Luka 18:43 - Baibo Busansulushi Bwa Libuku Ili

⁴³ Paciindi ceenka ico wakatalika kubona, lyalo wakakonkela Jesu kaaya cilumbaisha Lesa. Bantu boonse ndibakabona mbocakacitika abalo bakalumbaisha Lesa.

Luka 18:43 ပူးပေါင်းရင်းမြစ်များ

Kulumbaisha 107:15

Abalumbe Mwaami Lesa ceebo ca lusuno lwakwe lutamaani, kumulumba ceebo shintu shikankamika nshaakabacitila.

Kulumbaisha 107:8

Abalumbe Mwaami Lesa ceebo ca lusuno lwakwe lutamaani, kumulumba ceebo shintu shikankamika nshaakabacitila.

Kulumbaisha 146:8

Ulalengesha boofu mumushimu kubonesha, uloolola bantu basendeme mumushimu, alimwi nguMwaami Lesa usuni baluleme.

Kulumbaisha 30:2

NoBaami baLesa, baLesa bangu ndakamulilila ayi muncaafwe, ncakwiila mwebo mwakanshilika.

Isaya 35:5

Lyalo boofu balaakubona abalo bashinkite matwi balaakunyumfwa.

Isaya 42:16

“Ndaakutanjilila boofu munshila nshebatana kwiindaawo. Ndaakusandula munshinshe wabo kuba mumuni akubeelanishisha misena ya mankununkunu kunembo lyabo. Anu ishi nsheshintu nsheshi nkacite, teshi nkabalekelesheewo, sobwe.

Isaya 43:21

Bantu abo ndakabalenga nemwiine amaansaangu kwaamba ayi bakanookwaambilisha bulemu bwangu.”

Mateyo 11:5

boofu batoolasha, balema myeendo batokweenda, beshimanata batooba kabotu, bashinkite matwi batoonyumfwa, bafu batoobushikwa alimwi bakandu batooshimikilwa Makani Abotu.

Mateyo 21:14

Mpomunyaawo boofu abalema myeendo, bakesa kuli Jesu muŋanda yakwe Lesa, mpeeke wakabashilika.

Mateyo 9:8

Ono bantu boonse ndibakabona cakacitika, bakakankamana abuumbi akutalika kulumba Lesa wakapa bulemu ankusu sha mushobo uyu.

Luka 13:17

Jesu ndyaakaamba boobo balwani bakwe bakanyumfwa nsoni, sombi bantu boonse kabasangalete pashintu shoonse shibotu shikankamika nshaakacita.

Luka 19:37

Ndyaakashika pafwaafwi akuJelusalemu kunkunamo ya Kalundu ka Olifi, likoto lyoonse lya bantu bakalinga kukonkela kwiisha kwakwe Jesu, lyakasangalala akutalika kulumbaisha Lesa amaswi a peculu ceebo ca milimo ya nkusu sha kwiculu njebakabona.

Luka 4:39

Mpomunyaawo wakaya weemikana kulubasu lwa bulo akwaambila cimpwita ayi ciswe. Ciindi ceenka ico cimpwita cakamana. Bapongoshi abo bakabuka akutalika kutabataba akubapa shakulya.

Luka 5:26

Bantu boonse bakakankamana abuumbi alimwi bakaloonda. Lyalo bakatalika kulumbaisha Lesa akwaamba ayi, “Ici ncetwabona sunu, tatuna kucibonaawo.”

Luka 9:43

Bantu boonse bakakankamana ndibakabona nkusu shinene shakwe Lesa shakushilika. Mpeeke bantu ndibakalinga kucikankamana shintu isho nshaakacita, Jesu wakaambila bashikwiiya bakwe ayi,

Milimo ya Batumwi 11:18

Ono ndibakanyumfwa makani aya, bakacileka kumutongooka. Mpeeke bakatalika kulumbaisha Lesa, kabaamba ayi, “Anu Lesa wapa abaswamashi bakunsengwe coolwe cakusanduka kuswa kushibiibi shabo kwaamba ayi babe abuumi!”

Milimo ya Batumwi 26:18

Ukabacalule meenso kwaamba ayi babone, ukabakushe mumunshinshe kwaamba ayi benjile mumumuni alimwi akubakusha munkusu shakwe Satana ukabenjishe munkusu shakwe Lesa. Kwiinda mulushomo lwabo muli ndime, Lesa ulaakubalekelela shibiibi shabo akuba amusena pakati ka bantu bakwe Lesa basalitwe.’

Milimo ya Batumwi 4:21

Boomboloshi bakabooshaawo kubakonkomesha akubakonga ayi batakabooshiiwo, mpeeke bakabaleka. Tabakwe kubacanina mulandu ceebo bantu boonse bakalinga kulumbaishabo Lesa pacikani cakacitika.

Bene Galatiya 1:24

Mpomunyaawo bakalumbaisha Lesa ceebo ca ndime.

1 Pita 2:9

Sombi mwebo muli bantu basalitwe, bapailishi ba bwaami, mushobo usalalite alimwi bantu bakwe Lesa. Wakamusala kwaamba ayi mukashimikile shamicito yankusu ya wooyo wakamwiita kuswa kumunshinshe akumwinjisha mumumuni wakwe ukankamika.