Luka 18:39 - Baibo Busansulushi Bwa Libuku Ili

³⁹ Abo bakalinga kunembo bakamukalalila akumwaambila ayi aumune. Sombi lakwe wakeendilishaawo koolobesha ayi, “NoBana babo baDefedi, amunyumfwileko nkumbu!”

Luka 18:39 ပူးပေါင်းရင်းမြစ်များ

Kulumbaisha 141:1

NoBaami baLesa ntoomulilila, amufwambaane kuncafwa. Amunyumfwe liswi lyangu ndyentoomulila.

Mateyo 7:7

“Amusenge mulaakupekwa, amulangoole mulaakucana alimwi mukonkoonshe mulaakucalwitwa.

Mateyo 8:26

Jesu wakabaambila ayi, “Anu mutooloondanshi? Kuceya lushomo ndomucite mwebo nobantu!” Mpomunyaawo wakabuka akukalalila cipuupu amaaba ayi shuumune. Mpeeke kwakaboolabo tontolo.

Mateyo 9:27

Jesu ndyaakaswaako uko, basankwa boofu bobilo bakamukonkela, kaboolobesha ayi, “NoBana babo baDefedi, amutunyumfwileko nkumbu!”

Luka 11:52

“Mapensho kuli ndimwe nobafundishi ba Milawo! Mwabwesa cakucalwisha kumulyango wa lushibo lwa lupulusho. Ceebo tamukwe kwinjila, aboobo mwakasha baabo balinga kuyanda kwinjila.”

Luka 18:1

Mpomunyaawo Jesu wakalwiita bashikwiiya bakwe cikoshanyo, cakubeeisha ayi balyeelete kupaila lyoonse cakutatyongola.

Luka 18:15

Bantu bamwi bakaleta baana baniini kuli Jesu ayi abacaate amaansaakwe kwaamba ayi abape coolwe. Bashikwiiya bakwe ndibakabona boobo bakakalalila bantu abo.

Luka 18:38

Mpomunyaawo wakoolobesha ayi, “BaJesu nobana babo baDefedi, amunyumfwileko nkumbu!”

Luka 18:40

Mpeeke Jesu wakeemikana akwaambila bantu ayi bamulete kuli nguwe. Ndyaakashika pafwaafwi Jesu wakamwiipusha ayi,

Luka 19:39

Mpomunyaawo baFalisi bamwi bakalinga mulikoto bakaambila Jesu ayi, “NoBafundishi, amwaambile bashikwiiya banu boomune!”

Luka 8:49

Jesu kaacaamba kwakesa muntu kuswa kuŋanda ya mutanjilili wa coonde ca baJuda akwaambila mutanjilili ayi, “Mwanaanu wafwa kale, mutapenshibo Bafundishi.”

2 Bene Kolinto 12:8

Ndakapaila kuli Lesa mankanda otatwe kwaamba ayi cintu ici acikusheemo.