Luka 18:14 - Baibo Busansulushi Bwa Libuku Ili

¹⁴ Ntoomulwiita ayi musonkeshi wakaboola kumishaabo kaaluleme pameenso akwe Lesa kuteshi muFalisi. Mukwiinga uyo woonse ulisumpula, ulaakuceeshekwa. Awooyo uliceesha, ulaakusumpulwa.”

Luka 18:14 ပူးပေါင်းရင်းမြစ်များ

Jobo 22:29

Lesa ulabombya balisumpula alimwi akupulusha balibombya.

Jobo 25:4

Ino muntu inga walulama buyani pameenso akwe Lesa? Anu muntu wakashalwa kumwanakashi inga wabula buyani kampenda?

Jobo 9:20

Nabi kaantacite mulandu, maswi angu alo alanyumfwika kuba a bubeshi. Nabi kaantacite kampenda lakwe ulancanina kampenda.

Kulumbaisha 138:6

NoBaami baLesa, nakubi kwaamba ayi muli kwiculu mulalama baliceesha alimwi beshikulisumpula mulabona shintu shoonse nshebacita.

Kulumbaisha 143:2

Mutaŋomboloshi nemusebenshi wanu ceebo taaku muntu muumi ululeme pameenso anu.

Kulonga 18:11

Ono ndeshiiba ayi Mwaami Lesa ulicite nkusu kwiinda pabalesa boonse, mukwiinga wakacita boobo ciindi bene Ijipiti ndibakalinga kubona bene Isilaeli ayi taaku mbobabete.”

Tushimpi 15:33

Kuloonda Mwaami Lesa nkokwiisha muntu kuba musongo. Ulyeelete kutaanguna kulibombya ingaawo ukalemekwe.

Tushimpi 18:12

Muntu na kaatana kuwa ulalisumpula, sombi muntu ulapekwabo bulemu na waliceyesha.

Tushimpi 25:7

Ncibotu mwiine kukulwiita ayi, “Inda use ukalile kokuno,” kwiinda kwaamba ayi akulenshe nsoni pameenso a wacinenenene. Nshewabona ameenso ako

Tushimpi 29:23

Kulisumpula kulalengesha muntu kuwa, sombi kulibombya kulaleta bulemu.

Tushimpi 3:34

Ncakwiila ulaweluluka bantu balisumpula, sombi ulapa luse kubaabo baliceesha.

Shikushimikila 9:7

Kolya shakulya shako akusangalala, konwa waini wako amoyo wakusangalala mukwiinga cino nceciindi Lesa ndyaakondwa amicito yako.

Isaya 45:25

Balo bamulunyungu lwakwe Jakobo, nebo neMwaami Lesa ndaakubalulamika alimwi balaakunoonumbaisha.

Isaya 53:11

Pesule lyakumana kupenga kwakwe uko, mpindu ya buumi ulaakwiibona akukondwa. Musebenshi wangu uyo ulaakulengesha baanji kululama kwiinda mulushibo ndwaacite alimwi ulaakubwesa shibiibi shabo.

Isaya 57:15

Usumpukite Lesa wakwiculu uyo, Lesa walyoonse alyoonse ucite liina lisalalite waamba ayi, “Nebo ndekala kwiculu kumusena usalalite, sombi ndekala abaabo balibombya alimwi basanduka kuswa kushibiibi shabo kwaamba ayi mbabooshelemo lushomo lwabo akulangila.

Isaya 66:2

Sa teshi ndime ndakalenga shintu shoonse ishi? Ncakwiila ndime ndakalengesha ayi shibeeko.” Mwaami Lesa waamba. “Ono muntu unkonda ngooyu: muntu ulibombya, ulisenda na walubisha alimwi uloonda maswi angu.

Danyelo 4:37

“Paceebo ceeco nebo neNebukadinesa ndalumbaisha akulemeka Mwaami wa Kwiculu mukwiinga shoonse nshaacita nshibotu alimwi nshila shakwe shoonse shililuleme. Lakwe ulakonsha kubombya baabo balisumpula.”

Abakuku 2:4

Maswi ngaaya: ‘Uyo eshi akalisumpule ulaakucaikwa. Sombi uyo ululamikwa ceebo cakushoma, ulaakuba abuumi.’ ”

Mateyo 23:12

Uyo woonse ulisumpula, Lesa ulaakumuceesha alimwi uyo woonse uliceesha, Lesa ulaakumusumpula.

Mateyo 5:3

“Balicite coolwe abo bakandu mumushimu mukwiinga Bweene bwa kwiculu mbwabo.

Luka 1:52

Wakusha baami beshinkusu shiinji pashuuna sha bwaami, akusumpula baabo baliceesha.

Luka 10:29

Sombi mufundishi uyo wakalinga kusuni kulitandya nsoni, lyalo wakeepusha Jesu ayi, “Ino mubyanji ngani?”

Luka 14:11

Mukwiinga uyo woonse ulisumpula ulaakuceeshekwa, sombi uyo woonse uliceesha ulaakusumpulwa.”

Luka 16:15

Sombi Jesu wakabaambila ayi, “Mwebo mulalibonekesha kubantu ayi muliluleme, nakubi boobo Lesa ulishi myoyo yanu. Mukwiinga cintu coonse bantu ncibaamba ayi ncibotu abuumbi, kuli Lesa taaku ambocibete.

Bene Loma 3:20

Ceebo taaku muntu ululamikwa pameenso akwe Lesa kwiinda mukucita bwaamba Milawo. Sombi Milawo ilalengeshabo bantu kwishiba ayi babisha.

Bene Loma 4:5

Ono muntu ushomabo muli Lesa ululamika bamucita shibi, kutashoma milimo yakwe ibotu, Lesa ulamubona ayi uliluleme kwiinda mulushomo lwakwe.

Bene Loma 5:1

Ono mukwiinga Lesa watululamika ceebo ca lushomo lwesu, pali luumuno pakati kakwe Lesa aswebo kwiinda muMwaami wesu Jesu Klistu.

Bene Loma 8:33

Anu ngani weenga wapa mulandu bantu aba Lesa mbwaakasala? Taaku nabi womwi mukwiinga Lesa wakaamba kale ayi baliluleme.

Bene Galatiya 2:16

Nakubi boobo swebo tulishi kwaamba ayi muntu inga taalulami pameenso akwe Lesa kwiinda mukukonkela Milawo, sombi kwiinda mukushoma muli Jesu Klistu. Aswebo twakashoma muli Jesu Klistu kwaamba ayi tululamikwe pameenso akwe Lesa, kuteshi mukukonkela Milawo. Taaku eshi akalulamikwe kwiinda mukukonkela Milawo.

Jemusi 4:10

Amuliceeshe pameenso a Mwaami Lesa, lakwe ulaakumusumpula.

Jemusi 4:6

Sombi Lesa ulatupa luse lwakushikoma. Nceceeco Malembo ncaambila ayi, “Lesa ulakaka bantu balisumpula sombi ulapa luse kubaabo baliceesha.”

1 Samwelo 1:18

Alakwe wakakumbula ayi, “Amube ankuumbu lyoonse pali ndime.” Lyalo wakaya walya alimwi abuumba bwakamana.