Luka 15:29 - Baibo Busansulushi Bwa Libuku Ili

²⁹ Sombi wakakumbula baishi ayi, ‘Amubone! Myaaka kufula njindamusebensela anga ngumusha alimwi nshina kumubishishaawo napaceyi. Sombi tamuna kumpaawo kale nabibo kapongo kwaamba ayi nsekelele abeensuma.

Luka 15:29 ပူးပေါင်းရင်းမြစ်များ

Isaya 65:5

Kuswawaawo balaambila bamwi ayi, ‘Kamusoonoka, mutaseni pafwaafwi anebo mukwiinga ndisalalite abuumbi cakwaamba ayi mwebo tamukonshi kuncata!’ Bantu bamushobo uyo bancimabo anga mbwiishi bwenjila mumashono. Bukali bwangu pali mbabo bulibo anga ngumulilo utashimiki.

Sekaliya 7:3

akwiipusha kubapailishi abalaluki. Bakeepusha ayi, “Sa inga twatolelela kulila mukwiinga wa kunyonyoolwa kwa Ŋanda yakwe Lesa mukulikasha kulya mumweenshi wasanu bweenka mbotwakalinga kucita myaaka iinji yeenda?”

Malaki 3:14

Mwebo mulaamba ayi, “Taaku mbocibete kusebensela Lesa. Anu muli mpindunshi mukucita kuyanda kwakwe nabi kuliswangata ceebo ca sheesho nshetwakacita pameenso a Mwaami Lesa Shinkusu shoonse?

Mateyo 20:12

kabaamba ayi, ‘Aba bacaalila basebensabo ciindi ciniinibo, ono mwebo mwabafolesha maali eenka ngomwatupa aswebo netwasebensa akupya kulumwi lisuba lyoonse.’

Luka 15:28

Munenebantu uyo wakakalala abuumbi alimwi wakakaka akwinjila muŋanda. Paceebo ceeco baishi bakaswita pansengwe mukumukombelela ayi enjile muŋanda.

Luka 15:30

Sombi mwanaanu uyu wakanyonyoola buboni bwanu mubanakashi bafuule, ndyaaboola kuŋanda, mwamucaila ŋombe iinite!’

Luka 15:7

Ntoomulwiita ayi akwalo kwiculu kulaba kusekelela bweenka ubo pamucita shibi womwi na wasanduka kuswa kushibiibi, kwiinda pabantu bali 99 baluleme batayandiki kusanduka.

Luka 17:10

Bweenka ubo amwebo mbocibete. Na mwacita nshemwakaambilwa, mulyeelete kwaamba ayi, ‘Tuli basebenshi bateelete kulumbwa mukwiinga twacitabo mulimo wesu!’ ”

Luka 18:9

Lyalo Jesu wakaamba cikoshanyo cimwi kubaabo bakalinga kuyeeya ayi baliluleme kwiinda bamwi boonse.

Luka 19:21

Ndakaloonda mukwiinga muli bakali. Mulabwesa shiteshi shaanu akutebula mpomutakwe kushanga.’

Bene Loma 10:3

Tabeshi nshila iyo Lesa njaalulamikilamo bantu pameenso akwe. Bakeelesha kupanga nshila yabo beene. Paceebo ceeco tabakwe kusumina nshila yakwe Lesa iyo njaalulamikilamo bantu.

Bene Loma 3:20

Ceebo taaku muntu ululamikwa pameenso akwe Lesa kwiinda mukucita bwaamba Milawo. Sombi Milawo ilalengeshabo bantu kwishiba ayi babisha.

Bene Loma 3:27

Aboobo apa taapu nceenga walisumpwitaawo muntu, sobwe. Ceebo taalulamikwi pameenso akwe Lesa kwiinda mukukonkela Milawo, sombi ceebo cakushoma muli Jesu.

Bene Loma 7:9

Kaantana kwishiba bwaamba Milawo ndakalinga muumi, sombi ndindakeshiba shaMilawo kuyandishisha kubisha kwakakomena, kweelana ambocibete ndakafwa.

Ciyubululo 2:17

“Uyo ucite matwi, aanyumfwe sheesho Mushimu Usalashi nshootokwaambila shoonde! “Uyo eshi akakome bubi, ndaakumupa mana ashisitwe. Ndaakumupa alibwe lituba apo mpweshi pakanoolembetwe liina lipya ilyo muntu woonse ndyaateshi, sombibo wooyo weshi akalitambule.

Ciyubululo 3:17

Webo ulaamba ayi, Ndimubile, ndicite buboni buunji, taaku nceentacite. Sombi tooshi kwaamba ayi ulipengete alimwi ulalensha ankuumbu! Uli mukandu, moofu alimwi uli matakosha.