Luka 18:9 - Baibo Busansulushi Bwa Libuku Ili

⁹ Lyalo Jesu wakaamba cikoshanyo cimwi kubaabo bakalinga kuyeeya ayi baliluleme kwiinda bamwi boonse.

Luka 18:9 ပူးပေါင်းရင်းမြစ်များ

Tushimpi 30:12

“Kuli bantu balibona ayi balisalalite, sombi tabasalaliteewo, napaceyi.

Isaya 65:5

Kuswawaawo balaambila bamwi ayi, ‘Kamusoonoka, mutaseni pafwaafwi anebo mukwiinga ndisalalite abuumbi cakwaamba ayi mwebo tamukonshi kuncata!’ Bantu bamushobo uyo bancimabo anga mbwiishi bwenjila mumashono. Bukali bwangu pali mbabo bulibo anga ngumulilo utashimiki.

Isaya 66:5

Ono amukutike maswi a Mwaami Lesa mwebo nomulemeka maswi akwe ayo. Waamba ayi, “Bamakwabanu abo bamupatite ceebo cakushomeka kuli ndime, baamba ayi, ‘Mwaami Lesa wabo aatondeshe nkusu shakwe kwaamba ayi tumuboone kamusangalala.’ Ono balo beenka abo balaakulenshekwa nsoni.

Bene Lefi 13:32

Mpomunyaawo mupailishi ulaakubona cilonda ico alimwi pabushiku bwasanu ashobilo. Ono na wacana ayi tacina kwiindaawo alimwi taamu booya bwacibobo, akutenjila bunene kwiindilila cikanda,

Luka 10:29

Sombi mufundishi uyo wakalinga kusuni kulitandya nsoni, lyalo wakeepusha Jesu ayi, “Ino mubyanji ngani?”

Luka 15:2

Mpomunyaawo baFalisi abafundishi ba Milawo bakatalika kutongooka akwaamba ayi, “Uyu muntu ulatambula buyani bantu batakonkeli Milawo yakwe Mose akulyaabo?”

Luka 16:15

Sombi Jesu wakabaambila ayi, “Mwebo mulalibonekesha kubantu ayi muliluleme, nakubi boobo Lesa ulishi myoyo yanu. Mukwiinga cintu coonse bantu ncibaamba ayi ncibotu abuumbi, kuli Lesa taaku ambocibete.

Luka 18:11

“Mpomunyaawo muFalisi wakanyamuka akupaila ayi, ‘Ndamulumba nobaLesa ceebo nshibete mbuli bamwi bantu boonse bapambi, bataluleme nabi beshibulale alimwi ndalumba ceebo nshibete mbuli musonkeshi uyu.

Luka 19:7

Lyalo bantu boonse bakabona cikani ici bakatalika kutongooka akwaamba ayi, “Amubone muntu uyu waya mukushikila kuŋanda ya mucita shibi.”

Luka 7:39

Lyalo muFalisi ulya wakeeta Jesu ndyaakabona bobulya, wakalyaamboosha ayi, “Muntu uyu naalinga mulaluki wancinencine naashiba mbwaabete mwanakashi uyu utoomucata mukwiinga ngumucita shibi.”

Joni 8:48

Mpomunyaawo baJuda bakamwiipusha ayi, “Sa tatukwe kwaamba calushinisho nditwalinga twaamba ayi uli mwine Samaliya alimwi ayi ulicite shikaswa?”

Joni 9:28

Mpomunyaawo bakamutukana akwaamba ayi, “Webo ndiwe shikwiiya wakwe, sombi swebo tuli bashikwiiya bakwe Mose.

Joni 9:34

Lyalo bakamukumbula ayi, “Webo wakashalwa akukula mushibiibi, ino inga watwiishanshi?” Mpomunyaawo bakamutanda mucoonde.

Milimo ya Batumwi 22:21

Ono Mwaami wakandwiita ayi, ‘Koyabo mukwiinga ndaakukutuma kulaale, kubaswamashi bakunsengwe.’ ”

Bene Loma 10:3

Tabeshi nshila iyo Lesa njaalulamikilamo bantu pameenso akwe. Bakeelesha kupanga nshila yabo beene. Paceebo ceeco tabakwe kusumina nshila yakwe Lesa iyo njaalulamikilamo bantu.

Bene Loma 14:10

Takweelete kuba nabi womwi ushi kubona muKlistunyina ayi utoobisha alimwi takweelete kuba nabi womwi ushi kusebaanya muKlistunyina mukwiinga soonse nguLesa eshi akatoomboloshe.

Bene Loma 14:3

Muntu uyo ulya cili coonse atasebaanyi muntu ulyabo bucisa, alakwe ulyabo bucisa, ataboni wooyo ulya cili coonse ayi utoobisha mukwiinga Lesa wakamutambula.

Bene Loma 7:9

Kaantana kwishiba bwaamba Milawo ndakalinga muumi, sombi ndindakeshiba shaMilawo kuyandishisha kubisha kwakakomena, kweelana ambocibete ndakafwa.