Luka 15:8 - Baibo Busansulushi Bwa Libuku Ili

⁸ “Nabi na twaambe ayi walutundu umwi kaacite maali asilifa ali likumi, sombi lyomwi lyasoweka, ulacita buyani? Sa te ulamunika lilampi akupyanga ŋanda yakwe akulangoola kabotu moonse kushikila walicana?

Luka 15:8 ပူးပေါင်းရင်းမြစ်များ

Esekelo 34:12

Bweenka mbuli mweembeshi mbwaalangoola mbelele shakwe na shapalangana, mbweeke ubo anebo mbweshi nkalangoole mbelele shangu. Ndaakushifuna kuswa mumisena yoonse moshakalinga shapalanganina bushiku buyoosha bwa munshinshe ushiya mbi.

Mateyo 5:15

Ncakwiila na bantu bamunika lilampi tabafwekiwo nongo, sombi balalibika patuba kwaamba ayi limunikile boonse bali muŋanda.

Luka 15:7

Ntoomulwiita ayi akwalo kwiculu kulaba kusekelela bweenka ubo pamucita shibi womwi na wasanduka kuswa kushibiibi, kwiinda pabantu bali 99 baluleme batayandiki kusanduka.

Luka 15:9

Mpeeke na walicana, uleeta babye abeshimukobonyina pantu pomwi akubalwiita ayi, ‘Ndisangalete abuumbi mukwiinga lyaali lyangu lyakalinga lyasoweka ndalicana. Atusekelele!’

Luka 19:10

Ceebo MwanaaMuntu wakesa mukuyandoola akupulusha basowekete.”

Joni 10:16

Nkoshili ashimwi mbelele shiteshi sha mucimpati ici. Ndyeelete kushileta ashalo. Ncakwiila ashalo shilaakunyumfwa liswi lyangu alimwi shilaakuba litanga lyomwi amweembeshi womwi.

Joni 11:52

Ncakwiila teeshibo mushobo wabo weenka, sombi akuleta pantu pomwi bana bakwe Lesa abo bakalinga kupalangene mucishi coonse.

Milimo ya Batumwi 19:19

Abalo baŋanga baanji bakaleta mabuku abo umo mwakalinga kulembetwe bwakucita akwaatenta bantu boonse kabeebela. Ndibakasenkanya mweelo wa mabuku akatentwa, bakacana ayi ngamakumi osanwe ashuulu sha maali a silifa eetwa ayi dilakima.

Bene Efeso 2:17

Anu Klistu wakesa mukushimika Makani Abotu a luumuno kuli ndimwe nobaswamashi bakunsengwe nomwakalinga palaale aLesa, akubaJuda abo bakalinga pafwaafwi anguwe.