Luka 20:17 - Baibo Busansulushi Bwa Libuku Ili

¹⁷ Jesu wakabalangishisha akubeepusha ayi, “Ono malembo aya alaambanshi? ‘Libwe bayaki ndibakakaka, lyakaba ndyelibwe lya mulikonko lya ŋanda.’

Luka 20:17 ပူးပေါင်းရင်းမြစ်များ

Kulumbaisha 118:22

Libwe bayaki ndibakakaka, lyakaba ndyelibwe liyandika lya mulikonko lya ŋanda.

Isaya 28:16

Ono Mwaami Lesa Shinkusu shoonse waamba ayi, “Amubone ndabiika libwe muSiyoni, ncakwiila libwe liyumu abuumbi. Ndabiika libwe lya makwebo lya mulikonko lya ŋanda ayi libe lwiimbi lwiine lwiine. Muntu oonse weshi akashome muli ndilyo, teshi akalenshekwewo nsoni.

Sekaliya 10:4

Kubene Juda kulaakuswa libwe lya mulikonko lya ŋanda, kuli mbabo kulaakuswa mpoopo ya kutente, kuli mbabo kulaakuswa buta bwa nkondo, alimwi kuli mbabo kulaakuswa baleli boonse.

Sekaliya 3:9

Bona, libwe ndindabika kunembo lyako webo Joshuwa. Palibwe ilyo pali meenso ali osanwe aobilo. Ntootalaawo malembo pali ndilyo alimwi ndaakukusha shibiibi sha cishi cino mubushiku bomwibo.

Mateyo 21:42

Lyalo Jesu wakabeepusha ayi, “Sa tamukwe kubelengawo kale Malembo akwe Lesa akwaamba ayi, ‘Libwe bayaki ndibakakaka lyakaba ndyelibwe lya mulikonko lya ŋanda, libwe lisuniki abuumbi. Mwaami Lesa ngowacita ceeci, alimwi ncintu cikankamika abuumbi mumeenso esu?’

Maako 10:23

Mpomunyaawo Jesu wakacebuka, walanga bashikwiiya bakwe bakalinga kumushingulukite akubaambila ayi, “Nciyumu abuumbi kubantu babile kwinjila muBweene bwakwe Lesa!”

Maako 12:10

Sa tamukwe kubelengawo kale Malembo akwe Lesa akwaamba ayi, ‘Libwe bayaki ndibakakaka lyakaba ndyelibwe lya mulikonko lya ŋanda, libwe lisuniki abuumbi.

Maako 3:5

Jesu wakakalala ndyaakabalangilisha, sombi wakabafwita nkumbu ceebo cakuyuma kwa myoyo yabo akuluba. Mpeeke wakaambila musankwa uyo ayi, “Fungulula lyaansa lyako.” Wakalifungulula, mpomunyaawo lyakaba kabotu alimwi.

Luka 19:41

Lyalo Jesu ndyaakasena pafwaafwi akubona Jelusalemu, wakalila.

Luka 22:37

Cililembetwe ayi, ‘Alakwe bakamubelengela pantu pomwi abamucita shibi.’ Ntoomulwiita ayi Malembo aya alyeelete kucitika cancinencine muli ndime. Ceebo shoonse shilembetwe pali ndime shili pafwaafwi kucitika.”

Luka 22:61

Mpomunyaawo Mwaami Jesu wakapiluluka akulangilisha Pita. Lyalo alakwe wakeebaluka maswi a Mwaami mbuli mbwaakamwaambila ayi, “Kombwe kaatana kulila sunu, webo Pita utoonkaka mankanda otatwe.”

Luka 24:44

Lyalo wakabaambila ayi, “Ishi nsheshintu nshendakalinga kumulwiita ndindakalingaanu. Ndakalinga kwaamba ayi shoonse shilembetwe pali ndime muMilawo yakwe Mose, abalaluki bakulukulu amuKulumbaisha shilyeelete kucitika cancinencine.”

Joni 15:25

Ishi shakacitika kweelana ambokulembetwe muMilawo yabo ayi, ‘Bakampatabo pataapu ceebo.’

Milimo ya Batumwi 4:11

Jesu ngowooyo waambwa muMalembo akwe Lesa ayi, ‘Libwe ndimwakakaka akusuula mwebo nobayaki lyakaba ndyelibwe liyandika lya mulikonko lya ŋanda.’

Bene Efeso 2:20

Anu amwebo mwayakilwa waawo pakayakila batumwi alimwi abalaluki, Klistu Jesu mwiine ndyelibwe lya mulikonko lya ŋanda.

1 Pita 2:6

Mukwiinga Malembo alaamba ayi, “Amubone, ndasala libwe liyandika abuumbi. Ndalibika muSiyoni mulikonko lya ŋanda, ushoma muli nguwe teshi akanyumfwe nsoni.”