Luka 2:10 - Baibo Busansulushi Bwa Libuku Ili

¹⁰ Munjelo wakabaambila ayi, “Mutaloondi mukwiinga ndaleta makani abotu eshi akasangalashe bantu boonse.

Luka 2:10 ပူးပေါင်းရင်းမြစ်များ

Matalikilo 12:3

“Ndaakupa coolwe boonse abo bakupa coolwe, sombi ndaakushinganya boonse bakushinganya. Alimwi kwiinda muli ndiwe ndaakupa coolwe mishobo yoonse.”

Isaya 40:9

Mwebo nomuleta makani abotu muSiyoni, amutante peculu lya kalundu kalaamfu. Mwebo nomuleta makani abotu muJelusalemu, amwaambe cakoolobesha. Amoolobeshe, mutaloondi. Amulwiite ba mumandabala a Juda ayi, “Lesa wanu ngooyu!”

Isaya 41:27

Sombi nebo neMwaami Lesa ndime mutaanshi kulwiita bene Siyoni cikani ico. Ndakatuma shinkombe mukulwiita bene Jelusalemu ayi, ‘Bantu bene mishaanu bali munshila! Ee, batooboola uko kumishaabo!’

Isaya 49:6

Paceebo ceeco wakaŋambila ayi, “Ndicite mulimo unene ngoonsuni ayi webo ucite omusebenshi wangu. Teshi ukeelebo mukuboosha bulemu kubene Isilaeli abo bakacaalaawo. Sombi ndaakukubika ayi ube mumuni kubaswamashi bakunsengwe kwaamba ayi bantu boonse bakapulushikwe kwiinda muli ndiwe.”

Isaya 52:10

Mwaami Lesa ulaakusebensesha nkusu shakwe shisalalite pakupulusha bantu bakwe. Bantu boonse pacishi ca panshi balaakushibona.

Isaya 52:7

Cilabotelesha abuumbi kubona shinkombe keesa kucilingana tulundu, ee, shinkombe utooleta makani abotu, makani a luumuno. Ulaambilisha kukoma akwaambila bene Siyoni ayi, “Lesa wanu ncakwiila ngomwaami!”

Isaya 61:1

Mushimu wa Mwaami Lesa Shinkusu shoonse uli pali ndime, mukwiinga wansala kwaamba ayi nshimikile makani abotu kubakandu. Wantuma kwaamba ayi njumyeyumye batyongooka mumyoyo akwaambilisha lwaanguluko kubaabo baangitwe, akucita kwaamba ayi boofu balashe.

Danyelo 10:19

Kuswawaawo wakaŋambila ayi, “Cileke kuloonda. Webo ulalemekwa abuumbi pameenso akwe Lesa. Aboobo utalisukami nabi kuloonda cintu cili coonse.” Ndyaakaamba boobo ndakeendaawo kuyuma akwaamba ayi, “Nkambo amundwiitebo nshemweelete kwaamba ceebo mwanengesha kuba ankusu.”

Sekaliya 9:9

Amusangalale, amusangalale mwebo nobene Siyoni! Amoolobeshe cakusangalala mwebo nobene Jelusalemu! Amubone mwaami wanu utoosa kuli ndimwe cakulibombya, ee, ulitantite pambongolo, ncakwiila pamwanaambongolo.

Mateyo 14:27

Sombi paciindi ceenka ico Jesu wakabaambila ayi, “Amukalike myoyo! Mutaloondi, ndime.”

Mateyo 28:18

Lyalo Jesu wakasena pafwaafwi akubaambila ayi, “Ndapeekwa nkusu shoonse kwiculu alimwi apacishi ca panshi.

Mateyo 28:5

Mpomunyaawo munjelo wakaambila banakashi balya ayi, “Mutaloondi! Ndishi kwaamba ayi mutoolangoola Jesu uyo ngobakapopa pamucilingano.

Maako 1:15

Wakaamba ayi, “Ciindi ceelete cashikila. Bweene bwakwe Lesa buli pafwaafwi. Amusanduke kuswa kushibiibi shanu, mushome Makani Abotu!”

Maako 16:15

Lyalo wakabaambila ayi, “Kamuya mucishi coonse, mukashimikile Makani Abotu kubantu boonse.

Luka 1:13

Sombi munjelo uyo wakamwaambila ayi, “Utaloondi Sekaliya, Lesa wanyumfwa kupaila kwako, aboobo mukaako Lisabeti ulaakushala mwaana musankwa uyo ngweshi ukatumbe ayi Joni.

Luka 1:19

Munjelo uyo wakakumbula ayi, “Nebo ndime Gabuliyelo wiimikana pameenso akwe Lesa. Lakwe ngowantuma ayi nse nkulwiite makani abotu aya.

Luka 1:30

Mpomunyaawo munjelo wakamwaambila ayi, “Utaloondi Maliya, mukwiinga Lesa wakubeta luse.

Luka 2:11

Sunu mundabala yakwe Defedi mwashalwa Mupulushi wanu uyo ngoKlistu Mwaami.

Luka 24:47

Cililembetwe alimwi ayi muliina lyakwe Makani Abotu ashimikilwe kubantu ba mishobo yoonse, kutalikila kuJelusalemu kwaamba ayi basanduke kuswa kushibiibi shabo, Lesa ndyeshi abalekelele.

Luka 8:1

Kuswawaawo Jesu wakeenda mumandabala amumishi, kaaya cishimikila Makani Abotu a Bweene bwakwe Lesa. Wakalinga abashikwiiya bali likumi abobilo

Milimo ya Batumwi 13:32

Aboobo swebo twesa mukumushimikila Makani Abotu akwaamba ayi ico Lesa ncaakashomesha kubamashali bakulukulu ba baJuda,

Bene Loma 10:15

Inga bashimikila buyani na Lesa wabula kubatuma. Bweenka bwaamba Malembo akwe Lesa ayi, “Cilabota abuumbi na besa beshikushimikila Makani Abotu.”

Bene Efeso 3:8

Nebo ndime mucaalishi kubantu bakwe Lesa, nakubi boobo wakampa mulimo uyu wakushimikila baswamashi bakunsengwe Makani Abotu abubile buunji abuumbi bwa muli Klistu.

Bene Kolose 1:23

Mulyeelete kukalika myoyo akutolelela kushoma kweelana amatalikilo anu ancinencine alimwi mutaswi mukulangila uko nkomwakabaako ndimwakanyumfwa Makani Abotu. Lesa wakampa nebo nePaulo mulimo wakushimikila Makani Abotu aya, ayo ashimikilwa bantu boonse mucishi ca panshi.