Luka 21:24 - Baibo Busansulushi Bwa Libuku Ili

²⁴ Bamwi balaakuyaswa amipeeni alimwi balaakutolwa busha kushishi shimwi. Lyalo Jelusalemu ilaakulyatoolwa abaswamashi bakunsengwe kushikila ciindi cabo cikamaane.

Luka 21:24 ပူးပေါင်းရင်းမြစ်များ

Matalikilo 34:26

kubikaawo aAmo alimwi amwanaakwe musankwa Shekemu. Lyalo bakabwesa Daina kuswa muŋanda yakwe Shekemu akuya.

Kulonga 17:13

Munshila iyo Joshuwa wakakoma bene Amaleki cakumaninina.

Isaya 5:5

“Ono nceshi nkacite kumuunda wangu nceeci. Ndaakumwaya lushito lwa nguwo, lyalo muunda uyo ulaakunyonyoolwa. Ndaakupwaya lubumbu luutabilila, lyalo mulaakulyatoolwa abanyama bamuluundu.

Isaya 63:18

Kwaciindi ciniini musena wanu usalalite wakalinga mumaansaanu sombi bulya balwani banu balyatoola musena wanu uyo.

Isaya 66:12

Mwaami Lesa wakaamba ayi, “Ndaakumulengesha kuba ashintu shiinji anga ngumulonga wa maanshi uteeli. Buboni bwa mishobo imwi bulaakunoomushikila anga ngamaanshi a mumulonga wasefuka. Mulaakuba anga ngukateta uyamwa uyo ufukatwa abanyina alimwi utondeshekwa lusuno.

Isaya 66:19

alimwi balaakwishiba kwaamba ayi ndime mbapa milandu. “Sombi bamwi ndaakubashiyaawo akubatuma kumishobo imwi akumisena yakulaale uko nkobatana kunyumfwaawo kale mpuwo yangu nabi kubonawo kale nkusu shangu shinene. Nkokwaamba ayi kuTashishi, kuLibya, Lidiya cishi ico cicite basankwa bacibwene kulwana amata, kuTubali alimwi akuGilisi.

Malilo 1:15

“Mwaami Lesa wakaseka bashilumamba bangu boonse bacibwene kulwana. Wakanjitila likoto lya bashilumamba ayi bese bandwaane akupwayoola bacikula bwangu bangu. Wakalyatooka bantu bangu bweenka butyanwa minyansa mucilindi.

Danyelo 12:7

Munjelo uyo wakalinga kufwete shakufwala sha nsalu iteshimite alimwi uyo wakalinga kwiimfwi peculu lya maanshi wakatambika maansa obilo oonse kwiculu. Lyalo ndakamunyumfwa kaashomesha cakulumbila muliina lyakwe Lesa waLyoonse alyoonse ayi, “Ciindi ico cilaakuba ca myaaka yotatwe amusa. Mapensho eshi akese pabantu bakwe Lesa aakumana, shintu shoonse ishi shilaakwiinda.”

Danyelo 8:13

Lyalo ndakanyumfwa usalalite umwi kaamba aumwi usalalite wakamwaambila ayi, “Citooba ciindi cilaamfu buyani cili anga nciloto ici kacitana kucitika cancinencine? Citooba ciindi cilaamfu buyani bubi ubo bulensha bunya kabushinkila kubengwa kwa milambu ya bushiku abushiku? Citooba ciindi cilaamfu buyani likoto lya nyenyeenshi sha kwiculu kalilyatililwa pantu pomwi aŊanda yakwe Lesa?”

Danyelo 9:27

Muleli uyo ulaakuba acipangano ciyumu abantu baanji kwamyaaka ili 7. Musa wa ciindi ico waakwiinda, ulaakukasha kubenga milambu akupa shipo. Mpeeke ulaakubika Cintu cilya Ciloondesha pakansunswa ka ciluli ca Ŋanda yakwe Lesa alimwi cilaakunooli waawo kushikila uyo wakacibikaawo akanyonyoolwe kweelana akubamba kwakwe Lesa.”

Malaki 1:11

Sombi liina lyangu lilaakulemekwa pakati ka mishobo yoonse ya mu cishi ca panshi, kuswa kweela akweela. Kuli koonse balaakunoobenga tununkila kabotu alimwi amilambu yeelete kuli ndime. Nkokwaamba ayi boonse balaakunoondemeka!

Luka 21:25

“Kulaakuba shitondesho kulisuba, kumweenshi akunyenyeenshi. Pacishi ca panshi, bantu balaakulisukama akuloonda abuumbi mushishi shoonse, pakunyumfwa kuwoota kwa lweenge amaaba.

Bene Loma 11:25

Nobamakwesu, kuli cikani cimwi calushinisho ico calinga kushishitwe nceensuni kwaamba ayi mwishibe, na mucishibe mutoocileka kulibona busongo. Cikani ico nceeci, cimpamya cicite bene Isilaeli bamwi teshi cikatolelele, sombi balaakushoma na baswamashi bakunsengwe bakasalwa, bakasanduke kuswa kushibiibi shabo akushoma Lesa.

Bene Ebulu 11:34

bakashimya mililo yakalinga kunyaka abuumbi, bakapulushikwa kukucaikwa amipeeni. Nakubi kwaamba ayi tebakalinga kucite nkusu, bakabaasho. Bakaba bashilumamba bayumu abuumbi, akukoma bashilumamba ba mushishi sha baswamashi.

Ciyubululo 11:2

Sombi utapimi musena uli kunsengwe lya Ŋanda yakwe Lesa mukwiinga wakapekwa kubaswamashi bakunsengwe, abo mbweshi bakalyatoole Ndabala inene Isalalite kwamyeenshi ili makumi one alimwi ayobilo.