Luka 2:4 - Baibo Busansulushi Bwa Libuku Ili

⁴ Josefu alakwe wakanyamuka kuswa kuNasaleti mucishi ca Galili kuya kundabala yakwe Defedi iyo yakalinga kwiitwa ayi Betileemu, mucishi ca Judeya, mukwiinga wakalinga ngwa mulunyungu lwakwe Defedi.

Luka 2:4 ပူးပေါင်းရင်းမြစ်များ

Matalikilo 35:19

Lakelo ndyaakafwa, bakamubika mweela nshila iya kuEfulati uko bulya kwiitwa ayi Betileemu.

Matalikilo 48:7

Ici ntoocicita ceebo ca banyoko baLakelo. Ndakaba abuumba bunene abuumbi ndibakafwa muKenani, pafwaafwi aEfulati, ndindakalinga kuswa kuMesopotamya. Ndakababika kweenka kulya munshaanshila iya kuEfulati.” Efulati bulya iletwa ayi Betileemu.

Mika 5:2

Mwaami Lesa waamba ayi, “Sombi webo Betileemu Efulata, nabi uli ndabala iniini mucishi ca Juda, kuswa muli ndiwe, ndaakuleta muleli wa bene Isilaeli. Mukowa wakwe wakatalikabo kalekale, ee, kuswa kunshiku sha kumatalikilo.”

Mateyo 1:20

Ndyaakalinga kuciyeeya cikani ici, munjelo wakwe Lesa wakaboneka kuli nguwe muciloto kaamba ayi, “Josefu, omwanaakwe Defedi, utaloondi kweeba Maliya, mukwiinga ulimitite lyankusu sha Mushimu Usalashi.

Mateyo 2:23

Lyalo wakaya mukwikala mundabala ya Nasaleti, bweenka mbuli mbobakaamba balaluki bakulukulu ayi, “Ulaakunokwiitwa ayi wakuNasaleti.”

Luka 2:3

Boonse bakaya mukulembesha umwi aumwi kumishaabo nkwaakashalilwa.

Luka 2:5

Wakaya pantu pomwi aMaliya uyo ngwaakalinga kumamikite kwaamba ayi baye bakalembwe, ciindi ici Maliya wakalinga kumitite.

Luka 4:16

Jesu wakashika kuNasaleti uko nkwaakakulila. Mpeeke kweelana ambwaakalinga kushibite, pabushiku bwakookesha bwa Cibelu wakaya kucoonde ca baJuda. Wakanyamuka kwaamba ayi abelenge Malembo akwe Lesa kubantu.

Joni 1:46

Natanaelo wakeepusha Filipo ayi, “Sa muNasaleti amwalo inga mwaswa cintu cibotu?” Filipo wakakumbula ayi, “Kosa, ukalibonene omwiine.”

Joni 7:42

Sa Malembo akwe Lesa taambi ayi, ‘Usalitwe wakwe Lesa ulaakuswa mulunyungu lwakwe Defedi alimwi ulaakushalilwa mundabala ya Betileemu umo mwakalinga kwikala mwaami Defedi?’ ”

Lute 1:19

Bakeenda kushikila bashika kuBetileemu. Ndibakashika, ndabala yoonse yakasangalala abuumbi. Banakashi bakakankamana akwaamba ayi, “Sa ncakwiila nguNaomi uyu?”

Lute 2:4

Ndipakeenda ciindi, Bowasi wakapola kuswa kuBetileemu akwaansha basebenshi ayi, “Mwaami Lesa aabe amwebo!” Abalo bakakumbula ayi, “Mwaami Lesa aamupe coolwe!”

Lute 4:11

Bamaloba abamwi boonse bakalinga kumwinjililo wa ndabala bakaamba ayi, “Ee tuli bakamboni. Mwaami Lesa aalengeshe bakaako kuba mbuli Lakelo aLeya, abo bakashalila Jakobo baana baanji. Aakulengeshe kubila mucipani cakwe Efulati akupuka muno muBetileemu.

Lute 4:17

Beshikamukobonyina Naomi banakashi bakaambila bantu boonse ayi, “Kwashalwa mwaana kuli Naomi!” Bakatumba mwaana uyo ayi Obedi. Obedi ngowakalinga ishi Jese uyo wakashala Defedi.

1 Samwelo 16:1

Mwaami Lesa wakaambila Samwelo ayi, “Utootola ciindi cilaamfu buyani kuungumana ceebo cakwe Saulo? Nebo ndamukaka kale kunoocili mwaami wa cishi ca Isilaeli. Susha lwiica lwako amafuta a maolifi unooya. Ntookutuma kuli Jese wa kuBetileemu. Ndasalaawo womwi pabana bakwe basankwa kuba mwaami.”

1 Samwelo 16:4

Mpeeke Samwelo wakacita cakamulwiita Mwaami Lesa. Ndyaakashika kuBetileemu, bamaloba ba mundabala bakalinga kunootutumabo ndibakalinga kumukumanya. Bakalinga kwiipusha ayi, “Sa kuli cabica?”

1 Samwelo 17:12

Defedi wakalinga mwanaakwe Jese mwine Efulati mundabala ya Betileemu kucishi ca Juda. Jese wakalinga kucite baana basankwa bosanwe abotatwe, alimwi muciindi cakwe Saulo wakalinga kucembelete abuumbi.

1 Samwelo 17:58

Lyalo Saulo wakamwiipusha ayi, “Webo ocikula bwangu, anu uli mwanaakwe ni?” Defedi wakakumbula ayi, “Nebo nkambo, ndi mwanaamusebenshi wanu Jese wa kuBetileemu.”

1 Samwelo 20:6

Na baiso bakasule ayi nshipo, ukabalwiite ayi, ‘Defedi wakansenga camaansa obilo ayi musuminishe kuya kundabala ine mishaabo ya Betileemu, mukwiinga ciilo kulaakuba kubenga mulambu wa bamuŋanda yabo ngobabenga lyoonse pamwaaka.’