Luka 2:37 - Baibo Busansulushi Bwa Libuku Ili

³⁷ Paciindi ico wakalinga kucite myaaka makumi osanwe aotatwe alimwi ayone. Ciindi coonse ici wakalinga kuya kuŋanda yakwe Lesa. Wakalinga kupaila kuli Lesa mashiku amalumwi alimwi wakalinga kuba aciindi cakulikasha kulya.

Luka 2:37 ပူးပေါင်းရင်းမြစ်များ

Kulumbaisha 22:2

NobaLesa bangu, ndamulilila malumwi, sombi mwebo tamunkumbuli. Ndamulilila mashiku nshicani kookesha.

Kulumbaisha 23:6

Ncakwiila shintu shibotu alusuno lwanu shinanooli anebo mubuumi bwangu boonse. Aboobo ŋanda yanu ilaakuba ngomusena wangu lyoonse alyoonse.

Kulumbaisha 27:4

Ndasenga cintu comwi kuMwaami Lesa. Cintu comwi ico nceensenga ncakwaamba ayi nookala muŊanda yakwe kwabuumi bwangu boonse, kwaamba ayi noosangalala pabubotu bwakwe akunoomulambila muŊanda yakwe isalalite.

Kulumbaisha 84:10

Kwikala bushiku bomwi muŊanda yanu, kuleenda kwikala kumwi nshiku shili cuulu. Inga cambotela kuba shikulindilila mulyango wa Ŋanda yanu, kwiinda kwikala mumaanda a bamucita shibi.

Kulumbaisha 84:4

Balicite coolwe abo bekala muŊanda yanu, akumwiimbila nyimbo shakulumbaisha.

Kulumbaisha 92:13

Bali anga nshisamu shishangitwe muŊanda ya Mwaami Lesa. Ncakwiila shilakula kabotu mulubansa lwa Ŋanda yakwe Lesa wesu.

Kulonga 38:8

Mpeeke wakapanga mbale ifongomene ya bulonse alimwi acapanshi ca njiyo ca bulonse kuswa mushilola sha banakashi bakalinga kusebensela kumulyango wa Tente ya Cipangano.

Luka 5:33

Bamwi bantu bakeepusha Jesu ayi, “Bashikwiiya bakwe Joni Mubombeki liinji balaba aciindi cakulikasha kulya akupaila, abalo bashikwiiya ba baFalisi balacita bweenka ubo, sombi baako tababiiwo aciindi ici, balalya akunwa.”

Milimo ya Batumwi 13:3

Ndibakamana kupaila akulikasha kulya, bakabika maansaabo pali mbabo akubatuma.

Milimo ya Batumwi 14:23

Bakasala bamatanjilili ba mushoonde comwi acomwi. Ndibakamana kupaila akulikasha kulya, bakababika mumaansa a Mwaami Jesu uyo ngobakashoma boonse.

Milimo ya Batumwi 26:7

Mishobo yoonse ili likumi ayobilo ya bantu besu batoolangila kutambula ncemunya ico Lesa ncaakashomesha kwiinda mukupaila malumwi amashiku. Aboobo nobaami balemekwa ceebo cakulangila uku baJuda batoombekesha shikani shoonse ishi!

1 Timoti 5:5

Mukalubinje mwanakashi utacite beshikumucafwa nabi beshikumulama, wakabika kulangila kwakwe muli Lesa alimwi ulatolelela kupaila akumusenga shalucafwo lwakwe mashiku amalumwi.

Ciyubululo 3:12

Uyo weshi akakome, ndaakulengesha ayi akabe licinko lya muŊanda yakwe Lesa wangu alimwi teshi akasweemo. Pali nguwe ndaakulemba liina lyakwe Lesa wangu alimwi alya ndabala inene yakwe Lesa wangu, nkokwaamba ayi Jelusalemu ipya, iyo njeshi ikaswe kwiculu kuli Lesa wangu. Ndaakulemba aliina lyangu lipya pali nguwe.’

Ciyubululo 7:15

Nceceeco ncebeemikanina kunembo lya cuuna ca bwaami cakwe Lesa alimwi balamusebensela malumwi amashiku muŋanda yakwe. Uyo ushiite pacuuna ca bwaami ulaakwikala ambabo alimwi akubalama.

1 Samwelo 2:2

“Taaku usalalite mbuli Mwaami Lesa, taakuuwo uli mbuli nguwe, taaku mwaandami uli mbuli Lesa wesu.