Luka 20:22 - Baibo Busansulushi Bwa Libuku Ili

²² Amutulwiite, sa Milawo ilatusuminisha kupa musonko kuli Sisa, muleli munene wa kuLoma, na tau?”

Luka 20:22 ပူးပေါင်းရင်းမြစ်များ

Esila 4:13

Ono nobaami mwishibe kwaamba ayi na ndabala inene iyi iyakwe alimwi, alubumbu lwa njiyo luyakwe, teshi bakanoopatala misonko ipusenepusene, aboobo maali akubwalo alaakuceya.

Esila 9:7

Kuswa muciindi ca bamashali besu bakulukulu kushikila sunu, shibiibi shesu shafula abuumbi. Ceebo ca shibiibi shesu, swebo, bamaami abapailishi besu twakakomwa kubamaami ba mushishi shimwi, tulacaikwa, kwipilwa akutolwa busha. Ncakwiila twasebaana abuumbi bweenka mbotubete asunu.

Neyemiya 5:4

Bamwi abalo bakaamba ayi, “Twakacita kukweleta maali kwaamba ayi tulipile musonko kumwaami wa myuunda ya shishango shimwi aya minyansa.

Neyemiya 9:37

Ceebo ca shibiibi shesu, shoonse shitebulwa shilaya kubamaami mbomwakaleta ayi batweendeleshe. Balacita mbuli mbobasuni kuli ndiswe ashifubwa shesu. Ndushinisho tuli mumapensho anene abuumbi!

Mateyo 17:25

Lakwe wakakumbula ayi, “Ee, ulasonka.” Lyalo Pita ndyaakenjila muŋanda, Jesu ngowakataanguna kwaamba, akumwiipusha ayi, “Ino webo Simoni utooyeeya buyani? Ino bamaami ba pacishi mbaani mbobeelete kusonkesha? Mbaana ba mucishi cabo na mbeensu?”

Luka 20:21

Bantu abo bakeepusha Jesu ayi, “Bafundishi, tulishi kwaamba ayi mulaamba akwiisha shiluleme. Tulishi kwaamba ayi mwebo tamusalululi, sombi muleeisha nshila yakwe Lesa calushinisho.

Luka 20:23

Sombi Jesu wakeshiba kwaamba ayi batokwiipushabo cakubeca. Lyalo wakabaambila ayi,

Luka 23:2

Lyalo bakatalika kumubekesha shikani ayi, “Twakacana muntu uyu kayungoola bantu ba mucishi cesu ayi babukile cishi cino. Wakalinga kubaambila ayi bacileeke kupeleka musonko kuli Sisa, muleli munene wa kuLoma. Peculu lya waawo wakalinga kwaamba ayi uyu mwiine ngoUsalitwe wakwe Lesa alimwi ayi ngumwaami.”

Milimo ya Batumwi 5:37

Pesule, kwakesa Judasi mwine Galili paciindi ndibakalinga kubelenga bantu. Bantu baanji bakamukonkela, sombi alakwe wakacaikwa alimwi abantu boonse bakalinga kumukonkela bakapalangana.

Bene Loma 13:7

Aboobo lipila misonko yoonse yeelete kubeendeleshi, akubalemeka.

Dutolonomi 17:15

Mpeeke mukasaale muntu uyo Mwaami Lesa ngweshi akaambe ayi ngooelete kuba mwaami. Tamweelete kusala muswamashi uyo uteshi mwine Isilaelinyinaanu.