Luka 2:1 - Baibo Busansulushi Bwa Libuku Ili

¹ Munshiku isho Sisa Agasitasi, muleli munene wa kuLoma, wakabika mulawo wakwaamba ayi bantu boonse bali mubuleelo bwa Loma balembwe.

Luka 2:1 ပူးပေါင်းရင်းမြစ်များ

Esita 10:1

Mpeeke mwaami Sakisesi wakalengesha bantu boonse bekala mubwaami bwakwe ayi batalike kulipila misonko, nkokwaamba ayi abo bekala mumisena ili kweela lweenge alimwi abekala mukati mucishi.

Mateyo 22:17

Amutulwiite mbomuyeeya mwebo. Sa Milawo ilatusuminisha kupa musonko kuli Sisa, muleli munene wa kuLoma, nabi tau?”

Mateyo 24:14

Lyalo Makani Abotu aya aamba shaBweene bwa kwiculu, alaakushimikilwa mucishi coonse kwaamba ayi akabe mbobukamboni kubantu boonse. Kuswawaawo, cishi ndyeshi cikamaane.

Maako 14:9

Ntoomulwiita calushinisho ayi kuli koonse bantu nkweshi bakanooshimika Makani Abotu mucishi coonse ca panshi, balaakunokwaamba acikani ici cacita mwanakashi uyu mukumwiibaluka.”

Maako 16:15

Lyalo wakabaambila ayi, “Kamuya mucishi coonse, mukashimikile Makani Abotu kubantu boonse.

Luka 2:3

Boonse bakaya mukulembesha umwi aumwi kumishaabo nkwaakashalilwa.

Luka 2:5

Wakaya pantu pomwi aMaliya uyo ngwaakalinga kumamikite kwaamba ayi baye bakalembwe, ciindi ici Maliya wakalinga kumitite.

Luka 3:1

Wakalinga mwaaka wa likumi ayosanwe Tibelyasi kaali Sisa, muleli munene wa kuLoma, Pontyasi Pilato paciindi ici wakalinga ngomuleli wa cishi ca Judeya. Elodi wakalinga ngomuleli wa cishi ca Galili alakwe Filipo, mukwabo Elodi, wakalinga kweendelesha cishi ca Ituliya aTilakonitisi. Lisaniya wakalinga ngomuleli wa cishi ca Abilini.

Milimo ya Batumwi 11:28

Lyalo umwi mulikoto lyabo wiitwa ayi Agabasi, wakeemikana akulaluka kwiinda munkusu sha Mushimu Usalashi ayi kulaakuba nsala inene mucishi coonse. (Ici cakacitika Kulodyasi ndyaakalinga Sisa muleli munene wa kuLoma.)

Milimo ya Batumwi 25:11

Ono na kuli ncendakacita citasuminishikwi muMilawo, nceenga calengesha ayi mpingulwe kucaikwa, nshintookaka kucaikwa. Sombi na ishi nshebatokwaamba ayi ndakacita teshi shalushinisho, taaku muntu weenga wantola mumaansaabo. Ntoosenga ayi Sisa muleli munene wa kuLoma akoomboloshe mulandu wangu.”

Milimo ya Batumwi 25:21

Sombi Paulo wakasenga ayi bashilumamba banoomulindilila alimwi ayi Sisa muleli munene wa kuLoma akamoomboloshe. Aboobo ndakaambila bashilumamba ayi banoomulindilila kushikila akatolwe kumuleli munene.”

Bene Loma 1:8

Ntootaanguna kulumba Lesa kwiinda muli Jesu Klistu ceebo ca ndimwe noonse mukwiinga bantu mucishi coonse batoonyumfwa kwaamba ayi mulashoma muli Jesu Klistu.

Bene Filipi 4:22

Bantu bakwe Lesa boonse kuno bamwaansha, bunene bunene abo basebensa kuŋanda ya Muleli munene wa kuLoma.