Luka 21:21 - Baibo Busansulushi Bwa Libuku Ili

²¹ Lyalo abo bali muJudeya bakacicile kutulundu. Abo beshi bakanooli mukati mundabala inene bakasweemo, abalo abo beshi bakanooli mumishi batakenjiliimo mundabala inene iyi.

Luka 21:21 ပူးပေါင်းရင်းမြစ်များ

Matalikilo 19:17

Mpeeke munjelo womwi wakaamba ayi, “Amucice mupuluke! Kutalanga kwisule alimwi kuteemikana muliwesa. Amucicile kutulundu kwaamba ayi mutacaikwi.”

Matalikilo 19:26

Sombi muka Loti wakalanga kwisule, mpeeke wakaaluka libwe lya mwiinyo.

Tushimpi 22:3

Muntu ucenjete ulabona mapensho ali kunembo akwaayuba, sombi muluya ulaya mukulinjishamobo akupengelaamo.

Jelemiya 35:11

Sombi ciindi Nebukadinesa mwaami wa bene Babiloni ndyaakalwana cishi cino, swebo twakaamba ayi, ‘Katiya kuJelusalemu tucice bashilumamba bene Babiloni abene Silya.’ Nceceeco ncetushiitile muJelusalemu.”

Jelemiya 37:12

Lyalo nebo neJelemiya ndakatalika kuswa mundabala inene akuya kucishi cakwe Benjameni mukubwesa cipansha ca buboni bwangu pakati ka bantu bekalaako.

Jelemiya 6:1

“Amucice kwaamba ayi mupuluke mwebo nobene Benjameni! Amucice muswe muJelusalemu! Amulishe lupeenga muTekowa! Amushimpike mbembela ya nkondo muBeti Akelemu ceebo mapensho atooswita kumatwa, ee, kunyonyoolwa kunene abuumbi.

Shakubelenga 16:26

Mpeeke wakaambila bantu ayi, “Amusoonoke misumba ya bamucita shibi aba! Tamweelete kukumya cintu cabo nabi comwi, mukwiinga amwebo inga mwanyonyweetwa kumwi ceebo ca shibiibi shabo.”

Mateyo 2:1

Jesu wakashalilwa mundabala ya Betileemu mucishi ca Judeya, munshiku isho Elodi ndyaakalinga mwaami wa mucishi ico. Ndyaakashalwabo, bantu basongo bakaswa kwicwe bakashika muJelusalemu akwiipusha ayi,

Mateyo 24:16

lyalo abo bali kuJudeya bakacicile kutulundu.

Maako 13:15

Uyo eshi akanooli paciluli ca ŋanda, atakaseluki kwaamba ayi enjile muŋanda mukukusha cimwi cintu.

Ciyubululo 18:4

Mpomunyaawo ndakanyumfwa liswi limwi kuswa kwiculu lyakwaamba ayi, “Amusweemo nobantu bangu! Amuswe muli nguwe! Tamweelete kubisha pantu pomwi anguwe, alimwi tamweelete koomboloshekwa akupekwa mulandu mbuli nguwe!