Luka 18:19 - Baibo Busansulushi Bwa Libuku Ili

¹⁹ Jesu wakamwiipusha ayi, “Ino ceebonshi waamba ayi ndi kabotu? Taaku muntu uli kabotu, sombibo Lesa eenka.

Luka 18:19 ပူးပေါင်းရင်းမြစ်များ

Jobo 14:4

Anu ngani ukonsha kukusha cintu cisalalite kuswa mucintu citasalalite? Ncakwiila taaku nabi womwi weenga wacita boobo.

Jobo 25:4

Ino muntu inga walulama buyani pameenso akwe Lesa? Anu muntu wakashalwa kumwanakashi inga wabula buyani kampenda?

Luka 1:35

Munjelo wakakumbula ayi, “Mushimu Usalashi ulaakwisa pali ndiwe ankusu shakwe Lesa wiindaawo shilaakukufwekelela. Aboobo mwaana usalalite eshi akashalwe, ulaakunokwiitwa ayi Mwanaakwe Lesa.

Luka 11:13

Ono na mwebo, nobantu nobeshishibi, kamwishi kupa bana banu shipo shibotu, ino lakwe Ishiwanu wa kwiculu inga waalilwa buyani kupa Mushimu Usalashi kubaabo bamusenga?”

Luka 18:18

Mutanjilili wa baJuda umwi wakeepusha Jesu ayi, “NoBafundishi babotu, ino ndyeelete kucita buyani kwaamba ayi nkabe abuumi butamaani?”

Luka 18:20

Yalo milawo uliishi yaamba ayi, ‘Utaciti bulale, utacaayi, uteepi, utapi bukamboni bwakubeca, lemeka baiso abanyoko.’ ”

1 Timoti 3:16

Ncakwiila shabushishi bwa kupaila kwesu nshinene abuumbi. Nsheeshi, Lakwe wakaboneka mubuntu, wakaambwa aMushimu Usalashi ayi ngooluleme, wakabonwa abaanjelo. Wakashimikilwa pakati ka baswamashi bakunsengwe, wakashomwa kubamucishi ca panshi coonse alimwi akutolwa kwiculu mubulemu.

Bene Ebulu 7:26

Jesu anu ngoMupailishi Munene utucafwa munshila shoonse shiyandika. Ulisalalite alimwi taacite kampenda nabi bubi muli nguwe. Wakapusanishikwa abamucita shibi alimwi wakasumpulwa kwiinda shoonse sha kwiculu.

Jemusi 1:17

Shipo shoonse shibotu shitacite kampenda shilaswabo kwiculu kuli Lesa Mulengi wa mimuni yoonse ili mwiculu. NguLesa utapilooki mbuli shimfule shilongalonga.