Luka 18:3 - Baibo Busansulushi Bwa Libuku Ili

³ Kwakalinga amukalubinje mwanakashi mundabala yeenka iyo wakalinga kuya kumoomboloshi lyoonse lyoonse mukusenga ayi, ‘Amumanishileko mulandu uyu ngooncite ashimulanduma!’

Luka 18:3 ပူးပေါင်းရင်းမြစ်များ

Jobo 22:9

Wakalinga kukaka kucafwa bamukalubinje alimwi wakalinga kupensha bana banshiwa.

Jobo 29:13

Ndakalinga kulumbaishikwa kubantu bali pafwaafwi kufwa. Ndakalinga kucafwa abamukalubinje ayi banookala kabasangalete.

Isaya 1:17

Amutalike kucita shibotu. Amusune kucita shiluleme. Ee, amuyumye balyatililwa. Kamufuninina batacite bamashali akwiimikanina bamukalubinje.”

Jelemiya 5:28

Baliinite alimwi balalya kabotu. Kubisha kwabo takumaniiwo. Taboomboloshi milandu ya banabanshiwa mbuli mboyeelete. Bakandu tababafuniiko mumakani abo.

Mateyo 5:25

“Ulyeelete kufwambaana kunyumfwana ashimilandunyoko kamuciya kunkuta. Mukwiinga inga waakukutola mumaansa amoomboloshi, alakwe moomboloshi wakutola mumaansa amushilikaani, lakwe inga waakukubika muntolongo.

Luka 18:2

Wakaamba ayi, “Kwakalinga moomboloshi mundabala imwi watakalinga kuloonda Lesa nabi kulemeka muntu.

Luka 18:4

Nshiku shakafulabo moomboloshi uyo kaakaka, sombi pesule wakalyaamboosha mwiine ayi, ‘Nakubi kwaamba ayi nshiloondi Lesa nabi kulemeka muntu,

Luka 18:5

ceebo cakwaamba ayi mukalubinje uyu walema kunjobekela, ntoomoomboloshesha mulandu wakwe. Mukwiinga inga wampensha kunoosa mbwaatalikila!’ ”

Dutolonomi 27:19

“ ‘Aashinganishikwe muntu uli woonse uyo unyengelela baswamashi, bana banshiwa alimwi abamukalubinje banakashi.’ “Mpeeke bantu boonse balaakwaamba ayi, ‘Ameni!’