Luka 2:13 - Baibo Busansulushi Bwa Libuku Ili

¹³ Paciindi ceenka ico kwakaboneka baanjelo baanji baanji ba kwiculu pantu pomwi amunjelo ulya, kabalumbaisha Lesa kabaamba ayi,

Luka 2:13 ပူးပေါင်းရင်းမြစ်များ

Matalikilo 28:12

Mpeeke wakalota nshila ya matantilo yakalinga kuswa panshi kushika akwiculu, alimwi abaanjelo bakalinga kutanta bamwi kabaseluka pali njiyo.

1 Baami 22:19

Mpeeke Mikaya wakatolelela kwaamba ayi, “Ono amunyumfwe makani aya! Ndakabona Mwaami Lesa kaashiite pacuuna ca bwaami kwiculu abaanjelo bakwe boonse kabeemfwi kushinguluka nguwe.

Jobo 38:7

Sa wakalingaako nyenyeenshi sha kumuyamaca ndishakalinga kwiimba abaanjelo ba kwiculu ndibakalinga koolobesha cakusangalala?

Kulumbaisha 148:2

Amumulumbaishe noonse nobaanjelo bakwe. Amumulumbaishe nomakoto a bashilumamba bakwe boonse.

Kulumbaisha 68:17

Mwaami Lesa wakashika kumusena wakwe usalalite kuswa kuSinayi. Wakesa ashikoci sha maaki sha nkondo shili shuulu ashuulu.

Esekelo 3:12

Mpomunyaawo Mushimu wakwe Lesa wakanyamuna. Lyalo ndakanyumfwa liswi kwisule lyangu ilyo lyakalinga kunyumfwika anga ngumuuwo utoompuupila. Liswi ilyo lyakaamba ayi, “Abulumbaishikwe bulemu bwa Mwaami Lesa mumusena ngweekalaamo!”

Danyelo 7:10

Mulonga wa mulilo wakalinga kukunka, ee, kukunka kuswa muli ncico kuya kunembo lyakwe. Kwakalinga shuulu ashuulu sha baabo bakalinga kumusebensela. Kunembo lyakwe kwakalinga kwiimfwi bantu baanji cakutabelengeka. Nkuta yakatalika amabuku akacalulwa.

Luka 15:10

Ntoomulwiita ayi akwiculu bweenka ubo, baanjelo bakwe Lesa balasangalala abuumbi pamucita shibi womwi uyo usanduka kuswa kushibiibi.”

Luka 2:12

Ono nceeci citondesho, mutooya mucane kateta upeteleshetwe mushisani alimwi ulilete mulinkubala mulita ŋombe.”

Luka 2:14

“Bulemu kuli Lesa kwiculu lya maculu, alimwi akube luumuno panshi pali baabo boonse bamukondelesha!”

Bene Efeso 3:10

Wakalinga kusuni ayi kwiinda mucoonde, baanjelo abo beendelesha alimwi bacite nkusu mwiculu, beshibe busongo bwakwe Lesa mushintu shoonse.

1 Timoti 3:16

Ncakwiila shabushishi bwa kupaila kwesu nshinene abuumbi. Nsheeshi, Lakwe wakaboneka mubuntu, wakaambwa aMushimu Usalashi ayi ngooluleme, wakabonwa abaanjelo. Wakashimikilwa pakati ka baswamashi bakunsengwe, wakashomwa kubamucishi ca panshi coonse alimwi akutolwa kwiculu mubulemu.

Bene Ebulu 1:14

Sa te baanjelo bakwe Lesa njimyuuyabo iyo imusebensela akutumwa kubaabo mbweshi akapulushe?

1 Pita 1:12

Lesa wakayubulula kubalaluki abo ayi milimo yabo teyakalinga yakulicafwa beene, sombi mwebo. Nshebakaamba, nshesheeshi ono shakalwiitwa ndimwe kwiinda mubaabo bakamushimikila Makani Abotu. Bakacita boobo kwiinda munkusu sha Mushimu Usalashi uyo Lesa ngwaakatuma kuswa kwiculu. Ishi nsheshintu abaanjelo nshebakumbwa abuumbi kwishiba.

Ciyubululo 5:11

Kuswawaawo, ndakalangilisha alimwi, akubona baanjelo bali shuulu ashuulu shitabelengwi. Bakalinga kushingulukite cuuna ca bwaami, shilengwa shuumi shili shone alimwi abamaloba abo.