mutabi bantu basunibo kulya mumibala, bacakolwa alimwi balisukamabo shintu sha buumi bwa panshi pano mukwiinga inga bushiku bulya bwamucana kamutalibambite.

Luka 21:34 ပူးပေါင်းရင်းမြစ်များ

Matalikilo 19:32

Atukoleshe bata waini, lyalo tukumanaabo kwaamba ayi tulame mukowa kwiinda muli mbabo.”

Matalikilo 19:35

Aboobo bakanwisha waini ishiwabo mashiku ayo aalo. Mpeeke alakwe mwanikebantu wakaya wakumanaabo. Alimwi tabakwe kwishiba cakacitika.

Matalikilo 27:14

Aboobo wakaya waleta tupongo kuli mbabo, mpeeke bakateleka cakulya cibotu ceenka baishi ncebasunishi.

Kulumbaisha 35:8

Ono abanyonyooke beene cakuteengashila! Abacatwe beene mukoose nkobateya ndime! Abakakulukileemo beene mucilindi akufwitaamo!

Tushimpi 21:4

Bamucita shibi baleendeshekwa amiyeeyo yabo yakulisumpula akulyuuma mucaamba.

Tushimpi 23:20

Utapaankani abeshikunwa bunene waini nabi bantu balya bunene nyama.

Shikushimikila 9:12

Peculu lya waawo, taaku muntu ushi ciindi cakwe. Bweenka mbuli nswi shacatwa mukoombe nabi bayuni bacatwa mukoose, mbweeke ubo bantu balacatwa mutoose twa shiindi sha bubi isho shibapolela kabateengashite.

Isaya 28:7

Abalo balaluki abapailishi balakolwa waini abuumbi cakutalantanta. Ncakwiila balapuwookapuwookabo uku akooku ceebo ca bwalwa. Ceebo cakukolwa, balaluki balaalilwa kunyumfwisha shili anga nshiloto isho Lesa nshaabatumina. Pamilandu ileta bantu kuli mbabo balaalilwa kupa bupingushi ceebo cabucakolwa.

Osiya 4:11

Mwaami Lesa waamba ayi, “Waini upya alimwi aukulukulu utoomana bantu bangu maano akunyumfwisha shintu.

Bene Lefi 10:9

“Webo abana bako basankwa tamweelete kwinjila muTente ya Cipangano na mwanwa waini nabi shibilite shimwi shoonse. Na mukacite boobo, mulaakufwa. Uyu ngumulawo ngobeelete kukonkela boonse bamulunyungu lwako.

Mateyo 13:22

Ono isho shakalokela pamyuumfwa mbantu abo banyumfwa maswi akwe Lesa, sombi shintu sha mucishi ca panshi, akusuna bubile, shilafulunganya maswi akwe Lesa, aboobo tabacati shisepo.

Maako 13:9

“Sombi amwebo mulyeelete kucenjela. Mukwiinga bantu balaakumutola munkuta. Balaakumukwipila mushoonde sha baJuda. Mulaakwiimikana kunembo lya baleli ba shishi alimwi abamaami ceebo ca liina lyangu kwaamba ayi mupe bukamboni pameenso abo.

Maako 4:19

sombi shintu sha mucishi ca panshi, kusuna bubile alimwi ashintu shimwi shakulikondelesha, shilafulunganya maswi akwe Lesa, aboobo tabacati shisepo.

Luka 10:41

Mwaami Jesu wakamukumbula ayi, “Malita, Malita walisukama akupenshekwa ashintu shiinji!

Luka 12:40

Amwebo mbweeke ubo, amwikale kamulibambite mukwiinga MwanaaMuntu ulaakwisa paciindi ncemutamwingashite.”

Luka 17:3

Aboobo amucenjele! Na mukwanu wakubishisha, mwaambile. Na wasumina ayi wabisha, mulekelele.

Luka 21:35

Bushiku ubo bulaakwisa bweenka mbuli koose akucata bantu boonse ba mucishi ca panshi.

Luka 21:8

Jesu wakaamba ayi, “Amucenjele kwaamba ayi kutakabi muntu nabi womwi eshi akamucenjeeke. Mukwiinga bantu baanji balaakwisa muliina lyangu kabaamba ayi, ‘Ndime wooyo Usalitwe wakwe Lesa!’ alimwi ayi, ‘Ciindi cashikila!’ Mutakabakonkeli.

Luka 8:14

Isho mbuto shakalokela pamyuumfwa shileemikanina bantu banyumfwa maswi akwe Lesa, sombi kulisukama sha buumi bwa cishi cino, bubile ashakulisangalasha shilabakoma, aboobo tabacati shisepo shikomete.

1 Bene Kolinto 5:11

Sombi ndakalinga kwaamba ayi tamweelete kupanga cibusa amuntu uliita ayi ngumuKlistu, sombi kaali shicikololo, mulyabi, shikulambila shibumbwabumbwa, shikwaamba shibiibi kubabye, cakolwa nabi mwiipi. Tamweelete kulya amuntu wa mushobo uyo.

1 Bene Kolinto 6:10

beepi, balyabi, bacakolwa, beshimatushi nabi bapambi teshi bakenjile muBweene bwakwe Lesa.

Bene Galatiya 5:20

kulambila shibumbwabumbwa, buloshi, kutanyumfwana, kupikishanya, munyono, bukali, kuliyanda, kupansaana alimwi akulipatula,

Dutolonomi 29:19

Anu kutabi muntu nabi womwi pabushiku bwasunu utoonyumfwa maswi aya, pesule alyuume pacaamba akwaamba ayi taaku ceenga cacitika nabi kaacita kuyanda kwakwe mwiine. Ici inga canyonyoola ndimwe noonse, baluleme alimwi abataluleme.

Bene Filipi 4:6

Mutanoolisukama pacintu nabi comwi, sombi mumipailo yanu yoonse amusenge shintu shoonse nshemutacite kuli Lesa. Kamusenga amoyo wakulumba lyoonse.

Bene Ebulu 12:15

Amucenjele kwaamba ayi kutabi muntu nabi womwi weshi aswe kuluse lwakwe Lesa, nabi abe anga nimbuto shamilunda isho shicita na shakula, shabisha shimwi shoonse.

2 Pita 3:10

Sombi Bushiku bwakwisa kwa Mwaami, bulaakwisa anga ngumwiipi. PaBushiku ubo, liculu lilaakumana acoongo cinene, shintu shoonse sha kwiculu shilaakupya akunyonyoolwa, acalo cishi ca panshi ashintu shoonse shiliimo shilaakupya.

2 Pita 3:14

Paceebo ceeco nomusunikwi, pakunoolindila kwisa kwa Bushiku ubu, amusebense cankusu kwaamba ayi mukacanike kamuli muluumuno, kamusalalite alimwi kamutacite kampenda pameenso akwe Lesa.

Ciyubululo 3:3

Ibaluka ico ncewakeeishikwa ancewakanyumfwa, kuswawaawo ucikonkele akusanduka kuswa kushibiibi shako. Na ubule kubuka, ndaakwisa anga ngumwiipi alimwi teshi ukeshibeewo aciindi nceshi nkakupolele.

1 Samwelo 25:36

Mpeeke Abigelo ndyaakashika kuli Nabali wakacana ulicite kusekelela uko kwakalingabo anga nkwa mwaami. Wakalinga kusamitwe alimwi kaakoletwe abuumbi. Aboobo Abigelo taaku ncaakamulwiita kushikila ndibwakaca.