Luka 19:10 - Baibo Busansulushi Bwa Libuku Ili

¹⁰ Ceebo MwanaaMuntu wakesa mukuyandoola akupulusha basowekete.”

Luka 19:10 ပူးပေါင်းရင်းမြစ်များ

Esekelo 34:12

Bweenka mbuli mweembeshi mbwaalangoola mbelele shakwe na shapalangana, mbweeke ubo anebo mbweshi nkalangoole mbelele shangu. Ndaakushifuna kuswa mumisena yoonse moshakalinga shapalanganina bushiku buyoosha bwa munshinshe ushiya mbi.

Esekelo 34:16

“ ‘Ndaakuyandoola shisowekete akuboosha shakaswa mulitanga. Ndakwaanga shilonda sha sheesho shakalicisa, kuyumya shilefukite, sombi shiinite ashicite nkusu ndaakushinyonyoola. Ndakweembela mbelele shangu cabululami.

Mateyo 1:21

Ulaakushala mwaana musankwa, ukamutuumbe liina ayi Jesu, mukwiinga ngweshi akapulushe bantu bakwe kuswa kushibiibi shabo.”

Mateyo 10:6

Sombi mulyeelete kuya kubene Isilaeli bali anga nimbelele shisowekete.

Mateyo 15:24

Mpomunyaawo Jesu wakakumbula ayi, “Ndakatumwabo kumbelele shisowekete sha mushobo wa bene Isilaeli.”

Mateyo 18:10

“Amucenjele ayi mutanyanshi nabi womwi wa baaba baana baniini. Ceebo ntoomulwiita ayi baanjelo baabo nkobali lyoonse kuli baTa bali kwiculu. [

Mateyo 18:11

Ceebo MwanaaMuntu wakesa mukupulusha basowekete.]

Luka 15:32

Sombi tulyeelete kusekelela akusangalala mukwiinga mwanike wako wakalinga kufwite, ono waba muumi, wakalinga kusowekete, ono wacanika.’ ”

Luka 15:8

“Nabi na twaambe ayi walutundu umwi kaacite maali asilifa ali likumi, sombi lyomwi lyasoweka, ulacita buyani? Sa te ulamunika lilampi akupyanga ŋanda yakwe akulangoola kabotu moonse kushikila walicana?

Joni 3:17

Lesa taakwe kutuma Mwanaakwe mucishi kwaamba ayi oomboloshe bantu, sombi ayi bapulushikwe kwiinda muli nguwe.

Bene Loma 5:6

Katutacite nkusu, Jesu wakatufwita swebo sobamucita shibi paciindi Lesa mwiine ncaakasala.

Bene Ebulu 7:25

Nceceeco bulya anshiiku shoonse, ulakonsha kupulushisha baabo besa kuli Lesa kwiinda muli nguwe mukwiinga ngumuumi lyoonse kwaamba ayi anoobasengelaako kuli Lesa.