Luka 2:34 - Baibo Busansulushi Bwa Libuku Ili

³⁴ Mpeeke Simyoni wakabapa coolwe akulwiita Maliya banyina Jesu ayi, “Uyu mwaana wasalwa aLesa kwaamba ayi awishe akubusha baanji pakati ka bene Isilaeli. Ulaakuba citondesho cakuswa kuli Lesa ico baanji nceshi bakakake.

Luka 2:34 ပူးပေါင်းရင်းမြစ်များ

Matalikilo 14:19

Wakapa coolwe Abulamu akwaamba ayi, “Lesa wakwiculu Wiindaawo, uyo wakalenga liculu acishi ca panshi, ape coolwe Abulamu.

Matalikilo 47:7

Lyalo Josefu wakaleta Jakobo baishi, akubatondesha kumwaami. Jakobo wakapa coolwe mwaami.

Kulonga 39:43

Lyalo Mose wakeendaamo moonse akubona kwaamba ayi shoonse bashipanga kweelana abwakaamba Mwaami Lesa. Mpeeke Mose wakabapa coolwe.

Isaya 8:18

Ono bulya ndime abaana Mwaami Lesa mbwaakampa. Mwaami Lesa Shinkusu shoonse ucite cuuna ca bwaami paKalundu ka Siyoni, watutuma kwaamba ayi tube nkombe yakwe yuumi kubene Isilaeli.

Osiya 14:9

Anu musongo ngani? Ngooyo weshi akeshibe shintu ishi. Anu ucite maano akunyumfwisha shintu ngani? Ngooyo weshi akanyumfwishe shintu ishi. Nshila sha Mwaami Lesa shililuleme. Baluleme baleendela mumo, sombi baashu balawa ceebo cakusuula nshila isho.

Mateyo 11:19

Ono MwanaaMuntu ndyaakesa kaalya akunwa, bantu bakaamba ayi, ‘Amubone ngumulyabi, ngucakolwa, ngushicibusa abeshikusonkesha alimwi abamucita shibi.’ Sombi busongo bwakwe Lesa bulaboneka ayi buliluleme kwiinda mumilimo ya mbubo.”

Mateyo 12:46

Jesu ndyaakalinga kucaamba kubantu baanji, kwakesa banyina abamakwabo, bakeemikana pansengwe, kabasuni kwaamba akwe.

Mateyo 21:44

Uyo uwita palibwe ilyo, ulaakutyokooka, alimwi uyo ngweenga lyalokela, ulaakusansooka.”]

Mateyo 27:63

akumwaambila ayi, “Nkambo, tuliingashite mbwaakaamba mubeshi uyo kaacili muumi ayi, ‘Ndaakubushikwa alimwi pabushiku bwatatu.’

Luka 2:35

Ulaakuyubulula miyeeyo yabo ishishitwe. Ono awebo buumba bulaakukucata anga wayaswa mupeeni kumoyo.”

Joni 3:20

Kulilabo muntu ucita shibiibi ulipatite mumuni. Teesi kumumuni kuloonda kwaamba ayi micito yakwe inga yabonekela patuba.

Joni 5:18

Makani aya akalenga kwaamba ayi bamaloba ba baJuda beendeewo kupinga kucaya Jesu. Teshibo kwaamba ayi wakatyola mulawo wa bushiku bwakookesha, sombi alimwi wakaamba ayi nguMwanaakwe Lesa. Mukwaamba boobo wakalyeelanya aLesa.

Milimo ya Batumwi 13:45

Ono baJuda ndibakabona bantu baanji baanji abo, bakafwa munyono abuumbi. Bakatalika kupikisha shakalinga kwaamba Paulo akunoomucobola.

Milimo ya Batumwi 17:6

Sombi ndibakabona ayi tabamo, bakacata Jasoni abashomi bamwi akubakwelaanya kubatola kubacinenenene ba mundabala inene umo. Bakoolobesha ayi, “Balya bantu baya bucita shimfulunganya koonse koonse, ono bulya bali momuno mundabala yesu inene!

Milimo ya Batumwi 24:5

Twacana kwaamba ayi musankwa uyu taanyumfwi. Ngushi kutalika shimfulunganya pakati ka baJuda mucishi coonse alimwi ngumutanjilili wa likoto lya bene Nasaleti.

Milimo ya Batumwi 28:22

Sombi tulisuni kunyumfwa miyeeyo yako mukwiinga tulishi kwaamba ayi kuli koonsebo, bantu balaamba ayi likoto ili ndyoobeteemo talibete kabotu.”

Milimo ya Batumwi 4:26

Bamaami ba pacishi bakalibambila, abalo beendeleshi bakabungana pantu pomwi ayi babukile Mwaami Lesa alimwi aUsalitwe wakwe.’

Milimo ya Batumwi 6:7

Lyalo maswi akwe Lesa akanyumfwika kubantu baanji. Mpeeke bashomi bakalinga kuya bufulilakobo alimwi bapailishi baanji bakashoma Makani Abotu.

Bene Loma 9:32

Ino ceebonshi bakaalilwa? Ceebo bakalinga kusuni kuba bantu baluleme kwiinda mukukonkela Milawo kuteshi kushoma Lesa. Bakalisuntula mulibwe lisuntula bantu.

1 Bene Kolinto 1:23

Sombi swebo tulashimikila shakwe Klistu uyo wakapopwa pamucilingano. KubaJuda makani aya nimfumpu, akwalo kubaswamashi bakunsengwe taaku mbwaabete.

Bene Ebulu 7:1

Uyu Melikisedeki wakalinga mwaami wa kuSalemu alimwi wakalinga mupailishi wakwe Lesa wa kwiculu Wiindaawo. Ono Abulaamu ndyaakalinga kuswa kunkondo uko nkwaakakoma bamaami bone, Melikisedeki wakamukumanya akumupa coolwe.

Bene Ebulu 7:7

Aboobo muntu uli woonse ulishi kwaamba ayi muntu upa coolwe ngumunene kwiinda wooyo utoopekwa coolwe.

1 Pita 4:14

Na mwacobolwa ceebo ca liina lyakwe Klistu, mulicite coolwe, mukwiinga cilabonesha ayi Mushimu wakwe Lesa wa bulemu uli muli ndimwe.

1 Samwelo 2:20

Mpeeke Eli wakalinga kupa coolwe Elikana aAana, akwaambila Elikana ayi, “Mwaami Lesa aakupe baana baambi kwiinda mumwanakashi uyu Aana, kwaamba ayi babwese musena wa wooyu ngowakabenga mumaansaakwe.” Na bamanisha bakalinga kuboolela kumishaabo.