Luka 16:16 - Baibo Busansulushi Bwa Libuku Ili

¹⁶ “Milawo yakwe Mose amaswi akalemba balaluki bakulukulu akalinga kukonkelwa kushikila ciindi cakwe Joni Mubombeki. Kuswa paciindi ico Makani Abotu a Bweene bwakwe Lesa alashimikilwa, alimwi bantu baanji batokweelesha cankusu kwaamba ayi benjile muBweene ubo.

Luka 16:16 ပူးပေါင်းရင်းမြစ်များ

Mateyo 10:7

Kamuya mukashimikile ayi, ‘Bweene bwa kwiculu buli pafwaafwi.’

Mateyo 15:11

Teshi ceeco cintu cinjila mulifumo lya muntu cimubisha, sombi nceeco ciswa mukanwa.”

Mateyo 21:32

Mukwiinga Joni Mubombeki wakesa mukumutondesha nshila ya bululami, ono mwebo tamukwe kumushoma. Basonkenshi abafuule bakamushoma, sombi mwebo nabi ndimwakabona boobo, tamukwe kusanduka kuswa kushibiibi shanu akumushoma.”

Mateyo 3:2

“Amusanduke kuswa kushibiibi shanu mukwiinga Bweene bwakwe Lesa buli pafwaafwi.”

Mateyo 4:17

Kuswawaawo Jesu wakatalika kushimikila, kaamba ayi, “Amusanduke kuswa kushibiibi shanu mukwiinga Bweene bwakwe Lesa buli pafwaafwi!”

Mateyo 4:23

Jesu wakeenda mucishi coonse ca Galili kuya ciisha mushoonde sha baJuda, akushimikila Makani Abotu a Bweene bwa kwiculu alimwi akuya cishilika malwashi apusenepusene.

Maako 1:14

Joni ndibakamubika muntolongo, Jesu wakaya kuGalili kaashimikila Makani Abotu akwe Lesa.

Maako 1:45

Ono lakwe uyo wakaba kabotu wakalingooyabo cishimika kubantu boonse. Ncakwiila kwaamba kwakwe kwakalenga ayi Jesu atalike kweenda cakuyubayuba mundabala alimwi wakalinga kwikala kulaale amishi. Nakubi boobo bantu bakalinga kuya kuli nguwe kuswa kumisena ipusenepusene.

Luka 10:11

‘Nabi lusuko lwa mundabala ino ulo lwalamatila kumyeendo yesu twalupampa lukabe kamboni. Sombi mwishibe ayi Bweene bwakwe Lesa buli pafwaafwi!’

Luka 10:9

Mukashilike balwashi mundabala iyo alimwi akubaambila bantu uko ayi, ‘Bweene bwakwe Lesa bwasena pafwaafwi amwebo.’

Luka 16:29

Sombi Abulaamu wakaamba ayi, ‘Abo balicite mabuku akalemba Mose abalaluki bakulukulu bamwi. Balyeelete kukonkela shilembetweemo.’

Luka 16:31

Abulaamu wakamwaambila ayi, ‘Na tabanyumfwili Mose abalaluki bakulukulu, teshi bakanyumfwe nabi umwi wabuka kuswa kubafu.’ ”

Luka 9:2

Lyalo Jesu wakabatuma mukushimikila shaBweene bwakwe Lesa akushilika balwashi.

Joni 1:45

Lyalo Filipo wakacana Natanaelo, mpeeke wakamwaambila ayi, “Twamucana muntu uyo Mose ngwaakalemba mumabuku a Milawo alimwi abalo balaluki bakulukulu ngobakalemba mumabuku abo, nguJesu wa kuNasaleti, mwanaakwe Josefu.”

Joni 11:48

Na tumuleeke ayi atolelele bweenka bulya, bantu boonse batooshoma muli nguwe alimwi bene Loma balaakwisa mukunyonyoola Ŋanda yakwe Lesa alimwi amushobo wesu.”

Joni 12:19

Aboobo baFalisi bakatalika kulwiitana ayi, “Taaku ncetutoocita napaceyi! Amubone bantu boonse bakonkela nguwe!”

Joni 5:4

Mukwiinga ciindi cimwi munjelo wakwe Lesa wakalinga kwisa mukwinjila mulishiba akufundoola maanshi. Aboobo mulwashi uli woonse wakalinga kutaanguna kwinjila mumaanshi, wakalinga kuba kabotu kubulwashi buli boonse mbweenga kaacite.]

Milimo ya Batumwi 3:18

Sombi Lesa wakaambilabo limwi kwiinda mubalaluki bakulukulu boonse, ayi Usalitwe wakwe wakalinga kweelete kupenshekwa, aboobo shakacitika bweenka ubo.