Luka 16:19 - Baibo Busansulushi Bwa Libuku Ili

¹⁹ “Kwakalinga musankwa mubile wakalinga kufwala shakufwala shamakwebo uyo wakalinga kulya kabotu lyoonse.

Luka 16:19 ပူးပေါင်းရင်းမြစ်များ

Esita 8:15

Lyalo Modekayi wakaswa kuŋanda ya bwaami kaafwete shakufwala sha bwaami sha mushobo wa liculu akutuba, mungaanjo wa nsalu iteshimite ifubelafubela amushini wa golodi unene. Lyalo bamundabala inene ya Susa bakasekelela cakusangalala abuumbi mumikwakwa.

Tushimpi 14:24

Bubile ncilambu ca basongo, sombi buluya bulashala buluyanyina.

Tushimpi 31:22

Ulatunga manduumba a pabulo bwakwe alimwi ulafwala insalu shamakwebo shifubelafubela.

Isaya 3:23

shilola, shakufwala sha nsalu ilasha, tutambala twa nkasaalo alimwi ashitambala shilaamfu nshebafwala kumutwi.

Esekelo 16:13

Ndushinisho wakafwala shakulibotesha sha golodi alimwi asilifa. Shakufwala shako shakalinga sha nsalu iteshimite, nsalu shuulwa maali aanji ansaalu shakatungwa shakushibotesha. Shakulya shako shakalinga shafulaulo upelekete, buuci amafuta amaolifi. Ncakwiila wakabota abuumbi cakwaamba ayi wakeelela akuba mukamwaami.

Esekelo 16:49

“ ‘Cibiibi cakacita Sodoma mukwanu mwanakashi nceeci. Lakwe abaana bakwe banakashi wakalinga kulisumpula, kucite shakulya shiinji alimwi bakalinga kunooshiite kwakubula cakulisukama, sombi taakalinga kucafwa bakandu abataaku mbobabete.

Esekelo 27:7

Insalu shakweensheshako bwaato shakalinga kuteshimite, ee, nsalu iteshimite yakatungwa shakubotesha iyo yakaswa kuIjipiti. Shakalingabo anga nimbembela yako. Shakufweka peculu pabwaato shakalinga sha mushobo wa liculu alimwi shifubelafubela isho shakaswa kuloombe lwa lweenge lwa kuElisha.

Maako 15:17

Mpomunyaawo bakamufwalika cisani cifubelafubela, bapanga mushini wa myuumfwa akuubika pamutwi wakwe.

Maako 15:20

Ndibakamana kumuseka akumuweluluka boobo, bakamufuula cisani cifubelafubela cilya akumufwalika shakufwala shakwe. Lyalo Jesu bakamutola kuya mukumupopa pamucilingano.

Luka 15:13

Kapatana kwiinda nshiku shiinji, mwanikebantu uyo wakoolisha buboni bwakwe akunyamuka lweendo kuya kucishi ca kulaale. Uko nkwaakaya, wakanyonyoola buboni bwakwe boonse mubwikaalo bubiibi.

Luka 16:1

Jesu wakaambila bashikwiiya bakwe ayi, “Kwakalinga musankwa mubile wakalinga kucite shikulama buboni. Bantu bakaluula muntu uyo ayi utoonyonyoola buboni bwakwe.

Luka 16:18

“Muntu uli woonse uleka mukaakwe akweeba umbi wacita bulale, alakwe uyo weeba mwanakashi wakalekwa wacita bulale.

Luka 16:20

Ono kwakalinga aumwi musankwa mupenshi wakalinga kwiitwa ayi Lasalo, uyo wakalinga kucite shilonda mubili woonse. Bantu bakalinga kumubika pamulyango wa ŋanda ya mubile uyo.

Ciyubululo 17:4

Mwanakashi uyu wakalinga kufwete shisani shifubelafubela alimwi ashisalalabo pyu. Wakalibotesha amakosa a golodi, mabwe amakwebo abulungu. Mulyaansa wakalinga kucite nkomeshi ya golodi umo mwakalinga kuswitebo micito ibiibi alimwi ashimwi shilensha nsoni sha bufuule bwakwe.

Ciyubululo 18:16

akwaamba ayi, “Mapensho, mapensho kundabala inene iyi! Wakalinga kufwala shakufwala shiteshimite, shifubelafubela ashisalalabo pyu. Ncakwiila wakalinga kulibotesha agolodi, mabwe amakwebo alimwi abulungu!

Ciyubululo 18:7

Mumupeenshe akumulensha nsoni abuumbi bweenka mbuli bulemu mbwaakalinga kulipa akutangala kwakwe. Mukwiinga mumoyo wakwe ulaamba ayi, ‘Nebo ndi mwaami mwanakashi, ndishiite pacuuna cangu! Nshiishi mukalubinje mwanakashi alimwi taaku bushiku mbweshi nkoongumane!’

Boomboloshi 8:26

Masikiyo a golodi ayo akalema makilogilamu ali 20 kutabikilako shakulibotesha shimwi, nshebakalinga kufwala munshingo ashisani shifubelafubela shakalinga kufwala bamaami ba kuMidyani nabi ntenshi shakalinga kufwala ngamela.