Luka 17:2 - Baibo Busansulushi Bwa Libuku Ili

² Inga cabota kwaamba ayi uyo muntu aangwe libwe linene lyakupelelaawo munshingo akumuwaala mulweenge, kwiinda kulengesha womwi wa baaba bace bace kubisha.

Luka 17:2 ပူးပေါင်းရင်းမြစ်များ

Isaya 40:11

Ulaakunoolama litanga lyakwe lya mbelele anga ngumweembeshi. Ulafukatisha twana twa mbelele mumaansaakwe. Ulatunyamwita pacaamba kufwaafwi amoyo. Ashalo mbelele shine twaana uto ulashibinga cakabotu kabotu.

Sekaliya 13:7

Mwaami Lesa Shinkusu shoonse waamba ayi, “Nyamuka, webo omupeeni ulwane mweembeshi wangu! Ee, umulwaane uyo unsebensela. Umucaaye, lyalo mbelele shitoopalangana. Nebo nemwiine ntoolwana bantu bangu.

Mateyo 17:27

Ono kwaamba ayi tutabakalashi basonkeshi aba, koya kulweenge ukalobe. Inswi njeshi utaangune kuloba, wiicenamune mukanwa. Utoocanamo maali akwana musonko wangu awaako, utole uye ukasonke.”

Mateyo 18:10

“Amucenjele ayi mutanyanshi nabi womwi wa baaba baana baniini. Ceebo ntoomulwiita ayi baanjelo baabo nkobali lyoonse kuli baTa bali kwiculu. [

Mateyo 18:14

Mbweeke ubo Ishiwanu uli kwiculu taasuni kwaamba ayi, womwi wa baaba baana baniini asoweke.

Mateyo 26:24

MwanaaMuntu utooya kulufu kweelana ambokulembetwe, sombi mapensho kuli wooyo muntu utoomwaaba! Naakwiinga cakabotabo akutashalwa muntu uyu.”

Maako 9:42

“Uyo woonse weenga walengesha womwi wabaaba banike baniini bashoma muli ndime ayi abishe, inga cabota kumwaangilila libwe linene lyakupelelaawo munshingo akumuwaala mulweenge.

Joni 21:15

Ndibakamana kulya, Jesu wakeepusha Pita ayi, “Simoni omwanaakwe Joni, sa ulinsuni kwiinda mbobansuni boonse aba?” Pita wakakumbula ayi, “Ee Nkambo, mulishi kwaamba ayi ndimusuni.” Jesu wakamwaambila ayi, “Kosanina mbelele shangu shaana.”

1 Bene Kolinto 9:15

Ono nebo nshikwe kusebenseshaawo nkusu ishi alimwi nshintoolemba sheeshi kwaamba ayi ntalike kushisebensesha, sobwe. Inga cabota kufwa kwiinda kwaamba ayi umwi muntu walengesha ceeco ncendisumpwitaawo kubula mpindu.

1 Bene Kolinto 9:22

Pakati ka bantu bacite lushomo luniini ndakekala mbweeke mbuli mbabo kwaamba ayi mbalete kuli Lesa. Aboobo kubantu boonse ndakekala mbweeke mbuli mbabo kwaamba ayi na kacikonsheka bamwi Lesa abapulushe.