Luka 20:47 - Baibo Busansulushi Bwa Libuku Ili

⁴⁷ Aba bantu mbobabwesa buboni bwa bamukalubinje banakashi akubeca kupaila mipailo ilaamfulaamfu kwaamba ayi bantu bababoone. Aba bantu ncakwiila Lesa ulaakuboombolosha cankusu.”

Luka 20:47 ပူးပေါင်းရင်းမြစ်များ

Isaya 10:2

Munshila iyo balalengesha bakandu kubula nkusu shakupabuka akushinkilisha milandu ya baabo balyatililwa ayi itoomboloshekwi cabululami. Pabamukalubinje abana banshiwa mpobashanina kasela kwiinda mukunoobanyaya buboni.

Esekelo 22:7

Muli ndiwe taamu nabi womwi uyo ulemeka baishi nabi banyina. Muli ndiwe bantu balacenjeeka baswamashi akupensha bana banshiwa alimwi abamukalubinje.

Esekelo 33:31

Bantu bangu balesa kuli ndiwe bweenka mbobacita lyoonse akwikala kunembo lyako ayi bakutike maswi ako, sombi tabaciti nshoobaambila, sobwe. Balaamba ayi balashomeka kuli ndime, sombi myoyo yabo ilibo mukubilila munshila italuleme.

Amosi 2:7

Balyatoola mitwi ya bakandu anga batoolyatoola lusuko akulengesha baabo balyatililwa kulitwa masuku pamitwi. Mwaana abaishi balakumanina kumwanakashi womwi. Mukucita boobo balasebaanya liina lyangu.

Mika 2:2

Ncakwiila na balisuni myuunda baleebwesa, na balisuni maanda balaabwesa. Balabwesa ŋanda ya muntu mukumwiinda kumaano akubwesa buboni bwakwe mbwaakapyana munshila njemunya.

Mika 2:8

Ono Mwaami Lesa waamba ayi, “Mwebo mulalwana bantu bangu anga mbalwani babo. Bashilumamba balapiluka kunkondo kabayeeya ayi kumishaabo taaku cakulisukama. Sombi mwebo mulababelamina ayi mwiipe shakufwala shabo sha peculu.

Mika 3:2

sombi mulipatite shibotu akusuna bubi. Mulafunda bantu bangu kabacili boomi akukusha minyemfu kushifuwa shabo.

Mateyo 23:13

“Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Mulacalila bantu mulyango wa muBweene bwa kwiculu. Mwebo nobeene tamusuni kwinjila alimwi mulakasha baabo basuni. [

Mateyo 23:14

Mapensho kuli ndimwe nobafundishi ba Milawo abaFalisi, mwebo nobantu nomwaamba nshemutaciti! Mulabwesa buboni bwa bamukalubinje banakashi akubeca kupaila mipailo ilaamfu. Paceebo ceeco, Lesa ulaakumoombolosha cankusu.]

Maako 12:40

Aba bantu mbobabwesa buboni bwa bamukalubinje banakashi, akubeca kupaila mipailo ilaamfulaamfu kwaamba ayi bantu bababoone. Ncakwiila, Lesa ulaakuboombolosha cankusu.”

Luka 12:1

Paciindi ico, bantu bali shuulu shuulu ndibakabungana cakwaamba ayi bantu bakatalika kulyatana, Jesu wakataanguna kwaambila bashikwiiya bakwe ayi, “Amucenjele acimena ca baFalisi, nkokwaamba ayi kwaamba nshebataciti.

Luka 20:46

“Amucenjele abafundishi ba Milawo abo basuni kuya bweendaana kabafwete mingaanjo akwaanshikwa cabulemu mumishika. Balisuni kwikala pashuuna shibotu mushoonde shabo amisena ya bulemu mumibala.

Luka 21:1

Jesu ndyaakalangalanga wakabona bantu babile kababika shipo shabo mucakubikaamo shipo sha maali ca muŊanda yakwe Lesa.

1 Bene Tesalonika 2:5

Mulishi kabotu ayi tatukwe kwisa kuli ndimwe amaswi akumukondeleshabo, nabi kwaamba ayi tucane mpindu kuswa kuli ndimwe. Lesa ulishi kabotu anshetwakacita.

Taitasi 1:16

Balaamba ayi Lesa balimwishi, sombi micito yabo ilakaka sheesho nshebaamba. Balafundoosha kumoyo alimwi tabanyumfwili Lesa, aboobo tabeeleli kucita cintu cibotu nabi comwi.

Jemusi 3:1

Nobamakwesu, baanji pakati kanu batanoolilila kuba bafundishi mukwiinga mulishi kwaamba ayi swebo sotwiisha, Lesa ulaakutoombolosha kwiinda bamwi.