Luka 15:6 - Baibo Busansulushi Bwa Libuku Ili

⁶ akwiitola kuŋanda. Mpeeke uleeta babye abeshimukobonyina akubalwiita ayi, ‘Amusekelele anebo, mukwiinga mbelele yangu yakalinga yasoweka ndeecana.’

Luka 15:6 ပူးပေါင်းရင်းမြစ်များ

Kulumbaisha 119:176

Ndeengaila anga nimbelele isowekete. Amunyandoole nemusebenshi wanu, ceebo nshilubiiko milawo yanu.

Luka 1:58

Bashimukobonyina abamakwabo ndibakanyumfwa mbuli Lesa mbwaakacitila nkumbu shiinji Lisabeti bakasekelela pantu pomwi anguwe.

Luka 15:10

Ntoomulwiita ayi akwiculu bweenka ubo, baanjelo bakwe Lesa balasangalala abuumbi pamucita shibi womwi uyo usanduka kuswa kushibiibi.”

Luka 15:24

Mukwiinga mwanaangu uyu wakalinga kufwite, ono waba muumi alimwi wakalinga kusowekete, ono wacanika.’ Lyalo bakatalika kusekelela.

Luka 15:5

Lyalo na weecana ulasangalala akwiinyamuna pacifushi

Luka 15:7

Ntoomulwiita ayi akwalo kwiculu kulaba kusekelela bweenka ubo pamucita shibi womwi na wasanduka kuswa kushibiibi, kwiinda pabantu bali 99 baluleme batayandiki kusanduka.

Joni 15:14

Na kamukonkela kwiisha kwangu, nkokwaamba ayi muli babyaanji.

Joni 3:29

Uyo ucite nabwiinga ngushibwiinga. Nakubi boobo mubye shibwiinga uleemikana pafwaafwi akumukutika. Na wanyumfwa liswi lyakwe ulasangalala abuumbi. Mbweeke ubo anebo ndasangalala abuumbi.

Milimo ya Batumwi 11:23

Ono ndyaakashika akubona Lesa mbwaakapa coolwe bantu abo, wakakondwa. Wakabayuminisha ayi batolelele kushoma muMwaami Jesu amyoyo yabo yoonse.

Milimo ya Batumwi 15:3

Paceebo ceeco, coonde cakabatuma. Bakeenda muFonisha amuSamaliya kabaya bulwiita bashomi mbuli baswamashi bakunsengwe mbobakashoma muli Lesa. Makani aya akasangalasha bumbi bashomi boonse.

Bene Filipi 1:4

Mumipailo yangu yoonse njeemupaililaako, ndalumba Lesa akusangalala

Bene Filipi 2:17

Nabi na bulowa bwangu butootilwa anga ncipo ca cakunwa pantu pomwi acipo ico lushomo lwanu ncelutoobenga kuli Lesa, ndasangalala akusekelela pantu pomwi amwebo noonse.

Bene Filipi 4:1

Ono mwebo nobamakwesu, nomusunikwi alimwi ndamuyeeya abuumbi. Mwebo mulansangalasha. Paceebo ceeco ndatangala cankusu ceebo ca ndimwe. Anu ubo nobamakwesu mbomweelete kuyuma muMwaami.

1 Bene Tesalonika 2:19

Mwebo ndimwe mwalengesha kwaamba ayi tube akulangila, kusangalala alimwi akwaamba cakutatonsha cikani ca kupuluka kwesu pameenso aMwaami wesu Jesu Klistu bushiku aakwisa.

1 Pita 2:10

Kale kale temwakalinga bantu bakwe Lesa, sombi ono muli bantu bakwe. Kale kale temwakalinga kwishi nkumbu shakwe Lesa, sombi ono mwatambula nkumbu shakwe.

1 Pita 2:25

Mwakalinga anga nimbelele shakasoweka, sombi bulya mwaboola kuMweembeshi uyo utanjilila buumi bwanu.