Luka 21:1 - Baibo Busansulushi Bwa Libuku Ili

¹ Jesu ndyaakalangalanga wakabona bantu babile kababika shipo shabo mucakubikaamo shipo sha maali ca muŊanda yakwe Lesa.

Luka 21:1 ပူးပေါင်းရင်းမြစ်များ

1 Baami 14:26

Wakabwesa shintu shamakwebo shoonse sha muŊanda yakwe Lesa alimwi amuŋanda ya mwaami, pantu pomwi amayawo a golodi ayo Solomoni ngaakapanga.

2 Baami 12:9

Lyalo Jeoiyada mupailishi wakabwesa libokoshi akutulula bulyango pacakufwekaawo. Wakabika libokoshi ilyo kucipaililo kulubasu lwalulyo na muntu keenjila muŊanda yakwe Lesa. Bapailishi abo bakalinga kusebensela kumulyango wa Ŋanda yakwe Lesa bakalinga kubika maali oonse akalinga kuletwa mumo mulibokoshi ilyo.

2 Baami 24:13

Nebukadinesa wakabwesa abuboni boonse bwa muŊanda yakwe Lesa kubikaawo abwa muŋanda ya bwaami akubutola kuBabiloni. Nebukadinesa wakapwaya shisebensesho sha golodi sha muŊanda yakwe Lesa isho mwaami Solomoni nshaakapanga, bweenka bwakaamba Mwaami Lesa.

2 Makani 36:18

Nebukadinesa wakasaala shintu sha muŊanda yakwe Lesa, sha mucipinda cakusungilamo buboni ca Ŋanda yakwe Lesa alimwi abuboni bwa mwaami abwa bacinenenene bakwe akushitola kuBabiloni.

Neyemiya 13:13

Lyalo ndakabika bantu ayi banoolanga pamaanda akusungilako shintu, nkokwaamba ayi Shelemiya mupailishi, Sadoki mufundishi wa Milawo alimwi aPedaya mwine Lefi. Ndakabika Anani mwanaakwe Saka, mwishikulu wakwe Mataniya ayi anoobacafwa. Bakabikwa pamulimo wakwaabila bamakwababo shintu isho ceebo bakalinga kushomeka.

Mateyo 27:6

Sombi bamatanjilili ba bapailishi bakabwesa maali alya akwaamba ayi, “Mulawo wesu ulakasha kwaabika motubika maali muno muŊanda yakwe Lesa ceebo ngamaali a bulowa.”

Luka 20:47

Aba bantu mbobabwesa buboni bwa bamukalubinje banakashi akubeca kupaila mipailo ilaamfulaamfu kwaamba ayi bantu bababoone. Aba bantu ncakwiila Lesa ulaakuboombolosha cankusu.”

Joni 8:20

Jesu wakaamba maswi aya kaali muŊanda yakwe Lesa pafwaafwi amusena pakalinga kubikwa shipo. Sombi taaku wakamucata mukwiinga ciindi cakwe kacitana kushikila.

Joshuwa 6:19

Anu shintu shoonse sha silifa, golodi, bulonse nabi sha nshimbi shabikwa palubasu ayi nsha Mwaami Lesa. Aboobo shilyeelete kubikwa kunkomwe ya buboni bwa Mwaami Lesa.”

Joshuwa 6:24

Lyalo bakatenta ndabala inene iyo yoonse alimwi ashintu shoonse shakalingaamo, kukushakobo shintu sha silifa, golodi, bulonse alimwi asha nshimbi isho nshebakabika munkomwe ya buboni bwa Mwaami Lesa.